Nehemia 2:5 - O Debleskro Drom 2021 (Sinte)

⁵ un penom palle ap o baro rajeste: “Te hi mishto an tire jaka, miro rai, un te dikeh latches ap mande, palle bitche man an o them Juda, an ko foro, kai mire phure paskedo hi, te tchiwau ko foro pale pre.”

O Debleskro Lab 2024 (Sinte-Manouche)

⁵ oun penom palle ap o baro rayeste: “Te hi mishto an tire yaka, miro ray, oun te dikeh lačes ap mande, palle biče man an o them Youda, an ko foro, kay mire phoure paskedo hi, te čivau ko foro pale pre.”

Nehemia 2:5 Iomraidhean Croise

2. Samuel 14:22

Koi mukas pes o Joab glan leste ap i phub te perell, ap peskro mui, parkras pes pash o baro rajeste, un penas: “Miro baro rai, kai diwes djinau me, kai dikeh latches ap mande, har kral, hoi me, tiro budepaskro, tutar mangom.”

Esra 5:17

Un kanna, maro baro rai, te hi tuke mishto, palle muk an tiro kheer pal te dikell, kote kai tiro brawlepen un i phure familjakre lila hi, te hi tchatcho, kai mukas o baro rai Kirus te penell, te well o Debleskro kheer an o foro Jerusalem pale pre-tchiddo. Un ab jaake kamles un muk men te djinell, hoi tu pral kowa peneh.

Nehemia 2:4

Un o baro rai putchas: “Hoi kameh tu?” Kote rakrom o Debleha an o bolepen,

Nehemia 2:6

Kote putchas o baro rai mandar, un leskri romni, i rajetsa, his pash leste beshdo: “Har rah atcheh krik? Un kaana weh pale?” Un har o baro rajeske mishto his, te bitchrell lo man, penom leske jek tsiro.

Ester 1:19

Te hi mishto an o baro rajeskre jaka, palle djal i lab win lestar, te nai well i Wasti buder gar glan leste. Ko lab well tchinlo an o tchatchepaskro liil ko themestar Persia un Media, kai kek nai lell les buder pale. Un palle lell o baro rai i wawar tchai, te well li rani, – i tchai, kai latcheder hi har i Wasti.

Ester 5:8

Te hal mange latches, un te hi mishto an tire jaka, miro rai, mange kowa te dell, hoi me tutar mangau, palle ab tu un o Haman pash o chapen, hoi me tumenge taissar krau. Un taissar penau tuke, hoi kamau tutar.”

Ester 7:3

Kote penas i rani Ester: “Miro baro rai, te hal mange latches, un te hi mishto an tire jaka, mange kowa te dell, hoi me tutar mangau, palle, miro baro rai, muk man te djiwell, man un mire menshen. Kowa hi, hoi me kamau.

Ester 8:5

un penas: “Miro baro rai, te hi mishto un tchatcho glan tire jaka, un te hal mange latches un dikeh kamles ap mande, palle le kol lila pale, hoi tchinas o Haman, koleskro dad o Hammedata hi dran o kheer Agag, an kolende tchinlo hi, te wenn i bibolde maredo an hako them, kai tu baro rai hal.

Gosewe laba 3:4

Palle hal latcho un gosewo glan i jaka o Deblestar un i menshendar.

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.

Mateo 23:27

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen! Tumer han har i mulengre khera, hoi parno kerdo wan. Kolla hi win shukar. Dren hi le pherdo tchik un kokale.

Ruth 2:13

Joi penas leske: “Tu hal jaake latcho ap mande, miro rai! Tu rakral latches ap mande un kral miro dji pale soreles, ninna te hom me kek kol djuwjendar, kai tuke budrenna.”