Nehemia 3:26 - O Debleskro Drom 2021 (Sinte)

²⁶ bis wergel o Panjeskro Wudar ap koi rig, kai o kham pre djal, un ko turmo, hoi pash o Debleskro kheer glan tardo hi. Kowa his gar dur fun koi platsa Ofel, kai kol budepangre djiwan, kai an o Debleskro kheer budran.

O Debleskro Lab 2024 (Sinte-Manouche)

²⁶ bis vergel o Panyeskro Voudar ap koy rig, kay o kham pre djal, oun ko turmo, hoy pash o Debleskro kheer glan tardo hi. Kova his gar dour foun koy platsa Ofel, kay kol boudepangre djivan, kay an o Debleskro kheer boudran.

Nehemia 3:26 Iomraidhean Croise

1. Familjakro liil 9:2

Un mank kol erste menshe, kai pale wan, un pale an pengro them un pengre forja djiwan, his Israelitarja, rashaja, Levitarja un sawe, kai budran an o Debleskro kheer.

2. Familjakro liil 27:3

O Jotam his kowa, kai kras o pralstuno wudar ap o baro Debleskro kheer. Ninna kras lo koi massuri sorleder, hoi djal trul ko foreskro kotar, hoi kharell Ofel.

2. Familjakro liil 33:14

Un pal kowa mukas lo win glan o Davideskro foro i bari massuri te krell. Koi massuri djas ap koi rig, kai o kham tele djal, pash o pani Gihon an i tala un dureder kote, kai o drom pash o Matchengro wudar djal, un trul ko foreskro kotar, hoi kharell Ofel. Un job bitchras bare lurden an hako sorelo foro an o them Juda.

Nehemia 10:28

Malluch, Harim, Baana.

Nehemia 11:21

Un kol budepangre, kai budran an o Debleskro kheer, djiwan an ko kotar o forestar Jerusalem, hoi kharell Ofel. Lengre pralstune his o Ziha un o Gishpa.

Nehemia 12:37

Un jon djan pash ko wudar, hoi Djido Panjeskro Wudar kharell; un dureder pre an o Davideskro foro, kote, kai djal i massuri bis pral o Davideskro kheer, un dureder bis pash o Panjeskro Wudar. Kowa hi ap koi rig o forestar, kai o kham pre djala.

Nehemia 3:27

Pal koleste budran i mursha dran o foro Tekoa ap i massuri, wergel kotar, kai ko turmo glan tardo his, bis pash koi massuri trul i platsa Ofel.

Nehemia 8:1

Un har o eftato tchon was, un i Israelitarja pale an pengre forja his, wan i tsele menshe khetne har jek mursh ap i platsa glan o Panjeskro Wudar. Un jon penan ap o Esra, te anell job o Moseskro liil, kai dren tardo hi, hoi o baro Dewel penas, hoi i Israelitarja hunte krenn un rikrenn. O Esra his i sikepaskro, kai prindjras mishto o Debleskro lab.

Nehemia 8:16

Kote djan i menshe win un anan kashta i patjentsa un kran penge patjengre khera. Un hakeno kras peske sau kheer, kol jek pral ap pengre khera, kol wawar pal pengre khera, ninna ap koi platsa glan o Debleskro kheer un ap i platse pash o Panjeskro Wudar un pash o Efrajimeskro Wudar.

Nehemia 8:3

Un sik taissarlakro bis mashkral o diwes draweras job dran ko liil glan, kote ap koi platsa glan ko Panjeskro Wudar. Un hakeno das jak ap kowa, hoi an ko liil dren tardo his.

Jesaja 32:14

An o rajeskro kheer well kek buder. Muklo well o foro, kai jaake bud menshe trujel nashenn. I sorele barrengre khera un o turmo, kai pral an o foro tardo hi, perenn khetne. Un mank lende djiwenn diwje burike i rah tsireske, un bakre un grumja chan kote.