Nehemia 12:43 - O Debleskro Drom 2021 (Sinte)

⁴³ Un ap ko diwes anan le bud viechen o Debleske. Un jon giwan un khelan i bachtjatar. O Dewel kras, te wan lengre djia bachtelo un san. Un ninna i djuwja un i tchawe dan gole i bachtjatar. Un koi bari bachteli gole an o foro Jerusalem was shunlo fun dural.

O Debleskro Lab 2024 (Sinte-Manouche)

⁴³ Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

Nehemia 12:43 Iomraidhean Croise

2. Familjakro liil 20:13

Un i tsele mursha dran o them Juda, ninna lengre tchawe un djuwja pengre tikne tchawentsa, halauter his tardo glan o baro Debleste.

2. Familjakro liil 20:27

Jaake djan i mursha dran o them Juda un dran o foro Jerusalem pale pale an o foro Jerusalem. Un o Josafat djas glan lende. Lengre djia his bachtelo. O baro Dewel das len koi bari bacht an o dji, te das lo len gar an i wasta kolendar, kai wan, te kurenn le pen lentsa.

2. Familjakro liil 7:10

Un ap o 23. (biish-te-triinto) diwes an o eftato tchon mukas o Salomo i menshen khere te djal. Un jon djan bachteles khere. Lengro dji giwas pral ko tselo latchepen, hoi kras o baro Dewel ap o Davideste, un ap o Salomeste, un ap peskre menshende Israel.

Esra 3:13

Un kek djinas, hoi sorleder hi, koi gole i bachtjatar oder ko sorelo ropen; i menshe dan jaake bares gole, te was kowa dur shunlo.

Nehemia 12:27

Un har i massuri trul o foro Jerusalem kerdo was, kran le i baro festo, un mukan i Levitarjen gole te dell dran lengre tsele gaba, te denn jon i massuri an o Debleskro wast un parkrenn pen pash leste bachtele djijentsa, un giwenn un bashrenn leske ap sasterne patria, hoi wenn khetne dino, un ap dorjengre bashepangre, hoi kharenna Harfe un Laute.

Nehemia 12:42

Pash lende his kol Levitarja tardo: o Maaseja un o Shemaja un o Eleasar un o Usi un o Johanan un o Malkija un o Elam un o Eser. Un i gipangre giwan bari goljah. Un lengro pralstuno his o Jisrachja.

Hiob 34:29

Te rikrell pes o Dewel pale, nai penell kek leske: ‘Tu anal doosh ap tute!’ Te khatrell lo pes, nai dikell les kek. Hoi nai krenn i menshe, hoi nai krell i natsjona,

Debleskri gili 27:6

Un kanna hadell pes miro shero pre pral kolende, kai trul mande hi un mange tchilatchepen kamenn, O baro Debleske kamau me viechen te chatchrell, un dau gole i bachtjatar un parkrau man pash leste an leskro kheer; i gipah un bashepah sharau les.

Debleskri gili 28:7

O baro Dewel hi miri soor, un rikras peskro wast pral mande. Ap leste patsau miro tselo djijeha. Un job was ap miri rig. Kanna stell miro dji, un hi bachteles, un me kamau les sharell un leske giwell.

Debleskri gili 9:2

Baro Dewel, me parkrau man pash tute o tselo djijeha, un rakrau pral ko tselo baro koowa, hoi tu kral.

Debleskri gili 92:4

te bashrau tuke ap i deesh-dorjengri bashepaskri un ap i harfa.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Jeremia 31:13

I terne tcha giwenn un khelenn, awa, i terne un i phure hi khetne bachtelo; lengro ropastar well sapen. Lengre djia, kai rowan, krau pale sorelo un bachtelo.

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

4. Mose 10:10

Phurdenn ninna an i phurdepangre ap kol bare diwessa, kai han tumer bachtelo, un ap ko diwes, kai well i newo tchon, un kai tumer o baro Debleske viechen anenn, sawe, hoi tumer leske tseles chatchrenna un sawe, hoi chan tumer glan leste khetne. Palle wenn tumer mange, tumaro Debleske, an o shero. Me hom tumaro baro Dewel.

Mateo 21:15

Un i bare rashaja un i biboldengre tchatchepangre dikan ko baro koowa, hoi o Jesus kote kras an o Debleskri soor. Un jon shunan, har i tchawe an o Debleskro baro kheer bari gole dan un penan: “Sharas o Davideskro tchawes!” Un jon wan chojedo ap o Jesuseste,

Mateo 21:9

Un kol bud menshe, kai djan glan leste un pal leste, dan bari gole: “Sharas o Davideskro tchawes! Sharedo well kowa, koles o Dewel bitchras. Sharas o Debles an o bolepen!”

Johanni 16:22

Kanna rowell tumaro dji. Un me penau tumenge kanna: Me wau pale pash tumende. Un tumer wenn bachtelo. Un koi bacht nai lell tumendar kek krik.

Efesarja 5:19

Giwenn lauter khetne o Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Giwenn un bashrenn o tselo djijestar o Jesuseske, maro rajeske!

Jakobo 5:13

Te hi jekes tumendar i pharo tsiro, penell lo o Debleske, hoi leske phares hi! Te hi jek bachtelo, giwell lo o Debleske gilja!

1. Samuel 4:5

Un har ko mochton ap i platsa was, stan i tsele Israelitarja, un dan jaake bari gole i bachtjatar, te djas i phub tel lengre herja.