Nehemia 8:3 - O Debleskro Drom 2021 (Sinte)

³ Un sik taissarlakro bis mashkral o diwes draweras job dran ko liil glan, kote ap koi platsa glan ko Panjeskro Wudar. Un hakeno das jak ap kowa, hoi an ko liil dren tardo his.

O Debleskro Lab 2024 (Sinte-Manouche)

³ Oun sik taysarlakro bis mashkral o dives draveras yob dran ko liil glan, kote ap koy platsa glan ko Panyeskro Voudar. Oun hakeno das yak ap kova, hoy an ko liil dren tardo his.

Nehemia 8:3 Iomraidhean Croise

Nehemia 10:29

I tsele Israelitarja, i rashaja, un i Levitarja, un kolla, kai jak denn ap o foreskre wudja, un i gipangre, un i budepangre an o Debleskro kheer, un kolla i wawar menshendar, kai mukan pengre menshen un djan kanna o Debleskro drom, ninna lengre romja, lengre tchawe un tcha, kai haiwenn kowa,

Nehemia 13:1

Ap ko diwes draweran le dran o Moseskro liil glan i tsele menshende. Un jon hatsan, te hi an ko liil tchinlo: ‘Kek i menshendar Ammon, witar kek i menshendar Moab nai djiwenn o Debleskre menshentsa khetne, un kowa kek tsireske.’

Nehemia 8:1

Un har o eftato tchon was, un i Israelitarja pale an pengre forja his, wan i tsele menshe khetne har jek mursh ap i platsa glan o Panjeskro Wudar. Un jon penan ap o Esra, te anell job o Moseskro liil, kai dren tardo hi, hoi o baro Dewel penas, hoi i Israelitarja hunte krenn un rikrenn. O Esra his i sikepaskro, kai prindjras mishto o Debleskro lab.

Nehemia 8:18

Hako diwes draweras o Esra dran o liil glan, kai o Debleskro drom siklo well, o tselo tsiro, kai jon kol bare diwessa rikran. Un kol bare diwessa djan efta diwessa. Un ap o ochtato diwes wan le lauter jaake khetne, har tchinlo his an i tchatchepaskre laba.

Nehemia 8:4

Un o sikepaskro, o Esra, his tardo pre ap i kashteno mochton, hoi koleske kerdo was, te dikenn un nai shunenn les lauter. Un pash leste his tardo, ap i tchatchi rig: O Mattitja, un o Shema, un o Anaja, un o Urija, un o Hilkija, un o Maaseja. Un ap leskri serwi rig: O Pedaja, un o Mishael, un o Malkija, un o Hashum, un o Hashbaddana, un o Secharja, un o Meshullam.

Nehemia 8:5

Un o Esra his tardo pral ap o kashteno mochton. Un i tsele menshe dikan, har kras lo o liil pre. Koi stan le lauter pre.

Markus 12:37

Koi penell o David mo rai ap leste. Har well lo nai leskro tchawo? Un i tsele menshe kaman, te shunenn le o Jesuseskro rakepen.

Louka 19:48

Jon djinan gar, har nai tapran le les. Bud menshe his trul leste, un kaman hako lab te shunell, hoi job penas.

Louka 8:18

Denn jak, te shunenn tumer ap o Debleskro lab! Koon o Debleskro lab an o dji rikrella, kowa haiwell les bud un budeder. Koon o Debleskro lab gar an o dji rikrella, koleske well ninna kowa krik lino, hoi job patsell, te hi les.”

Bičepangre 13:15

Koi pal, har i bibolde dran kol lila glan draweran, hoi o Mose un o Debleskre rakepangre tchinan, mukan lenge kol pralstune pral i biboldengri kangri te penell: “Mare phrala, te kamenn tumer menge i lab te penell, hoi krell men sorelo an o patsepen, penenn les menge!”

Bičepangre 13:27

Kolla, kai djiwenn an o foro Jerusalem, un lengre pralstune haiwan gar, koon o Jesus hi. Jon haiwan witar gar kol laba, hoi o Debleskre rakepangre pral leste penan, ninna te wenn kal laba hako Debleskro diwes an i biboldengre kangria drawedo. Har jon o Jesuses ap o trushel dan, kran jon kowa, hoi o Debleskre rakepangre glan i rah tsiro penan.

Bičepangre 15:21

Kowa, hoi o Mose penas, kowa well i menshenge an hake forja penlo. Hako Debleskro diwes wenn o Moseskre laba an i biboldengre kangria glan-drawedo.”

Bičepangre 16:14

Koi his i djuwel, kai mangas kote o Debles an. Joi his i bikepaskretsa un bikras ripja dran lolo than. Koja kharas Lydia. Joi his dran o foro Tiatira. Kolake kras o rai Jesus o dji pre. Un joi shunas, hoi o Paulo penas, un was patslo.

Bičepangre 17:11

I bibolde an o foro Berea shunan feteder ap o Debleskro lab, har kol bibolde an o foro Tessalonika. Jon shunan o Debleskro lab pengro tselo djijeha, un rodan hako diwes an o Debleskro lab, te djinenn le, te hi kowa tchatcho, hoi o Paulo penas.

Bičepangre 20:11

Koi djas o Paulo pale pre, phagas o maro, chas les lentsa, un rakras i tseli rat lentsa, un palle djas lo peske.

Bičepangre 20:7

Ap o kurko wam mer khetne, te phagas o maro. Un o Paulo penas o Debleskro lab i menshenge. Un o wawar diwes kamas job ap o shiffo dureder te ulerell. Doleske rakras job jaake rah bis deesh-te-dujenge an i rati.

Bičepangre 28:23

Un i bibolde un o Paulo kran penge i diwes win, kai wenn le pale khetne an koi kertchima. Har ko diwes was, wan bud pash leste. Un o Paulo penas lenge, te was ko tsiro, kai o Dewel i menshen pash peste gole della, te lell lo len dran o tchilatchepen win. Un job sikras lende, hoi o Mose un o Debleskre rakepangre pral o Jesuseste tchinan. Un pral kowa rakras o Paulo lentsa o tselo diwes.

5. Mose 31:9

O Mose tchinas kal tchatchepaskre laba an i liil, un das les kol phureden pral Israel un kol rashajende dran o kheer Levi, kai o Debleskro mochton hidjran, kai o Debleskre deesh laba dren hi.

1. Tessalonikarja 2:13

Doleske mukah gar tele, te parkras men pash o Debleste, te patsan tumer o Debleskro lab, hoi tumenge penam. Un tumer haiwan, ko lab well tchatchepah o Deblestar un gar i menshendar. Un tumaro djipen sikrella, te patsenn tumer ap ko lab.

Josua 8:35

Un his kek lab, hoi mukas o Josua gar win te kharell kol tsele labendar, hoi o Mose penas. Un i tsele Israelitarja, ninna i djuwja un tchawe un wi-themarja mank lende shunan kowa.

Debleskro tsiro 2:29

Shunenn halauter mishto, hoi o Debleskro Ducho penella ap i patslende!”

Debleskro tsiro 3:22

Shunenn halauter mishto, hoi o Debleskro Ducho penella ap i patslende!”