Nehemia 13:4 - O Debleskro Drom 2021 (Sinte)

⁴ Glan jek tsiro was o rashai Eljashib o pralstuno pral i chapangre khera pash o Debleskro kheer. Un jek leskre menshendar his o Tobija.

O Debleskro Lab 2024 (Sinte-Manouche)

⁴ Glan yek tsiro vas o rashay Elyashib o pralstouno pral i rhapangre khera pash o Debleskro kheer. Oun yek leskre menshendar his o Tobiya.

Nehemia 13:4 Iomraidhean Croise

Nehemia 12:10

O Jeshua las i tchawo. Leskro lab his Jojakim. Koleskro tchawo his o Eljashib, koleskro tchawo his o Jojada,

Nehemia 12:44

An ko tsiro wan mursha win rodedo, kai jak hunte dan ap kol khera, kai o chapen dren anlo was, hoi i Israelitarja jaake hunte dan, har an o Moseskro liil tchinlo his: newo djob un newe rukengre, un o deshto kotar lauterestar, hoi le ap pengri phub trul i forja dren anan. Kowa lauter his i rashajenge un i Levitarenge. Un kol menshe an Juda his bachtelo pral pengre rashaja un Levitarja,

Nehemia 13:28

Un o tchawo o baro rashajestar Eljashib, o Jojada, koles his mursh tchawe, kolendar jek i romjat las, kolakro dad o Sanballat hi dran o foro Bet-Horon. Un koles tradom mandar krik!

Nehemia 2:10

Un har shunan kowa o Sanballat, ko Horonari, un leskro budepaskro, ko Ammonari o Tobija, wan le an bari choli, te was jek, kai kamas i Israelenge latchepen te krell.

Nehemia 3:1

Un o baro rashai Eljashib kras pes ap i budi peskre phralentsa, kol wawar rashajentsa, un jon tchiwan o foreskro wudar pale pre, hoi kharas Bakrengro Wudar. Un jon rakran o Debleskri bacht pral leste win, un tchiwan kol dui wudja dren. Un jon tchiwan ninna koi massuri pale pre bis pash ko turmo, hoi kharell Mea, un bis pash ko turmo, hoi kharell Hananel, un rakran o Debleskri bacht pral i massuri win.

Nehemia 6:1

O Sanballat un o Tobija un o Geshem, ko Arabari, un kol tsele wawar, kai menge tchilatchepen kaman, kolla shunan, kai his i massuri kerdo, un kek kotar pral atchas, kai barra wi-phagedo his. An ko tsiro his kokres i wudja gomme gar dren.