Nehemia 10:39 - O Debleskro Drom 2021 (Sinte)

³⁹ Un jek rashai kol menshendar Aron hunte djal lentsa ap ko tsiro, kai lenn le ko deshto kotar dren. Un i Levitarja hunte anenn o deshto kotar fun lengro deshto kotar an maro Debleskro kheer un tchiwenn kowa an ko kheer, kai sawo koowa pre garedo well.

O Debleskro Lab 2024 (Sinte-Manouche)

³⁹ Oun yek rashay kol menshendar Aron hounte djal lentsa ap ko tsiro, kay lenn le ko deshto kotar dren. Oun i Levitarya hounte anenn o deshto kotar foun lengro deshto kotar an maro Debleskro kheer oun čivenn kova an ko kheer, kay savo koova pre garedo vell.

Nehemia 10:39 Iomraidhean Croise

2. Rajengro liil 7:10

Un jon djan pale pale pash o foro, dan kolen gole, kai denn garda ap o foreskro wudar, un penan lenge: “Mer wam pash koi platsa, kai kol Syrarja his. Koi his kek, un kek menshes shunam. Kol graja un burika his koi an-pandlo un kol plachtene khera koi tardo.”

2. Familjakro liil 31:11

Kote penas o baro rai, o Hiskija, te wenn bare iseme kerdo an o baro Debleskro kheer. Un jon kran les jaake.

2. Familjakro liil 31:12

Kote tchiwan le kowa lauter kotar fer kotar dren: o chapen, hoi dan le har glan-tchinlo hi, un kowa, hoi o deshto kotar kolestar hi, hoi jon dren anan, un kowa hoi dan le pendar o baro Debleske. Un o pralstuno koi pral his ko Levitari, o Konanja. Un o duito his leskro phraal o Shimi.

Nehemia 12:47

Un kau tsiro, kai o Serubbabel un o Nehemia i pralstune pral o them Juda his, dan i tsele Israelitarja i gipangren un kolen, kai jak ap i foreskre wudja dan, kowa, hoi len hako diwes o djipaske hunte well. I menshe anan kowa, hoi le o Debleske dan, pash i Levitarja. Un kolla dan palle i rashajen jaake bud kolestar, har glan tchinlo his.

Debleskri gili 122:9

Kote hi maro baro Debleskro kheer tardo. Doleske mangau maro Debles, te djal lauter mishto i menshenge an Jerusalem.

4. Mose 18:26

Pen ap i Levitarja: Te anenn tumen i Israelitarja o deshto kotar kolestar, hoi ap lengre hachetikri phub bares was, – kowa hi, hoi dau tumenge, – palle hunte denn tumer kolestar mande ninna o deshto kotar.

4. Mose 18:30

Te kran kowa, palle nai rikrenn tumenge, hoi pral atchell, jaake har o hacho rikrell o djob un i mool, hoi pral atchell.

5. Mose 12:17

Kolestar, hoi o baro Debleske hi, ma chan: ko deshto tumaro djobestar, moljatar un djetestar, witar gar kol grumja un bakre, hoi i phureder lengre dajendar hi, witar gar kowa koleske tumen sowel dan, un kowa hoi kamenn tumendar kokres te dell, un ko wawar koowa, hoi glan tchinlo hi.

Hebrearja 10:25

Das jak, te atchas gar krik, te wenn i patsle khetne. Hi sawe mashkral i patslende, kai wenn buder gar khetne. Kowa hi gar mishto. Tumer dikenna, te hi o diwes gar dur, kai well o rai Jesus pale. Doleske djan kote, kai wenn i patsle khetne, te krell jek o wawares soreles an o dji.