Nehemia 8:14 - O Debleskro Drom 2021 (Sinte)

¹⁴ Un an ko liil hatsan le kol laba, kai penas o baro Dewel ap o Moseste, te hunte rikrenn i Israelitarja kol bare diwessa, kai kharenn ‘Patjengre Khera’ an o eftato tchon. Un an kol diwessa hunte djiwenn le an tikne khera, hoi jon penge dran patria krenn.

O Debleskro Lab 2024 (Sinte-Manouche)

¹⁴ Oun an ko liil hatsan le kol laba, kay penas o baro Devel ap o Moseste, te hounte rikrenn i Israelitarya kol bare divessa, kay kharenn Patyengre Khera an o eftato čon. Oun an kol divessa hounte djivenn le an tikne khera, hoy yon penge dran patria krenn.

Nehemia 8:14 Iomraidhean Croise

1. Mose 33:17

Un o Jakob djas dureder an Sukkot, kras peske i kheer un khera i viechenge. Doleske das lo koi platsa ko lab Sukkot.

Esra 3:4

Un jon rikran kol bare diwessa, kai djiwenn i Israelitarja an patjengre khera, jaake har tele tchinlo was, un chatchran jaake bud viechen o Debleske kol tsele efta diwessa, har hako diweske glan tchinlo his.

Nehemia 8:13

Un ap o duito diwes wan i pralstune kol Israelengre familjendar un i rashaja un i Levitarja khetne pash o Esra, ko sikepaskro, kai o Debleskro lab mishto djinas, te sikrell lo len, hoi an o Moseskro liil tardo hi, te haiwenn le o Debleskro drom feteder.

3. Mose 23:34

Pen ap i Israelitarja: An o eftato tchon hi kol bare diwessa, kai djiwenn tumer an patjengre khera efta diwessa, te well o baro Dewel sharedo. Ko ersto diwes hi o 15. (deesh-te-pantchto) diwes an kau tchon.

Johanni 7:2

I tikno tsiro glan kol biboldengre bare diwessa, hoi kharenna Sukkot, penan leskre phrala ap leste: “Ma atch an o them Galilea! Dja an o them Judea, te dikenn ninna tire mala, hawo baro koowa tu kreh!