Nehemia 6:10 - O Debleskro Drom 2021 (Sinte)

¹⁰ Un me wom an o kheer, kai o Shemaja djiwas, koleskro dad o Delaja his, un koleskro dad o Mehetabel his. O Shemaja nai djas gar dran peskro kheer win, un penas mange: “Me un tu hunte was khetne an o Debleskro kheer un hunte pandas men dren an i palstuni isema. Jon wenna, te denn le tut temerl. Rati wenn le, te denn le tut temerl.”

O Debleskro Lab 2024 (Sinte-Manouche)

¹⁰ Oun me vom an o kheer, kay o Shemaya djivas, koleskro dad o Delaya his, oun koleskro dad o Mehetabel his. O Shemaya nay djas gar dran peskro kheer vin, oun penas mange: “Me oun tou hounte vas khetne an o Debleskro kheer oun hounte pandas men dren an i palstouni isema. Yon venna, te denn le tout temerl. Rati venn le, te denn le tout temerl.”

Nehemia 6:10 Iomraidhean Croise

1. Mose 36:39

Har meras o Baal-Hanan, koleskro dad o Akbor his, was o Hadar o baro rai. Un ko lab peskro forestar his Pagu. Un ko lab peskri romjatar his Mehetabel. Lakri dai his i Matred, kolakro dad o Mesahab his.

1. Rajengro liil 6:5

Win trul o kheer ap kol dui rigja un ap i palstuni massuri mukas lo rigjengre iseme te krell. Kolla djan ap triin dromma jek pral o wawar trul o kheer.

2. Rajengro liil 11:3

Un job his pash i Josheba khatedo an o baro Debleskro kheer shob bersha. An ko tsiro his i Atalja i rani pral o them.

2. Rajengro liil 9:8

Awa, kamau, te wenn kol tsele mursha maredo, kai wenna pal o Ahab, i terne har i phure.

2. Familjakro liil 28:24

Un o Ahas anas kol koola khetne, kolentsa budran le an o Debleskro kheer, un das len an kotja, un pandas i wudja an o baro Debleskro kheer, un tchiwas peske chatchepangre pre an haki platsa an o foro Jerusalem.

2. Familjakro liil 29:3

An o ersto bersh, har lo baro rai his, an o ersto tchon kras job i wudja an o baro Debleskro kheer pale pre, un mukas len kote, kai his le paash, newes te krell.

2. Familjakro liil 29:7

Un jon pandan i wudja glan i glanstuni halla, un mukan i momlia win te djal, un chatchran kek sungepaskro koowa, witar kek viechen, o Debleske pral Israel.

Esra 10:31

an i familja Harim: o Elijeser, o Jishija, o Malkija, o Shemaja, o Simeon,

Esra 8:16

Kote mukom i gosewe pralstune pengre familjendar pash mande te well: o Elijeser, o Arijel, o Shemaja, o Elnatan, o Jarib, o wawar Elnatan, o Natan, o Secharja un o Meshullam, un kol dui sikepangre, o Jojarib un o Elnatan,

Nehemia 6:12

Me haiwom, koles bitchras gar o Dewel! His o Tobija un o Sanballat, kai dan les lowe, te penell job sau koowa mange,

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Debleskri gili 37:12

O tchilatcho kamell midjak koowa te krell ap koleste, kai an o tchatchepen tardo hi, un sikrell leske i danda.

Gosewe laba 11:9

Jek, kai kamell tchi o Deblestar te djinell, anell peskro rakepah i wawaren o Debleskro dromestar tele. Kolla, kai an o tchatchepen tardo hi, lenn pengro gosewo rakepah wawaren dran o merepen win.

Jeremia 36:5

Palle penas o Jeremia ap leste: Mange was penlo, te djap buder gar an o baro Debleskro kheer.

Ezekiel 3:24

Kote was i soor o Deblestar an mande dren, un tchiwas man ap mire herja. Un o baro Dewel penas ap mande: Tu mensho, dja an tiro kheer un pande tut dren!

Maleachi 1:10

‘Kamaus, te wals jek tumendar koi, kai krals o wudja an miro kheer pandles, te krenn tumer gar tchitcheske i jag ap miri chatchepaskri! Man hi doha tumendar’, penell o baro Dewel, ko rai pral o bolepen un i phub. ‘Un kol marede vieche, hoi mange anenn, hi mange gar mishto.’

Mateo 7:15

Denn jak, te patsenn gar kol chochene rakepangren, kai penenn, te wans le o Deblestar bitchedo! Jon krenn, har te wans le tumare phrala. An lengro dji hi le diwje djukle, kai marenna.

Johanni 3:20

Kolla, kai o tchilatcho koowa krenna, kamenna gar koi momeli. Jon atchenn penge an o tamlepen, jaake kai dikenn i wawar gar, hawo tchilatcho koowa jon krenna.

Bičepangre 21:30

I tsele menshe an o foro Jerusalem wan chojemen ap o Pauleste, nashan khetne, tapran o Paules, un tserdan les dran o Debleskro baro kheer win. Har jon win his, pandan le sik i wudja an o Debleskro baro kheer.