Nehemia 6:9 - O Debleskro Drom 2021 (Sinte)

⁹ Jon lauter kaman menge daar te krell, te budras gar dureder, te well i massuri gar kerdo. Doleske krom mire wasta sorleder.

O Debleskro Lab 2024 (Sinte-Manouche)

⁹ Yon lauter kaman menge daar te krell, te boudras gar doureder, te vell i massouri gar kerdo. Doleske krom mire vasta zorleder.

Nehemia 6:9 Iomraidhean Croise

2. Familjakro liil 15:7

Tumer, awenn sorelo, ma mukenn tumen daar te krell! O baro Dewel plaissrell tumen koleske, hoi krenn!”

2. Familjakro liil 32:18

Un i bitchepangre dan i bari gole an o rakepen har lo an o them Juda rakedo well, ap i menshende, kai an o foro Jerusalem djiwan, un ap o foreskri massuri tardo his, te krenn le len traashnes un darenes. Un jaake kaman le o foro dren te lell.

Esra 1:6

Un halauter, kai trul lende trujel djiwan, kran lengre wasta soreles un dan len rup, sonakai, wawar latcho un kutch koowa un vieche, ninna wawar koowa, hoi jon len dran pengro kamlepen dan.

Nehemia 6:14

Miro Dewel, biste kowa lenge gar, hoi o Tobija un o Sanballat kran, un ninna hoi i Noadja an o Debleskro lab pral mande win rakras, un kol tsele wawar, kai kran, har te rakrans le Debleskre laba win, un kaman mange daar te krell.

Debleskri gili 138:3

Ap ko diwes, hoi me ap tute gole dom, shunal tu man, un dal man pale bari soor.

Debleskri gili 56:3

Kolla, kai kamenn mange tchilatchepen, lenn man hako diwes palla. Bud djan pre-phurdemen ap mande.

Debleskri gili 68:35

Hadenn o Debles! Job hi o bareder. Leskro railepen hi pral o Israel, un leskri soor djal bis ap i wolke.

Debleskri gili 71:1

Baro Dewel, me rikrau man ap tute. Muk man gar tchitcheske pash tute te well!

Jesaja 40:29

Job dell kolen, kai khino wan, newi soor. Un an kolende, kai kek soor buder hi, dell lo newo djipen.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jeremia 38:4

Kote rakran kol pralstune o baro rajeha un penan: Muk kau murshes, o Jeremia te marell; jaake har job rakrella, lell lo i soor kol lurdendar krik, kai kate pash mende pral atchan an kau foro. Un jaake djal ninna i tsele menshenge an kau foro. Kau mursh rodell gar, hoi i menshenge mishto hi. Na-a, job anell len an i bibacht.

Ezekiel 30:24

Un me krau i mussja o baro rajestar pral o them Babilonia soreles. Un dau les miro charo an o wast. Un o Farao peskre phagede mussjentsa dell gole i dukatar glan leste har i mursh, kai was phares dukedo un hunte merell.

Zakarie 10:12

Me, o baro Dewel, krau mire menshen soreles. Un jon mangenn man an un shunenn ap mande. Kowa penell o baro Dewel.

2. Korintarja 12:9

Un job penas ap mande: “Muk tuke miro latchepen doha te well! Miri soor hi bari an kolende, kai gar sorelo hi.” Un me, o Paulo, penau tumenge: Doleske kamau man me te sharell, kai hi man kek soor. Jaake nai dikell hakeno, o Jesus Kristo peskri sorjah hi pash mande.

Efesarja 3:16

Un leskri soor hi bari. Doleske mangau lestar, te krell leskro Ducho tumare djia soreles.

Efesarja 6:10

Ninna kamau tumenge te penell: Awenn soreles an o patsepen ap o rajeste, o Jesuseste! Les hi i bari soor tumenge.

Filiparja 4:13

O Jesus Kristo dell man i soor, te djiwap jaake te jaake.

Hebrearja 12:12

Doleske awenn pale soreles! Hadenn tumare wasta pale pre, hoi khino wan! Krenn tumare herja pale soreles, an lende buder kek soor hi!

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.

1. Samuel 30:6

Un i murshengre djia rowan pral lengre tchawende un tchen, un jon wan jaake chojedo ap o Davideste, te kaman le les mulo te dell i barrentsa. Un o David was an i pharo tsiro. Un job las peskri soor o baro Deblestar, kai leskro Dewel hi.