Nehemia 3:15 - O Debleskro Drom 2021 (Sinte)

¹⁵ Un o Djido Panjeskro Wudar kras o Shallum, koleskro dad o Kol-Hose his. O Shallum his o pralstuno pral o them trul o foro Mizpa. Job kras ko Djido Panjeskro Wudar un tchiwas i dacha pre, un kol dui wudja dren, ninna i kashtengre un i saster, hoi i wudja pandenna. Un job tchiwas i massuri pale pre pash ko tikno pani Shelah, hoi pash o baro rajeskri baar his, bis pash o barrengro drom, hoi djal tele dran o Davideskro foro.

O Debleskro Lab 2024 (Sinte-Manouche)

¹⁵ Oun o Djido Panyeskro Voudar kras o Shalloum, koleskro dad o Kol-Hose his. O Shalloum his o pralstouno pral o them troul o foro Mispa. Yob kras ko Djido Panyeskro Voudar oun čivas i dacha pre, oun kol douy voudya dren, ninna i kashtengre oun i saster, hoy i voudya pandenna. Oun yob čivas i massouri pale pre pash ko tikno pani Shelah, hoy pash o baro rayeskri baar his, bis pash o barrengro drom, hoy djal tele dran o Davideskro foro.

Nehemia 3:15 Iomraidhean Croise

2. Samuel 5:9

Jaake djiwas o David an kau sorelo kheer un das les ko lab ‘Davideskro foro’. Un job kras budeder khera un kras o foro buchleder kotar, kai o Millo his bis mashkral an o foro.

2. Rajengro liil 25:4

Kote phagan i Babilonarja an o foro dren. Un an koi rati nashan i tsele kurepangre win dran ko wudar mashkral kol dui massurja, hoi hi pash o rajeskro baar, ninna te his i Babilonarja trul o foro tchiddo. Koi nashas o Zedekja peskre lurdentsa an o telstuno them, kai o pani Jordan nashell.

2. Familjakro liil 32:30

O Hiskija his kowa, kai mukas o pralstuno kotar o panjestar Gihon te tchakrell, un o pani dureder tel i phub te nashell an o Davideskro foro, ap koi rig, kai o kham tele djal. Halauter, hoi o Hiskija kras, djas leske mishto.

Nehemia 12:37

Un jon djan pash ko wudar, hoi Djido Panjeskro Wudar kharell; un dureder pre an o Davideskro foro, kote, kai djal i massuri bis pral o Davideskro kheer, un dureder bis pash o Panjeskro Wudar. Kowa hi ap koi rig o forestar, kai o kham pre djala.

Nehemia 2:14

Un me klissom dureder pash o Djido Panjeskro Wudar un pash o rajeskro pani. Un har wom miro viecheha kote gar budeder dureder,

Nehemia 2:17

Kanna penom ap lende: “Tumer dikenn kai bibacht, an kalate mer ham: o tselo foro Jerusalem hi paash dino koi tchiddo. Un leskre wudja hi tele chatchedo. Awenn, te tchiwas mer i massurja trul o foro Jerusalem pale pre, jaake te nai praassenn le men gar buder.”

Nehemia 3:12

Un kolenge ap i rig budras o Shallum, koleskro dad o Lohesh his. Job his o pralstuno pral o wawar paash o forestar Jerusalem. O Shallum budras peskri tchentsa.

Nehemia 3:14

Un o Viechengro Fuleskro Wudar tchiwas o Malkija pre, koleskro dad o Rechab his. Kowa his o pralstuno pral o them trul Bet-Kerem. Un job tchiwas kol dui wudja dren, un i kashtengre un i saster, hoi i wudja pandenna.

Nehemia 3:19

o Eser, koleskro dad o Jeshua his. O Eser his o pralstuno pral o foro Mizpa. Un job budras ap ko kotar ap i massuri, hoi hi tchiddo ap i wawar rig ko kherestar, kai i marepaskre koola dren hi, un djal bis pash i bangi ekka;

Nehemia 3:7

Un kolenge ap i rig budras o Melatja dran Gibeon un o Jadon dran Meronot, ninna i mursha dran Gibeon un Mizpa, kai ko themeskro rai djiwas, kai ap i wawar rig o lengsto panjestar o rai his.

Nehemia 3:9

Un kolenge ap i rig budras o Refaja, koleskro dad o Hur his. O Refaja his o pralstuno pral o paash foro Jerusalem.

Sikepaskro 2:6

Me krom mange tikne panja, te well man doha pani kol bud rukenge.

Jesaja 8:6

An i jaka kal menshendar hi o tikno pani Siloah tchi moldo, hoi nashell lokes an Jerusalem. Un kol dui raja, o Rezin un o Pekach, wenn lenge jaake sorelo glan, te trissenn le i darjatar.

Jeremia 40:6

Jaake was o Jeremia an o foro Mizpa pash o Gedalja, koleskro dad o Ahikam his, un atchas pash leste mank peskre menshende, kai atchan pral an o them.

Louka 13:4

Hoi hi kol menshentsa, kai ko baro kheer an o gab Siloah ap lende peras un jon meran? Hi kol menshe tchilatcheder har kol wawar an o foro Jerusalem, kai koi djiwan?

Johanni 9:7

Un job penas ap leste: “Dja pash ko pani Siloam, un thob tut koi!” Siloam kharella: O Dewel bitchras man. Koi djas job un thowas pes kote. Har job pale was, dikas lo nai.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.

Čačepangre 20:3

Un i Benjaminarja shunan, te djan i Israelitarja pre an o foro Mizpa. Un i Israelitarja penan: “Penenn menge, hoi djas, te was sawo ladjedo koowa kerdo?”