Nehemia 4:15 - O Debleskro Drom 2021 (Sinte)

¹⁵ Jaake budram mer o tselo diwes jaake rah har o kham pre djas bis pash ko tsiro, kai i bolepangre momlia glan wan. Un o paash mendar das jak un rikras o witsepaskro tchuri an o wast.

O Debleskro Lab 2024 (Sinte-Manouche)

¹⁵ Yaake boudram mer o tselo dives yaake rah har o kham pre djas bis pash ko tsiro, kay i bolepangre momlia glan van. Oun o paash mendar das yak oun rikras o vitsepaskro čouri an o vast.

Nehemia 4:15 Iomraidhean Croise

2. Samuel 15:31

Un har o Davideske penlo was, kai o Ahitofel ap o Absalomeste rikrell, penas job: “Baro Dewel, kre te patsell hakeno, kai kowa, hoi o Ahitofel penell, dinlepen hi!”

2. Samuel 17:14

Koi penas o Absalom un hakeno an Israel: “Kowa hoi o Hushai penas, hi feteder har kowa, hoi o Ahitofel penas.” Jaake kras o baro Dewel, kai kek kowa kras, hoi o Ahitofel an leskro goswepen penas. O baro Dewel kamas i bibacht pral o Absalom te anell.

Nehemia 4:16

An ko tsiro penom me ap i pralstunende: “Hakeno te atchell peskre murshentsa rati an o foro Jerusalem, jaake te hi men doha mursha, kai denn jak an i rat un budrenn ap o diwes.”

Gosewe laba 21:30

Kote dell kek goswepen, tchi hoi jek feteder nai djinals un penals, har nai krell o baro Dewel.

Jesaja 44:25

Me krau, te wenn kol laba gar tchatcho, hoi i durkepangre penan, un mukau kol drawepangre har dinele win te dikell. Me sikrau, har hi tchi-moldo ko goswepen kolendar, kai patsenn, te hi le gosewo. Me tchakrau pre, te hi lengro goswepen tchatchepah dinlepen.

Jesaja 8:10

Rakrenn khetne har te djan glan, un djinenn, kolestar well tchi. Rakrenn jaake bud har kamenn, Tchi well win. O Dewel hi mentsa.

Markus 13:34

Kowa hi jaake har pash i mursheste, kai djas ap o them. Job mukas peskro kheer un das peskre budepangren lauter an o wast, hakeneste das lo leskri budi. Un penas ap koleste, kai pash o wudar beshdo hi: De garda ap miro kheer! Ma sob!

Remarja 12:11

Ma awenn khino! Krenn tumari budi i tseli sorjah! Halauter, hoi tumer krenna, krenn o Jesuseske, maro rajeske!

1. Tessalonikarja 4:11

Djiwenn tumaro djipen jaake, te nai rakrenn i menshe gar djungeles pral tumende! Krenn tumari budi! Budrenn jaake, te well tumen doha djipaske, jaake har tumenge penam!