Nehemia 2:8 - O Debleskro Drom 2021 (Sinte)

⁸ Un muk ninna i liil te tchinell ap o Asaf, ko pralstuno pral o rajeskre wesha, te dell lo man kasht, te nai krap wudja o sorelo khereske, hoi pash o Debleskro kheer tardo hi, un ninna kasht, te tchiwap i massuri trul o foro pale pre, un kasht ko khereske, an koleste me palle djiwau.” Un o baro rai das kowa lauter. Miro Debleskro latcho wast his mantsa.

O Debleskro Lab 2024 (Sinte-Manouche)

⁸ Oun mouk ninna i liil te činell ap o Asaf, ko pralstouno pral o rayeskre vesha, te dell lo man kasht, te nay krap voudya o zorelo khereske, hoy pash o Debleskro kheer tardo hi, oun ninna kasht, te čivap i massouri troul o foro pale pre, oun kasht ko khereske, an koleste me palle djivau.” Oun o baro ray das kova lauter. Miro Debleskro lačo vast his mantsa.

Nehemia 2:8 Iomraidhean Croise

1. Mose 32:28

Koi putchas lestar ko mursh: “Har khareh tu?” “Jakob”, penas job.

Esra 5:5

Un o Debleskre jaka his pral i phureder an o them Juda, un jon nai budran dureder, bis i liil pash o Darius bitchedo was un i liil lestar pale pale was.

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

Esra 6:8

Me mukau tumenge ninna te penell, hoi tumer lengre pralstunen hunte denn, te nai well o Debleskro kheer pale pre-tchiddo. Lenn dran o rajeskro brawlepen kol lowendar, hoi dren well pash tumende ap i wawar rig o panjestar Eufrat, un denn len jaake bud, hoi len hunte well, te hi len hako tsiro doha halauterestar.

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

Esra 7:9

Ap o ersto diwes an o ersto tchon kran le pen ap o drom, un ap o ersto diwes an o pantchto tchon wan le an o foro Jerusalem. O Debleskro kamlo wast his pral leste.

Nehemia 7:2

Un me tchiwom dui pralstunen pral o foro Jerusalem, miro phrales, o Hanani, un o Hananja, kai o pralstuno lurdo pral o lurdengro kheer his. Job his i mursh o labestar, un djiwas jaake o Debleha har gar bud wawar.

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Sikepaskro 2:5

un wawar kotja them, kai tchiwom shukar burra un ruka an i phub, ninna sawe ruka, kai hidjrenn rukengre.

Sikepaskro 2:6

Me krom mange tikne panja, te well man doha pani kol bud rukenge.

Jesaja 66:14

Tumer dikenn kowa, un tumare djia giwenna. Un tumer lenn newi soor, jaake har o senlepen, te dell brishin. Un i menshe dikenn, te hi o baro Debleskri soor pash peskre budepangre, un leskri choli ap kolende, kai shunenn gar ap leste.

Daniel 1:9

Un o Dewel kras, te was o pralstuno pral o rajeskro kheer latches un kamles ap o Danieleste.

Bičepangre 26:22

O Dewel his hako diwes pash mande. Un kanna hom kate tardo, un penau barenge un tiknenge, hoi o Dewel kras. Me penau tchi wawares, har kol Debleskre rakepangre un o Mose glan i rah tsiro penan.

Bičepangre 7:10

un las les win dran halauter, hoi o Josefeske pharo his. Un o Dewel das les bud goswepen un kras, te dikas o baro rai pral o them Egiptia latcho ap o Josefeste. Ko baro rai kras, te was o Josef o rai pral o tselo them Egiptia un pral o tselo rajeskro kheer.

2. Korintarja 8:16

Me parkrau man pash o Debleste, te das job maro phrales, o Tites, i baro dji tumenge.