Nehemia 13:15 - O Debleskro Drom 2021 (Sinte)

¹⁵ An kol diwessa dikom me an o them Juda menshen, kai ap o Debleskro diwes molengre drake stakran, un wawar, kai anan djob un tchiwan les ap burike, ninna mool, drake, faige un wawar koowa, un anan kowa an o foro Jerusalem. Un me rikrom len pre un dom len trad, te bikrenn le kowa gar ap ko diwes.

O Debleskro Lab 2024 (Sinte-Manouche)

¹⁵ An kol divessa dikom me an o them Youda menshen, kay ap o Debleskro dives molengre drake stakran, oun vavar, kay anan djob oun čivan les ap bourike, ninna mool, drake, fayge oun vavar koova, oun anan kova an o foro Yerusalem. Oun me rikrom len pre oun dom len trad, te bikrenn le kova gar ap ko dives.

Nehemia 13:15 Iomraidhean Croise

2. Familjakro liil 24:19

Un o baro Dewel bitchras peskre rakepangren pash lende, te wenn le pale pale pash o baro Debleste. Ninna te dan kolla len trad, shunan i menshe gar ap lende.

Nehemia 10:31

Mer kamah mare tchen gar i murshentsa i wawar menshendar an kau them te romedinerell, un ninna lengre tchen gar mare tchawenge te lell.

Nehemia 10:32

Mer kamah gar ap o Debleskro diwes djob un wawar koowa te ginell kol menshendar, kai an kau them djiwenn, te wenn jon pengro koweha ginepaske ap o Debleskro diwes un ap wawar bare diwessa. An hako eftato bersh budrah gar ap mari hachetikri phub. Un mer mukah hakeneske peskri sijaan tele.

Nehemia 13:16

An o foro Jerusalem djiwan ninna menshe dran Tirus. Kolla anan matchen un wawar koowa un bikran kowa ap o Debleskro diwes ap i menshende dran Juda.

Nehemia 13:21

Un me dom len trad un penom ap lende: “Hoske atchenn tumer pral i rat win glan i massuri? Te krenn kowa gomme jek kopo, mukau tumen an o stilepen te witsrell.” Fun ko tsiro wan le gar buder ap o Debleskro diwes.

Nehemia 9:29

Un tu dal len trad, te aness len pale pale ap tiro drom. Jon his pre-phurdo un shunan gar ap tire laba, un djiwan gar pal tire tchatchepaskre laba, kolendar tu penal: Koon len rikrell, djiwell. Un jon sikran tuke pengro dumo, un pandan pengre djia, un shunan gar ap tute.

Hiob 39:12

Nai patseh leske, te anell lo tiro djob khere ap tiri djobeskri platsa?

Debleskri gili 50:7

“Mire menshe, shunenn! Me kamau rakrell. Israel, shun, har me, tiro Dewel penau tuke, kai kowa, hoi kral, gar mishto hi.

2. Mose 31:12

Un o baro Dewel rakras o Moseha un penas:

2. Mose 31:16

Doleske hunte rikrenn i Israelitarja o Debleskro diwes hako tsiro, jon un lengre tchawe un lauter, kai pal lende wenna, jaake har krom me kowa lentsa win.

2. Mose 34:21

Shob diwessa krenn tumari budi! Ap o eftato diwes krenn tchi! Kowa te well jaake hako tsireske, ninna ko tsireske, kai tumer budrenn ap tumaro kotar phub un kai tumer anenn o djob dren.

2. Mose 35:2

Shob diwessa krenn tumari budi! O eftato diwes hi o Debleskro diwes. Ap ko diwes krenn tchi! Ko diwes hi o baro Debleske. Koon ap kau diwes budrella, hunte merella.

Gosewe laba 28:4

Kolla, kai mukan o Debleskro drom, sharenn i tchilatchen. Kolla, kai djan ap o Debleskro drom, kurenn pen lentsa.

Jesaja 58:13

Te rikreh tire herja pale, te djas gar ap i budi ap o Debleskro diwes, un djah gar i lowenge palla ap ko diwes, hoi mange hi, un peneh: Kowa hi miro shukeder diwes, kai sharau o baro Debles un mangau les an, te shareh les tu jaake, te djas gar ap i budi un kek lowenge palla, un kreh kek bare laba,

Jeremia 17:24

Te shunenn tumer kanna ap mande, penell o baro Dewel, un hidjrenn ap o Debleskro diwes tchi dren an wudja kau forestar, un rikrenn ko diwes dren un budrenn gar ap ko diwes,

Jeremia 17:27

Te shunenn tumer gar ap mande, un djiwenn ap o Debleskro diwes har ap hako wawar diwes, un hidjrenn tumaro koowa ap o Debleskro diwes dren an kol wudja o forestar Jerusalem, palle tchiwau me jag an kol wudja, te chatchrenn i sorele khera pre an Jerusalem. Un kek nai krell koi jag win.

Jeremia 42:19

Kawa hi ko lab, hoi penas o baro Dewel, tumenge, kai atchan djido an o them Juda: “Ma djan an o them Egiptia.” Doleske bistrenn gar, kai dom tumen kau diwes trad, te djan gar an o them Egiptia.

Ezekiel 20:13

Ninna an o mulo tato them mukan pen i Israelitarja tchi mandar te penell. Jon djiwan gar jaake, har lendar kamom. Un ap mire tchatchepaskre laba dan le tchi. Un mire tchatchepaskre laba hi kolla, kolentsa o mensho djido atchell, te rikrell lo pes ap lende. Un jon kran bud koowa ap o Debleskro diwes, hoi hunte krans le gar, un jaake wom gar sharedo. Kote kamom miri choli pral lende win te tchorell, te hunte merans le lauter an o mulo tato them.

Amos 8:5

Tumer penenn tumenge: Mu djal o Debleskro diwes sik trujel, ninna ko baro diwes, hoi sikrell, kai o newo tchon was! Palle nai krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, un budeder lowe har tchatcho hi, un tchiwah sawe barra ap i waga, te chochas mer i ginepangre.

Micha 6:3

Hoi krom tumenge, mire menshe? Tchiwom i phari budi ap tumende? Penenn les mange!

Bičepangre 2:40

Un bud wawar labentsa rakras o Petro lentsa, un mangas len, un penas ap lende: “Mukenn tumen win te lell dran o tchilatchepen, te lenn gar koi phagi, hoi well pral kal tchilatche menshende, kai djiwenn an kau tsiro.”

Bičepangre 20:21

Me penom i biboldenge un kolenge, kai kek bibolde hi, te mukenn le pengro tchilatcho drom, un te djan le ap o Debleskro drom, un te patsenn le ap maro rajeste, o Jesuseste.

Galatarja 5:3

Un pale penau me hakeneske: Kowa, kai mukell pes ap o mass te tchinell, kowa hunte krell ninna lauter, hoi o Moseskre laba penenna.

Efesarja 4:17

Me penau tumenge soreles, hoi mange o rai Jesus penas: Ma djiwenn buder har kol menshe, kai prindjrenn o Debles gar! Kowa, hoi an lengro shero trujel djala, hi tchi moldo.

5. Mose 8:19

Ma bistrenn tumaro baro Debles! Ma nashenn wawar deblen palla! Un ma witsrenn tumen glan lende tele, te mangenn len an! Te krenn kowa, palle dau tumen kau diwes miro lab pre, te wenn tumer jaake mulo dino,

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.