Nehemia 2:20 - O Debleskro Drom 2021 (Sinte)

²⁰ Kote penom me ap lende: “O Dewel an o bolepen, job krell, te djal menge kawa mishto. Un mer, leskre budepangre, kram men ap i budi, te tchiwas o foro pale pre. Tumen hi kek tchatchepen ap ko foro, witar kek penepaske. Un tumare laba hi gar mank kolende, kai wenn gar bistedo.”

O Debleskro Lab 2024 (Sinte-Manouche)

²⁰ Kote penom me ap lende: “O Devel an o bolepen, yob krell, te djal menge kava mishto. Oun mer, leskre boudepangre, kram men ap i boudi, te čivas o foro pale pre. T'men hi kek čačepen ap ko foro, vitar kek penepaske. Oun t'mare laba hi gar mank kolende, kay venn gar bistedo.”

Nehemia 2:20 Iomraidhean Croise

2. Familjakro liil 26:5

Un job rodas o Debles, jaake rah har o Secharja djiwas. Kowa sikras leste, har nai djiwell lo o Debleha. Un jaake rah, har job o baro Debles rodas, mukas leske o Dewel halauter mishto te djal.

Esra 4:3

Kote penan lenge o Serubbabel un o Jeshua un i familjengre pralstune: “Kowa hi gar mishto, te krenn tumer un mer khetne o Debleskro kheer. Mer kokres kamah o kheer te krell o baro Debleske, kai o Israeleskro Dewel hi. Kowa penas menge jaake o baro rai pral o them Persia, o Kirus.”

Nehemia 1:4

Un har me kol laba shunom, beshom man koi un rowom an bari duk budeder diwessa. Un me chom tchi, un mangom o Debles an o bolepen,

Nehemia 2:4

Un o baro rai putchas: “Hoi kameh tu?” Kote rakrom o Debleha an o bolepen,

Ester 4:11

“I tsele pralstune, kai o baro rajeske budrenn, ninna i menshe an hako them, koles o baro rai hi, kolla prindjrenn ko tchinlo lab, te well hako mursh un haki djuwel maredo, kai djal dren pash o baro rajeste un well ap i platsa an leskro kheer, un hi lestar gar kharedo. Kokres te lell o baro rai peskro sonakaskro raan un sikrell ap leste, atchell lo djido. Me wom trijanda diwessa buder gar pash o baro rajeste dren kharedo.”

Debleskri gili 102:17

O baro Dewel tchiwell o foro Zion pale pre, un mukell pes te dikell an peskro railepen.

Debleskri gili 122:6

Mangenn o Deblestar i bacht pral o foro Jerusalem un penenn: “Kolenge, kai kamenn tut, Jerusalem, mu djal mishto!

Debleskri gili 20:5

Mu dell lo tut lauter, hoi tiro dji kamella, un krell, te djal tuke lauter mishto, hoi tu tuke glan lal!

Debleskri gili 35:27

Kre, te stenn un sanenn i bachtjatar kolla, kai kamenn, te lap miro tchatchepen. Mu penenn le pale te pale: “Har baro hi o baro Dewel, kai hi jaake latcho ap peskro budepaskro!”

Debleskri gili 51:18

Vieche, hoi anenn le tuke, kameh gar. Te wals jaake, doms len tute. Vieche, hoi tuke chatchedo wenna, krenn tiro dji gar bachtelo.

2. Mose 28:29

Jaake hidjrell o Aron i laba kol deesh-te-dui Israeleskre tchawendar ap peskro dji hako kopo, kai djal lo an o Debleskro kheer. Un me bistrau len gar, te wap lenge latcho hako tsiro.

Sikepaskro 7:18

Mishto hi, te rikreh tut ap ko jek lab, un bistreh witar gar ko wawar lab. Koon djiwell o Debleha, rikrell pes ap kowa lauter.

Jesaja 56:5

palle dau tut i bar an miro kheer, kai tiro lab dren tchinlo hi. Kowa hi feteder har tchawe un tcha. Kau lab, hoi tut dau, well an kek tsiro bistedo.

3. Mose 2:2

Un job anell kowa pash i rashajende dran o kheer Aron. Jek lendar lell i wast pherdo jarro o djeteha un ko tselo sungepaskro koowa, un mukell kowa ap i chatchepaskri te chatchrell. Kowa sikrell, kai ko tselo chapen, hoi anlo was, o Debleske hi. Un o latcho sungepen, hoi well win, sungell mishto o baro Debleske.

3. Mose 24:7

Tchip latcho sungepaskro koowa ap kal mare. Ko sungepaskro koowa well chatchedo o baro Debleske, un jaake well siklo, te hi kal mare o baro Debleske.

Zakarie 6:14

Un o baro rajeskri stadi atchell an o baro Debleskro kheer, te wenn kol mursha Heldai, Tobija, Jedaja un Josia gar bistedo.”

4. Mose 10:10

Phurdenn ninna an i phurdepangre ap kol bare diwessa, kai han tumer bachtelo, un ap ko diwes, kai well i newo tchon, un kai tumer o baro Debleske viechen anenn, sawe, hoi tumer leske tseles chatchrenna un sawe, hoi chan tumer glan leste khetne. Palle wenn tumer mange, tumaro Debleske, an o shero. Me hom tumaro baro Dewel.

Bičepangre 10:31

Un job penas ap mande: Kornelio, o Dewel shunas tut, un hoi tu dal kol tchorwelende, dikas o Dewel ninna.

Bičepangre 10:4

Koles his daar, har job dikas les, un penas ap leste: “Hoi kameh tu mandar, rai?” Un kowa penas ap leste: “O Dewel shunas, har tu les an-mangal. Un job dikas ko latchepen, hoi tu kral i tchorwelenge. Un job bistras kowa gar.

Bičepangre 8:21

Kau koowa, hoi mer krah, hi o Debleskro koowa un gar tiro koowa. Tiro dji hi gar tchatcho glan o Debleste.