Nehemia 5:10 - O Debleskro Drom 2021 (Sinte)

¹⁰ Shunenn! Ninna me un mire phrala un mire budepangre patsan len lowe win un ninna djob. Mer te mukas lenge koi sijaan tele, jaake te hunte denn le tchi pale!

O Debleskro Lab 2024 (Sinte-Manouche)

¹⁰ Shounenn! Ninna me oun mire phrala oun mire boudepangre patsan len love vin oun ninna djob. Mer te moukas lenge koy siyaan tele, yaake te hounte denn le či pale!

Nehemia 5:10 Iomraidhean Croise

Nehemia 10:32

Mer kamah gar ap o Debleskro diwes djob un wawar koowa te ginell kol menshendar, kai an kau them djiwenn, te wenn jon pengro koweha ginepaske ap o Debleskro diwes un ap wawar bare diwessa. An hako eftato bersh budrah gar ap mari hachetikri phub. Un mer mukah hakeneske peskri sijaan tele.

Nehemia 5:11

Denn len gomme kau diwes lengri hachetikri phub pale, ninna lengro drakengro them, lengre djeteskre ruka un lengre khera! Un mukenn lenge lengri tseli sijaan tele, hoi jon pash tumende hi, lowe, djob, mool un djet!”

Nehemia 5:7

Un rakrom miro djijeha, un djom pash i pralstunende un i tchatchepangre murshende un tchingrom ap lende un penom: “Tumer pijenn o rat tumare phralendar win!” Un me krom i baro tsillo,

Nehemia 5:9

Un me penom: “Gar mishto hi kowa, hoi tumer kai krenna! Tumer hunte djiwans glan o baro Debleskre jaka, un krans, hoi mishto hi, te nai praassens men kol wawar menshe gar, kai trul mende djiwenn un maro merepen kamenn.

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

Ezekiel 18:13

Te patsell lo lowe win, lell lo peske budeder lowe pale. Nai atchell sawo mensho djido? Na-a! Koon sawo djungelo koowa kras, hunte merell. Job hunte lell peskri phagi!

Ezekiel 18:7

Job rikrell kekes sorjah tele. Te patsas lo lowe win, dell lo kowa pale, hoi das les ko tchorwelo ko tsireske, kai les sijaan pash leste hi. Job lell kekestar tchomone sorjah peske. Peskro maro dell lo koles, kones bok hi, ninna koola koles, kai kek an-ripaske hi.

Ezekiel 18:8

Te patsas lo lowe win, lell lo peske gar budeder lowe pale. Job rikrell peskro wast pale, te krell lo kek tchilatchepen. Un an i tchingepen dell lo jak, te lell hakeno peskro tchatchepen.

Micha 2:1

Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.

2. Korintarja 5:11

Mer djinah, har trashas maro rajestar. Doleske rakrah i menshenge an o dji, te patsenn le ap leste. O Dewel djinell, te djah mer o tchatcho drom. Kamoms, te djinenn an tumare djia kowa ninna.

2. Korintarja 5:20

Jaake ham mer o Debleskre bitchepangre. Men hi o Jesus Kristeskro tchatcho wast. Doleske mangah i menshendar, te wenn le pash leste. Un kowa hi jaake, har te dell len o Jesus Kristo gole: “Awenn pash o Debleste! Awenn leskre mala!”

2. Korintarja 6:1

Mer ham o Debleskre budepangre. Doleske penah tumenge: Ma witsrenn gar o Debleskro latchepen an i tchik!

5. Mose 15:2

Krenn kowa jaake: Hakeno, kai i wawar Israelitares lowe patsas, mukell leske kanna koi sijaan. Job te mangell gar koi sijaan pale leskro phralestar. Hi i baro Debleskro bersh, kai i tseli sijaan muklo well.