Nehemia 12:27 - O Debleskro Drom 2021 (Sinte)

²⁷ Un har i massuri trul o foro Jerusalem kerdo was, kran le i baro festo, un mukan i Levitarjen gole te dell dran lengre tsele gaba, te denn jon i massuri an o Debleskro wast un parkrenn pen pash leste bachtele djijentsa, un giwenn un bashrenn leske ap sasterne patria, hoi wenn khetne dino, un ap dorjengre bashepangre, hoi kharenna Harfe un Laute.

O Debleskro Lab 2024 (Sinte-Manouche)

²⁷ Oun har i massouri troul o foro Yerusalem kerdo vas, kran le i baro festo, oun moukan i Levitaryen gole te dell dran lengre tsele gaba, te denn yon i massouri an o Debleskro vast oun parkrenn pen pash leste barhtele djiyentsa, oun givenn oun bashrenn leske ap sasterne patria, hoy venn khetne dino, oun ap doryengre bashepangre, hoy kharenna Harfe oun Laute.

Nehemia 12:27 Iomraidhean Croise

2. Samuel 6:12

Un o baro rajeske David was penlo, kai tchiwas o baro Dewel peskri bacht un soor ap o Obed-Edomeskro kheer, un ap lauter, hoi les his, doleske, kai o Debleskro mochton pash leste hi. Koi djas o David koi un las o Debleskro mochton dran o kheer fun o Obed-Edom, un anas les an o Davideskro foro i bachtelo djijeha.

1. Rajengro liil 8:63

Un o Salomo mukas 22.000 (biish-te-dui-serja) grumjen un 120.000 (sheel-te-biish-serja) bakre te marell, te chan le len khetne glan o baro Debleste. Jaake dan le o kheer o baro Debleste, te well les leskro kheer. Kowa kras o rai Salomo khetne i tsele Israelitarja.

1. Familjakro liil 13:8

O David un i tsele menshe an Israel khelan bachteles glan o Debleste, giwan gilja, un kran bashepen ap dorjengre bashepangre, ap pauke, ap phurdepangre un wawar bashepangre.

1. Familjakro liil 15:12

Un job penas ap lende: “Tumer han i pralstune pral tumare menshende dran o kheer Levi. Krenn tumen djudjo o Debleske, tumer un tumare phrala, te nai anenn o mochton o deesh labentsa o baro Deblestar, kai o Israeleskro Dewel hi, ap ko kotar phub, hoi me rodom leske win!

1. Familjakro liil 15:16

Un o David penas i pralstunenge pral i Levitarja, te rodenn jon gipangren win dran pengre phralende. Kalla hunte giwenn i bachtjatar i bari goljah, un bashrenn ap i dorjengre bashepangre un wawar bashepangre.

1. Familjakro liil 15:28

Jaake anan i tsele Israelitarja o mochton o baro Debleskre deesh labentsa pral an Jerusalem. Jon dan gole i bachtjatar, giwan un bashran ap phurdepangre, dorjengre bashepangre un wawar bashepangre.

1. Familjakro liil 15:4

Un o David mukas ninna i tchawe o rashajestar Aron khetne te kharell un i Levitarja:

1. Familjakro liil 16:42

Jon sharan o Debles pengro bashepah, un bashran ap i phurdepangre un dorjengre bashepangre un wawar bashepangre. I tchawen o murshestar Jedutun das o David koi budi, te denn le garda ap i wudja.

1. Familjakro liil 16:5

Kolla his: o Asaf, lengro pralstuno; o Secharja his o duito; pal leste o Jasijel, o Semiramot, o Jehijel, o Mattitja, o Eliab, o Benaja, o Obed-Edom un o Jehijel. Jon te giwenn un bashrenn ap pengre dorjengre bashepangre. Un o Asaf te dell ap i sasterne patria.

1. Familjakro liil 23:5

4.000 (star serja) mursha wan wudjengre mursha, kai hunte denn garda ap i wudja. Un 4.000 (star serja) mursha wan gipangre, kai giwenn gilja o baro Debleske, un bashrenn koi pashel ap kol bashepangre, hoi mukas o David koleske te krell.

1. Familjakro liil 26:31

O pralstuno pral o kheer Hebron peskre tsele familjentsa his o Jerija. Har his o David an o star-deshto bersh o baro rai, rodan le an-dikle mursha mank lende un hatsan len an o foro Jaser an o them Gilead.

2. Familjakro liil 29:25

Un job penas, te tchiwenn pen i Levitarja pre an o baro Debleskro kheer un lenn pengre bashepangre an o wast: kol zimbale, harfe un wawar dorjengre bashepangre. Jaake penas les o David, har leske penlo was, kai o baro Dewel kowa jaake kamell. Kowa penan leske o dikepaskro, o Gad, un o Debleskro rakepaskro, o Natan.

2. Familjakro liil 29:30

Un o Hiskija un i pralstune penan ap i Levitarja, te sharenn le o baro Debles kol giljentsa, hoi kras o David un o dikepaskro, o Asaf. Un jon giwan bachteles, un witsran pen ap i phub un mangan o baro Debles an.

2. Familjakro liil 7:6

Un i rashaja kran pengri budi. Un i Levitarja his pashel tardo un bashran ap pengre dorjengre bashepangre, hoi kerdo his o baro Debleske. Kal bashepangre mukas o baro rai, o David glan i tsiro te krell, te sharenn le o baro Debles. Jon bashran un giwan koi Debleskri gili, hoi o David kras: “Leskro latchepen hi an hako tsiro menge koi.” Un i rashaja his ap i wawar rig tardo, un phurdan an i phurdepangre. Un i tsele Israelitarja his koi tardo.

Esra 6:16

Un i Israelitarja, i rashaja, i Levitarja un kolla wawar, kai wan dran o pandepen pale pale, rikran kol bare diwessa i bachtele djijentsa, kai dan le o Debleskro newo kheer an leskre wasta.

Nehemia 11:20

Un i tsele wawar Israelitarja, kol rashaja un i Levitarja atchan an o wawar forja an o them Juda, hakeno ap peskro kotar phub.

Nehemia 12:43

Un ap ko diwes anan le bud viechen o Debleske. Un jon giwan un khelan i bachtjatar. O Dewel kras, te wan lengre djia bachtelo un san. Un ninna i djuwja un i tchawe dan gole i bachtjatar. Un koi bari bachteli gole an o foro Jerusalem was shunlo fun dural.

Nehemia 8:17

Un i tsele menshe, kai khere wan dran i themma, kai le pandle his, kolla kran penge khera dran patria un djiwan an lende. Kowa kran i Israelitarja buder gar jaake rah, har o Josua mulo hi, koleskro dad o Nun his. Un jon his bud bud bachtelo.

Debleskri gili 149:3

Sharenn leskro lab an tumaro khelepen! Bashrenn leske ap i pauka un i harfa!

Debleskri gili 30:1

I gili o Davidestar, te giwenn le ap kol bare diwessa, kai o Debleskro kheer kerdo was.

5. Mose 20:5

Pal kowa hunte rakrenn i pralstune ap i kurepangre un putchenn: Hi mank tumende jek, kai i kheer pre tardo tchiwas un mukas gomme gar o Debleskri bacht pral kowa win te rakrell? Kowa hunte djal pale an peskro kheer, te merell lo gar an o kurepen, un i wawar mursh djiwell an leskro kheer.

Filiparja 4:4

Awenn bachtelo hako tsiro! Tumari bacht well o Jesusestar, maro rajestar. Awa, awenn bachtelo!

Debleskro tsiro 5:8

Un har las job o liil, peran kol star sorele bolepangre un kol biish-te-star tchatchepangre phure glan o terno bakro tele. Un hakenes lendar his i bashepaskri. Un jon bashran i shukar bashepen. Len his ninna sonakangre tchare pherdo gudlo kasht, hoi o Debleske chatchedo wella, un mishto sungella. Ko gudlo kasht hi o mangepen, hoi o Debleskre menshe pengro Deblestar mangan.