Nehemia 3:7 - O Debleskro Drom 2021 (Sinte)

⁷ Un kolenge ap i rig budras o Melatja dran Gibeon un o Jadon dran Meronot, ninna i mursha dran Gibeon un Mizpa, kai ko themeskro rai djiwas, kai ap i wawar rig o lengsto panjestar o rai his.

O Debleskro Lab 2024 (Sinte-Manouche)

⁷ Oun kolenge ap i rig boudras o Melatya dran Gibeon oun o Yadon dran Meronot, ninna i morsha dran Gibeon oun Mispa, kay ko themeskro ray djivas, kay ap i vavar rig o lengsto panyestar o ray his.

Nehemia 3:7 Iomraidhean Croise

2. Samuel 21:2

[I Gibeonarja his gar kol menshendar Israel. Jon atchan pral fun i Amorarja. Un i Israelitarja kran lentsa win, te mukenn le len djido. Har kuras pes o baro rai Saul peskri tseli sorjah peskro themeske Israel un Juda, kamas lo ninna i tsele Gibeonarjen te marell.] Kanna mukas o baro rai David kol Gibeonarjen gole te dell, un rakras lentsa,

1. Familjakro liil 27:30

O pralstuno pral i khamele his o Obil, ko Ismaelari. O pralstuno pral i burike his o Jechdeja dran o foro Meronot.

2. Familjakro liil 16:6

O baro rai Asa mukas an o tselo them Juda win gole te dell, te well hakeno an o foro Rama, te hidjrenn le kol barra un ko kasht krik, hoi o Baasha kote khetne anas, te krell lo o foro sorleder. Un kal barrentsa un kau kashteha mukas o baro rai Asa kol forja Mizpa un Geba sorleder te krell.

Esra 4:11

Un kal laba his tardo an ko liil: Ap o baro rajeste Artaxerxes, i murshendar ap i wawar rig o panjestar Eufrat. Mer ham tire budepangre,

Nehemia 3:19

o Eser, koleskro dad o Jeshua his. O Eser his o pralstuno pral o foro Mizpa. Un job budras ap ko kotar ap i massuri, hoi hi tchiddo ap i wawar rig ko kherestar, kai i marepaskre koola dren hi, un djal bis pash i bangi ekka;