Nehemia 8:18 - O Debleskro Drom 2021 (Sinte)

¹⁸ Hako diwes draweras o Esra dran o liil glan, kai o Debleskro drom siklo well, o tselo tsiro, kai jon kol bare diwessa rikran. Un kol bare diwessa djan efta diwessa. Un ap o ochtato diwes wan le lauter jaake khetne, har tchinlo his an i tchatchepaskre laba.

O Debleskro Lab 2024 (Sinte-Manouche)

¹⁸ Hako dives draveras o Esra dran o liil glan, kay o Debleskro drom siklo vell, o tselo tsiro, kay yon kol bare divessa rikran. Oun kol bare divessa djan efta divessa. Oun ap o orhtato dives van le lauter yaake khetne, har činlo his an i čačepaskre laba.

Nehemia 8:18 Iomraidhean Croise

Nehemia 8:2

Jaake anas o rashai Esra ap o ersto diwes an o eftato tchon o Moseskro liil glan i tsele Israelitarja, kai khetne wan, glan kol tsele murshende un djuwjende, un lauterende, kai nai haiwan les.

Nehemia 8:3

Un sik taissarlakro bis mashkral o diwes draweras job dran ko liil glan, kote ap koi platsa glan ko Panjeskro Wudar. Un hakeno das jak ap kowa, hoi an ko liil dren tardo his.

3. Mose 23:36

Efta diwessa anenn viechen o baro Debleske, te wenn le leske maredo un chatchedo. Ap o ochtato diwes awenn pale khetne glan o baro Debleste, un marenn un chatchrenn viechen leske. An kal bare diwessa wenn tumer khetne o baro Debleske, un hunte krenn kek budi.

3. Mose 23:41

Krenn kowa leske hako bersh efta diwessa an o eftato tchon. Kau lab hi tumenge un tumare tchawenge, kai pal tumende wenna, kanna un hako tsireske.

4. Mose 29:35

Ap o ochtato diwes hunte wenn khetne un krenn i festo. Kek budi hunte krenn ap ko diwes.

Johanni 7:37

Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!