Nehemia 8:2 - O Debleskro Drom 2021 (Sinte)

² Jaake anas o rashai Esra ap o ersto diwes an o eftato tchon o Moseskro liil glan i tsele Israelitarja, kai khetne wan, glan kol tsele murshende un djuwjende, un lauterende, kai nai haiwan les.

O Debleskro Lab 2024 (Sinte-Manouche)

² Yaake anas o rashay Esra ap o ersto dives an o eftato čon o Moseskro liil glan i tsele Israelitarya, kay khetne van, glan kol tsele morshende oun djouvyende, oun lauterende, kay nay hayvan les.

Nehemia 8:2 Iomraidhean Croise

Nehemia 10:29

I tsele Israelitarja, i rashaja, un i Levitarja, un kolla, kai jak denn ap o foreskre wudja, un i gipangre, un i budepangre an o Debleskro kheer, un kolla i wawar menshendar, kai mukan pengre menshen un djan kanna o Debleskro drom, ninna lengre romja, lengre tchawe un tcha, kai haiwenn kowa,

Nehemia 13:1

Ap ko diwes draweran le dran o Moseskro liil glan i tsele menshende. Un jon hatsan, te hi an ko liil tchinlo: ‘Kek i menshendar Ammon, witar kek i menshendar Moab nai djiwenn o Debleskre menshentsa khetne, un kowa kek tsireske.’

Nehemia 8:18

Hako diwes draweras o Esra dran o liil glan, kai o Debleskro drom siklo well, o tselo tsiro, kai jon kol bare diwessa rikran. Un kol bare diwessa djan efta diwessa. Un ap o ochtato diwes wan le lauter jaake khetne, har tchinlo his an i tchatchepaskre laba.

Nehemia 8:9

Un i tsele menshe rowan, har shunan le kol laba, hoi an o Moseskro liil tardo his. Un o Nehemia, kowa his o moskro pral o foro Jerusalem, un o rashai Esra, kowa his o sikepaskro, un kol Levitarja, kai i menshenge penan, hoi o Debleskro lab kamell te penell, kolla penan ap lauterende: “Kau diwes hi i baro diwes o baro Debleske, kai tumaro Dewel hi. Doleske mukenn tumare djia gar phares te well! Un ma rowenn!”

Nehemia 9:1

Un ap o 24. (biish-te-starto) diwes an kau tchon wan i Israelitarja khetne, un jon chan tchi un riwan pen an gone un tchiwan tchik ap pengre sherja.

Jesaja 28:9

Jon penenn: “Menge kamell job tchomone pashel te anell un leskre dromma te sikrell? Mer ham buder kek tikne tchawe, kai glan i tikno tsiro gomme o thud pash pengre daja pijan!

3. Mose 23:24

Pen ap i Israelitarja: Ko ersto diwes an o eftato tchon hunte well tumen sawo diwes, kai budrenn gar. Ap ko diwes phurdenn an i phurdepangre, un awenn khetne glan o baro Debleste.

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

4. Mose 29:1

Un ap o ersto diwes an o eftato tchon hunte wenn khetne glan o baro Debleste. Kek budi hunte krenn ap ko diwes. Kawa hunte well tumenge i diwes, kai phurdenn i phurdepaskri.

Bičepangre 15:21

Kowa, hoi o Mose penas, kowa well i menshenge an hake forja penlo. Hako Debleskro diwes wenn o Moseskre laba an i biboldengre kangria glan-drawedo.”

5. Mose 17:18

Ap ko tsiro, kai hi lo ap peskri rajeskri beshepaskri beshdo, hunte mukell lo peske kau liil tele te tchinell, kau liil, hoi pash i rashajende dran o kheer Levi tchiddo hi.

Josua 8:35

Un his kek lab, hoi mukas o Josua gar win te kharell kol tsele labendar, hoi o Mose penas. Un i tsele Israelitarja, ninna i djuwja un tchawe un wi-themarja mank lende shunan kowa.