Nehemia 8:15 - O Debleskro Drom 2021 (Sinte)

¹⁵ Jaake dan le win gole an pengre tsele forja, ninna an Jerusalem, un penan: “Djan win ap i berge un anenn kashta i djeteskre rukendar, ninna i diwje djeteskre rukendar, un i mirtetikre rukendar un i palmtikre rukendar un wawar rukendar, kolen bud patria hi. Un krenn kolendar tikne khera dran patria, jaake har an o Moseskro liil tchinlo hi.”

O Debleskro Lab 2024 (Sinte-Manouche)

¹⁵ Yaake dan le vin gole an pengre tsele forya, ninna an Yerusalem, oun penan: “Djan vin ap i berge oun anenn kashta i djeteskre roukendar, ninna i divye djeteskre roukendar, oun i mirtetikre roukendar oun i palmtikre roukendar oun vavar roukendar, kolen boud patria hi. Oun krenn kolendar tikne khera dran patria, yaake har an o Moseskro liil činlo hi.”

Nehemia 8:15 Iomraidhean Croise

1. Mose 8:11

Un i tauba was pale ap i rati. Un an lakro mui his i newi patri i djeteskro rukestar. Kanna djinas o Noah, te his buder gar bud pani ap i phub.

3. Mose 23:4

Kalla hi i bare diwessa, kai wenn tumer khetne, te well o baro Dewel sharedo. Denn kal diwessa win gole ap pengro tsiro.

3. Mose 23:40

Ap o ersto diwes lenn shukar rukengre, hoi ap i ruka bares wan, ninna palmtikre patria, pappeltikre kashta pengre patjentsa un wawar kashta bud patjentsa, un awenn efta diwessa bachteles glan tumaro baro Debleste.

Zakarie 1:8

Me dikom an i rati i murshes, kai klissas ap i lolo grai. Job atchas tardo an i tala mank i mirtetikre ruka. Pal leste his wawar graja: lole graja, kalo-parne graja un parne graja.

Mateo 21:1

Ap o drom an o foro Jerusalem wan le an o gab Betfage, kai pash o djeteskri berga tchiddo hi. Un kote penas o Jesus ap dujende peskre malendar:

Johanni 12:13

Koi lan le patria, kai phagan le tele, un djan dran o foro pash leste, un dan gole: “Sharas o Debles! Sharedo well kowa, koles o Dewel bitchras, o baro rai pral Israel!”

5. Mose 16:16

Triin kope an o bersh hunte wenn tumare tsele mursha glan tumaro baro Debleste ap koi platsa, hoi job peske win rodell: ap kol bare diwessa, kai chan kek maro dran shutlo jarro, un ap ko baro diwes, kai anenn o baro Debleske o newo djobestar, hoi tumer dren anan, un ap kol diwessa, kai djiwenn an patjengre khera. Un kek well, koles tchi pash peste hi, hoi job o baro Debleske anella.

Debleskro tsiro 7:9

Pal kowa dikom me bud menshen, jaake bud, te nai penell kek, kitse jon hi. Kolla wenna dran hako them, haki natsjona, haki harmenatsjona un hako rakepen. Un jon his khetne tardo glan o rajeskro beshepaskro un glan ko terno bakro. Len his parne ripja ap lende un bare patria an lengre wasta.