Nehemia 5:14 - O Debleskro Drom 2021 (Sinte)

¹⁴ Fun ko diwes an, kai mange penlo was, te wap o rai pral o them Juda, lom me mange un mire menshenge tchi kolestar, hoi o themeskro rajeste hunte dino wals. Deesh-te-dui bersha krom jaake. Kowa his an ko tsiro, kai o Artaxerxes an o 20. (biishto) bersh baro rai his, bis an leskro 32. (trijanda-te-duito) bersh.

O Debleskro Lab 2024 (Sinte-Manouche)

¹⁴ Foun ko dives an, kay mange penlo vas, te vap o ray pral o them Youda, lom me mange oun mire menshenge či kolestar, hoy o themeskro rayeste hounte dino vals. Deesh-te-douy bersha krom yaake. Kova his an ko tsiro, kay o Artaxerxes an o 20. (biishto) bersh baro ray his, bis an leskro 32. (triyanda-te-douyto) bersh.

Nehemia 5:14 Iomraidhean Croise

Nehemia 1:1

Kawa hi, hoi pral o Nehemia tchinlo hi, koleskro dad o Hachalja hi. Har his o Artaxerxes an o biishto bersh o baro rai, homs an o tchon Kislew an baro rajeskro kheer an o foro Susa.

Nehemia 13:6

Har o Eljashib ko baro chapaskro kheer o Tobijaske das, te djiwell lo koi, homs me gar an o foro Jerusalem. An ko bersh, har o Artaxerxes an o 32. (trijanda-te-duito) bersh o baro rai pral Babilonia his, djom me pash leste pale. Pal i tsiro putchom lestar, te mukell lo man pale pale te djal an Jerusalem.

Nehemia 2:1

Un an ko tsiro, har his o Artaxerxes an o biishto bersh o baro rai, an o tchon Nisan, homs glan leste tardo. Pash o chapen lom me i mool un dom lat o baro rajeste. Mange his ropaske. Glan kowa dikas lo kek tsireske, kai miro dji rowas.

Mateo 25:16

Un ko mursh, kai kol pantch gone pherdo rup las, kowa djas sik pash i bikepangre, ginas un bikras bud koowa, un anas pantch wawar gone pherdo rup khetne pashel.

1. Korintarja 9:18

Hoi lau me koleske? Me lau tchi. Mange hi shukeder te penap o latcho lab o Jesus Kristestar tchitcheske, har te wap me plaissedo.