Nehemia 2:6 - O Debleskro Drom 2021 (Sinte)

⁶ Kote putchas o baro rai mandar, un leskri romni, i rajetsa, his pash leste beshdo: “Har rah atcheh krik? Un kaana weh pale?” Un har o baro rajeske mishto his, te bitchrell lo man, penom leske jek tsiro.

O Debleskro Lab 2024 (Sinte-Manouche)

⁶ Kote poučas o baro ray mandar, oun leskri romni, i rayetsa, his pash leste beshdo: “Har rah ačeh krik? Oun kaana veh pale?” Oun har o baro rayeske mishto his, te bičrell lo man, penom leske yek tsiro.

Nehemia 2:6 Iomraidhean Croise

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Nehemia 13:6

Har o Eljashib ko baro chapaskro kheer o Tobijaske das, te djiwell lo koi, homs me gar an o foro Jerusalem. An ko bersh, har o Artaxerxes an o 32. (trijanda-te-duito) bersh o baro rai pral Babilonia his, djom me pash leste pale. Pal i tsiro putchom lestar, te mukell lo man pale pale te djal an Jerusalem.

Nehemia 2:4

Un o baro rai putchas: “Hoi kameh tu?” Kote rakrom o Debleha an o bolepen,

Nehemia 2:5

un penom palle ap o baro rajeste: “Te hi mishto an tire jaka, miro rai, un te dikeh latches ap mande, palle bitche man an o them Juda, an ko foro, kai mire phure paskedo hi, te tchiwau ko foro pale pre.”

Nehemia 5:14

Fun ko diwes an, kai mange penlo was, te wap o rai pral o them Juda, lom me mange un mire menshenge tchi kolestar, hoi o themeskro rajeste hunte dino wals. Deesh-te-dui bersha krom jaake. Kowa his an ko tsiro, kai o Artaxerxes an o 20. (biishto) bersh baro rai his, bis an leskro 32. (trijanda-te-duito) bersh.

Jesaja 58:12

Un tire menshe tchiwenn pale kol phure forja pre, hoi bud bersha paash dino koi tchiddo his. Awa, jon krenn kol phure massurja newes, kolen tire phure menshe koi tchiwan glan i rah tsiro. Un tu weh kharedo: Kowa, kai phagede massurja pale pre tardo tchiwell, un kowa, kai i dromma kote pale tseles krell, kai i menshe djiwenn.

Jesaja 61:4

Kol phure forja, hoi jaake rah tele phagedo un paash dino koi tchiddo hi, tchiwenn jon pale pre. Kal forja, kai bud bersha buder kek djiwell, wenn pale newes kerdo.

Jesaja 65:24

Un kawa well jaake: Jon dan gomme gar gole, koi dom man glan, un jon rakrenn gomme, koi shunau me.

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.