Nehemia 13:12 - O Debleskro Drom 2021 (Sinte)

¹² Un i tsele menshe dran Juda anan pale o deshto kotar pengro djobestar un djetestar un pengri moljatar an kol chapangre khera.

O Debleskro Lab 2024 (Sinte-Manouche)

¹² Oun i tsele menshe dran Youda anan pale o deshto kotar pengro djobestar oun djetestar oun pengri molyatar an kol rhapangre khera.

Nehemia 13:12 Iomraidhean Croise

2. Familjakro liil 31:4

Un job penas i menshenge, kai an o foro Jerusalem djiwan, te denn le ninna pengro kotar, te nai lenn i rashaja un i Levitarja pengro tselo tsiro, te krenn le o Debleskri budi, jaake har an o baro Debleskre lila tchinlo hi.

2. Familjakro liil 31:5

Un har i menshe ko lab shunan, dan le bud kolestar, hoi pash lende bares was: o feteder djob, mool, djet, gwin un kolestar, hoi ap lengri hachetikri phub bares was. Ninna o deshto kotar halauterestar anan le, un kowa his bud.

Nehemia 12:44

An ko tsiro wan mursha win rodedo, kai jak hunte dan ap kol khera, kai o chapen dren anlo was, hoi i Israelitarja jaake hunte dan, har an o Moseskro liil tchinlo his: newo djob un newe rukengre, un o deshto kotar lauterestar, hoi le ap pengri phub trul i forja dren anan. Kowa lauter his i rashajenge un i Levitarenge. Un kol menshe an Juda his bachtelo pral pengre rashaja un Levitarja,

3. Mose 27:30

O deshto kotar halauterestar, hoi baro was ap i hachetikri phub un ap i ruka, hi o baro Debleske, un hunte well leske anlo.

Maleachi 3:10

Anenn o deshto kotar halauterestar, hoi dren lan, an miro kheer, te well doha chapen an miro kheer. Un dikenn, hoi me palle tumenge krau: Me krau miri wochni an o bolepen pre, un dau tumen bud latcho koowa, budeder har tumen hunte well. Ko penell o baro Dewel, ko rai pral o bolepen un i phub.

Maleachi 3:8

Me putchau tumendar: Hi mishto i menshestar, te tchorell lo o Deblestar har tumer mandar tchorenna? Koi pre penenn tumer: ‘Hoi kram, har tchoram tutar?’ Tumer denn man gar o deshto halauterestar, hoi dren lan, witar gar kowa, hoi hunte dans i rashajende.

5. Mose 14:22

Hako bersh tchiwess tu o baro Debleske ap i rig o deshto kotar halauterestar, hoi ap tiri hachetikri phub bares was.