Nehemia 6:2 - O Debleskro Drom 2021 (Sinte)

² Kote bitchras o Sanballat un o Geshem murshen pash mande, un mukan mange te penell: “Ab pash mende an o gab Kefirim an o telstuno them pash o foro Ono!” Len his glan, te krenn le mange tchilatchepen.

O Debleskro Lab 2024 (Sinte-Manouche)

² Kote bičras o Sanballat oun o Geshem morshen pash mande, oun moukan mange te penell: “Ab pash mende an o gab Kefirim an o telstouno them pash o foro Ono!” Len his glan, te krenn le mange čilačepen.

Nehemia 6:2 Iomraidhean Croise

2. Samuel 20:9

Un o Joab penas ap o Amasa: “Har djal tuke, miro phraal?” Un o Joab tapras o tchatcho wasteha o Amaseskri tchor, te tchumrell lo les.

2. Samuel 3:27

Har o Abner pale an o foro Hebron was, las o Joab les ap i rig pash o baro wudar, te rakrell job tchorchanes leha. Koi das o Joab les an o per tchurje, jaake te meras lo. Kowa kras lo doleske, kai o Abner leskro phrales, o Asahel, maras.

1. Familjakro liil 8:12

O Elpaal, leskre tchawe his: o Eber, o Misham, un o Shemed, kowa tchiwas i forja Ono un Lod pre, un kol gaba trujel.

Nehemia 11:35

Lod, Ono un an koi tala, kai djiwenn kolla, kai budrenn i kashteha.

Nehemia 3:22

Pal koleste budran i rashaja ap i massuri: i mursha dran o telstuno them pash o pani Jordan;

Nehemia 6:3

Un me bitchrom lenge bitchepangre pale, un mukom lenge te penell: “Me krau kate i bari budi, un me nai wau gar tele. Te mukoms kate lauter tchiddo un woms tele pash tumende, nai wals jaake, te djals koi budi gar dureder.”

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Debleskri gili 37:12

O tchilatcho kamell midjak koowa te krell ap koleste, kai an o tchatchepen tardo hi, un sikrell leske i danda.

Debleskri gili 37:32

O tchilatcho lell koles an o jak, kai an o tchatchepen tardo hi, te hatsell lo i drom, te nai dell lo les mulo.

Sikepaskro 4:4

Un me dikom, har marenn pen i menshe tele un krenn latchi budi, te wenn le feteder har kol wawar, jaake te silwerenn kolla ap lende. Kowa hi ninna tchi-moldo, un jaake har te nashals jek pal o ducho, hoi djal pral i phub.

Jeremia 41:2

Un o Jishmael stas khetne peskre deesh murshentsa pre, kai pash leste his, un dan o Gedalja o chareha mulo, koles o baro rai dran o them Babilonia pral o them tchiwas.

Ezekiel 33:31

Un jon wenn pash tute jaake, har menshe khetne wenn, un beshenn pen pash tute, un shunenn, hoi peneh. Kowa, hoi penal, krenn le gar. Pengre mujentsa penenn le, te kamenn le man. Lengro dji djal koleske palla, har le bud lowe nai krenn.