Nehemia 4:7 - O Debleskro Drom 2021 (Sinte)

⁷ Doleske tchiwom me i murshen kote pash i massuri pre, kai i barra gomme win phagedo his. Un me tchiwom len jaake pre, te hi hako kopo kolla dran jek bari familja khetne tardo. Un len his pengre chare un witsepangre tchurja un boge pash pende.

O Debleskro Lab 2024 (Sinte-Manouche)

⁷ Doleske čivom me i morshen kote pash i massouri pre, kay i barra gomme vin phagedo his. Oun me čivom len yaake pre, te hi hako kopo kolla dran yek bari familya khetne tardo. Oun len his pengre rhare oun vitsepangre čourya oun boge pash pende.

Nehemia 4:7 Iomraidhean Croise

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

2. Rajengro liil 24:2

Un o baro Dewel mukas bud lurden pral leste te well, kai trujel djan un randan an o them Juda. Kolla wan dran i themma Babilonia, Syria, Moab, un Ammon, un kran o them paash. Kowa was jaake, har o baro Dewel rakras ap peskre rakepangre, kai leske koi his, un har jon kowa i menshenge dureder penan.

2. Familjakro liil 20:1

Pal i tsiro wan i Moabarja un i Ammonarja, te kurenn le pen o Josafateha. Un lentsa wan ninna lurde dran o them Meun.

Esra 5:8

Mer kamah tuke te penell, kai mer nasham an o them Juda, pash o kheer o baro Deblestar. Ko kheer well bare barrentsa kerdo. Un kasht well an i massurja dren tchiddo. Un i budi well mishto kerdo, un djal an lengro wast sik dureder.

Nehemia 2:10

Un har shunan kowa o Sanballat, ko Horonari, un leskro budepaskro, ko Ammonari o Tobija, wan le an bari choli, te was jek, kai kamas i Israelenge latchepen te krell.

Nehemia 2:19

Kote his ninna mursha, kai praassan men un san pral mende, har shunan le kowa. Jon his o Sanballat, ko Horonari, un leskro budepaskro, o Tobija, ko Ammonari, un o Geshem, ko Arabari. Kolla penan: “Hoi hi kowa, hoi kote krenn? Kamenn tumer o baro rajestar tele te perell?”

Nehemia 4:1

Un i budi ap o foreskri massuri djas mishto dureder, un kol kotja, kai i barra gomme win phagedo his, wan pale newes kerdo. Har shunas kowa o Sanballat un o Tobija, ninna kol menshe dran Arabia, dran Ammon un dran Ashdod, koi tapras len bari choli.

Nehemia 4:6

Kol bibolde, kai gar dur lendar djiwan, wan pale te pale pash mende un penan menge, hoi kolen glan his.

Nehemia 4:8

Un har lengri daar dikom, djom pash lende un penom ap i pralstunende un ap i tchatchepangre murshende un ap i tsele murshende: “Ma darenn lendar! Dikenn ap o Debleste, kai hi baro un jaake sorelo, te darell hunte hakeno lestar! Un djan an o kurepen tumare phralenge, un tumare tchawenge un tchenge, tumare romjenge un tumare kherenge!”

Nehemia 6:16

Har shunan kowa kolla lauter, kai menge tchilatchepen kaman, trashan i menshe an i tsele themma, hoi trul mende hi. Un lengro pre-phurdepen djas krik. Un jon haiwan, te his maro Dewel pal koi budi tardo.

Jeremia 25:20

un wi-themarja an o them Egiptia; i tsele bare raja an o them Uz; i tsele raja an kol Filistarengre forja Ashkelon, Gaza, Ekron un kolla, kai pral atchan an Ashdod;

Jeremia 41:10

Un job las i menshen pandles, kai an o foro Mizpa djides atchan: o baro rajeskre tcha un kol wawar menshe, halauteren, kai o Nebusaradan, ko pralstuno i lurdendar, an o foro Mizpa pale mukas, te dell o Gedalja garda ap lende. Un o Jishmael djas lentsa peske, un kamas wergel pash i Ammonarja te djal.

Amos 1:13

O baro Dewel penell: I menshe an o them Ammon kran pale te pale djungelo koowa. Har kuran le pen an o kurepen, te lenn le i bareder them, tchinan le djuwjen pre, kai wawartchandes his an o them Gilead. Doleske lenn le pengri phagi, un khaitenn man gar.

Amos 1:8

Un mukau i raja pral i forja Ashdod un Ashkelon mulo te dell, un dau o fores Ekron. Un i tsele Filistarja, kai pral atchan, merenna.

Amos 3:9

Denn win gole an i shukar khera an o foro Ashdod un an o them Egiptia: Awenn khetne ap i berge trul o foro Samaria, un dikenn, har diwjo un tchilatcho i menshe kote hi, un har jek o wawares sorjah tele rikrell.

Bičepangre 5:33

Har jon kowa shunan, wan jon chojemen ap lende, un kaman len te marell.

Debleskro tsiro 12:17

Un ko baro lolo sap was chojedo ap koi djuwjate, un djas koi, te marell lo lakre tchawen. Kolla hi kol menshe, kai shunenn ap o Debleskro lab, un djan ap o Jesuseskro drom.

1. Samuel 11:2

O Nahash penas ap lende: “Kawa hi, hoi tumentsa win krau: Me dau hakeneske tumendar o tchatcho jak win. Jaake anau ladj ap o tselo Israel!”