Nehemia 8:16 - O Debleskro Drom 2021 (Sinte)

¹⁶ Kote djan i menshe win un anan kashta i patjentsa un kran penge patjengre khera. Un hakeno kras peske sau kheer, kol jek pral ap pengre khera, kol wawar pal pengre khera, ninna ap koi platsa glan o Debleskro kheer un ap i platse pash o Panjeskro Wudar un pash o Efrajimeskro Wudar.

O Debleskro Lab 2024 (Sinte-Manouche)

¹⁶ Kote djan i menshe vin oun anan kashta i patyentsa oun kran penge patyengre khera. Oun hakeno kras peske sau kheer, kol yek pral ap pengre khera, kol vavar pal pengre khera, ninna ap koy platsa glan o Debleskro kheer oun ap i platse pash o Panyeskro Voudar oun pash o Efrayimeskro Voudar.

Nehemia 8:16 Iomraidhean Croise

2. Samuel 11:2

His jek diwes, har i rati was, stas o David dran peskro tchiben pre, un djas pral ap peskro kheer. Koi dikas job pral tele, un dikas i djuwjat, kai thowell pes. Un koi djuwel his shukar.

2. Rajengro liil 14:13

Un o Joash tapras o Amazja pash o foro Bet-Shemesh un pandas les. Un o Joash djas dureder un was an o foro Jerusalem un phagas i massuri o forestar Jerusalem dren ap dui-sheel metarja lengstepen: mank o wudar Efrajim un o wudar, kai i rigja khetne wenn.

2. Familjakro liil 20:5

Un i menshe dran o them Juda khetne kolentsa dran o foro Jerusalem his khetne ap o newo glanstuni platsa an o baro Debleskro kheer. Un o Josafat his tardo glan lende.

2. Familjakro liil 33:5

Un i tsele bolepangre momelenge tchiwas lo chatchepangre pre an kol dui glanstune platse glan o baro Debleskro kheer.

Nehemia 12:37

Un jon djan pash ko wudar, hoi Djido Panjeskro Wudar kharell; un dureder pre an o Davideskro foro, kote, kai djal i massuri bis pral o Davideskro kheer, un dureder bis pash o Panjeskro Wudar. Kowa hi ap koi rig o forestar, kai o kham pre djala.

Nehemia 12:39

un palle dureder bis pash o Efrajimeskro Wudar, un palle pash ko Phuro Wudar un palle dureder pash ko Matchengro Wudar un dureder bis pash ko turmo, hoi kharell Hananel, un dureder bis pash ko turmo, hoi kharell Mea, un dureder bis pash o Bakrengro Wudar. Un pash ko Stilepaskro Wudar atchan le tardo.

Nehemia 3:26

bis wergel o Panjeskro Wudar ap koi rig, kai o kham pre djal, un ko turmo, hoi pash o Debleskro kheer glan tardo hi. Kowa his gar dur fun koi platsa Ofel, kai kol budepangre djiwan, kai an o Debleskro kheer budran.

Nehemia 8:1

Un har o eftato tchon was, un i Israelitarja pale an pengre forja his, wan i tsele menshe khetne har jek mursh ap i platsa glan o Panjeskro Wudar. Un jon penan ap o Esra, te anell job o Moseskro liil, kai dren tardo hi, hoi o baro Dewel penas, hoi i Israelitarja hunte krenn un rikrenn. O Esra his i sikepaskro, kai prindjras mishto o Debleskro lab.

Nehemia 8:3

Un sik taissarlakro bis mashkral o diwes draweras job dran ko liil glan, kote ap koi platsa glan ko Panjeskro Wudar. Un hakeno das jak ap kowa, hoi an ko liil dren tardo his.

Jeremia 19:13

Un kol khera an Jerusalem un kol khera kol bare rajendar an o them Juda, kolla wenn ninna pale-tchiddo har koi platsa Tofet, – i tsele khera, kai jon pral pre i tsele bolepangre momelenge sungepaskro koowa chatchran un i wawar chochene deblenge mool win tchoran.

Jeremia 32:29

Un kol lurde dran o them Babilonia, kai trul kau foro tardo hi, wenna dren, un chatchrenn kau foro tele kol tsele kherentsa, kai was ap i dache sungepaskro koowa chatchedo o chocheno debleske Baal, un mool win tchoredo kol wawar chochene deblenge. Doleske was i choli an mande.

5. Mose 22:8

Te kreh tu tuke i newo kheer, pale tchiwess i rikepen trul i dacha, te perell kek tele un tut hi doosh ap leskro merepen.