Nehemia 13:22 - O Debleskro Drom 2021 (Sinte)

²² Un me penom ap i Levitarja, te krenn le pen djudjo o Debleske. Palle te wenn le pash o foreskre wudja un denn koi jak, te well o Debleskro diwes dren rikedo. Ninna kawa biste mange gar, miro Dewel. Un dik latches ap mande an tiro baro kamlepen.

O Debleskro Lab 2024 (Sinte-Manouche)

²² Oun me penom ap i Levitarya, te krenn le pen djoudjo o Debleske. Palle te venn le pash o foreskre voudya oun denn koy yak, te vell o Debleskro dives dren rikedo. Ninna kava biste mange gar, miro Devel. Oun dik lačes ap mande an tiro baro kamlepen.

Nehemia 13:22 Iomraidhean Croise

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

2. Rajengro liil 23:4

Un o baro rai penas o pralstuno rashajeske Hilkija un wawar bare rashajenge, un kolenge, kai denn garda ap o wudar, te witsrenn le dran o baro Debleskro kheer kol tsele koola win, hoi kol deblenge Baal un Ashera un kol tsele bolepangre momelenge kerdo wan. Un job mukas halauter te chatchrell an i jag, win glan o foro Jerusalem an o telstuno them, hoi kharell Kidron. Un i jagakri tchik mukas lo an o foro Betel te anell.

2. Familjakro liil 29:24

Palle maran i rashaja kol busja, un witsran lengro rat ap i chatchepaskri, te well i doosh i Israelendar krik lino. Kowa kran le jaake, har lenge o baro rai penas: te marenn le viechen, kai tseles chatchedo wenn un wawar, te well i doosh i tsele Israelendar krik lino.

2. Familjakro liil 29:27

Un o Hiskija penas, te anenn le kanna i marede vieche, kai o Debleske tseles chatchedo wenna, un tchiwenn len ap i chatchepaskri. Un an ko tsiro, kai o mass chatchedo was, giwan i Levitarja o baro Debleske, un i phurdepangre phurdan an pengre bashepangre. Un ninna was bashedo ap i wawar bashepangre, hoi kras o David, ko baro rai pral Israel.

2. Familjakro liil 29:30

Un o Hiskija un i pralstune penan ap i Levitarja, te sharenn le o baro Debles kol giljentsa, hoi kras o David un o dikepaskro, o Asaf. Un jon giwan bachteles, un witsran pen ap i phub un mangan o baro Debles an.

Nehemia 12:10

O Jeshua las i tchawo. Leskro lab his Jojakim. Koleskro tchawo his o Eljashib, koleskro tchawo his o Jojada,

Nehemia 12:30

Un i rashaja un Levitarja tchoran Debleskro pani ap pende, te krenn le pen djudjo glan o Debleste. Un palle tchoran le ninna o Debleskro pani ap i menshende, ap o foreskre wudja un ap i massuri.

Nehemia 13:14

Dik, hoi kai krom, miro Dewel! Ma biste ko latchepen, hoi krom ap tiro kheer, te well koi budi an leste mishto kerdo.

Nehemia 13:31

Un penom ninna, koon ap hawo tsiro o kasht hunte anell chatchepaske, un krom, te well o newo djob un i newe rukengre anlo. Biste kowa mange gar, miro Dewel, un dik latches ap mande!

Nehemia 5:19

Ma biste kowa mange, miro Dewel, hoi lauter kol menshenge krom!

Debleskri gili 130:7

Tu, Israel, dik ap o baro Debleste! Job hi latches menge, un leskro dji hi hako tsiro pre, te lell lo men win dran o tchilatchepen.

Debleskri gili 5:7

Tu mareh kolen, kai o chochepen rakrenna. Praassedo hi glan o baro Debleste kolla, kolen doosh ap o rat i wawarendar hi, un kai i wawaren chochenn.

Debleskri gili 51:1

I gili o rajeske pral i gipangre. O David kras kai gili,

Jesaja 38:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

Jesaja 49:23

Un bare raja wenn tuke koi un lengre romja denn jak ap tire tikne tchawende. Un bare raja witsrenn pen glan tute ap i phub, un tchumrenn i tchik tire pirendar. Kote haiweh tu palle, te hom me o baro Dewel. Un kolla, kai dikenn ap mande, te wap ap lengri rig, dikenn gar tchitcheske ap mande.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

5. Mose 5:12

Rike o Debleskro diwes! Ma bude ap leste. Jaake penas tuke tiro baro Dewel.