Nehemia 10:35 - O Debleskro Drom 2021 (Sinte)

³⁵ Mer anah hako bersh o kasht chatchepaske an maro Debleskro kheer, te nai well les chatchedo ap i chatchepaskri maro baro Deblestar, jaake har tchinlo hi an o Moseskro liil. Mer, i rashaja, i Levitarja un i wawar Israelitarja, witsrah tikne barra, te sikrenn le, koon mare familjendar an hawo tsiro kau kasht anell.

O Debleskro Lab 2024 (Sinte-Manouche)

³⁵ Mer anah hako bersh o kasht rhačepaske an maro Debleskro kheer, te nay vell les rhačedo ap i rhačepaskri maro baro Deblestar, yaake har činlo hi an o Moseskro liil. Mer, i rashaya, i Levitarya oun i vavar Israelitarya, vitsrah tikne barra, te sikrenn le, koon mare familyendar an havo tsiro kava kasht anell.

Nehemia 10:35 Iomraidhean Croise

Nehemia 13:31

Un penom ninna, koon ap hawo tsiro o kasht hunte anell chatchepaske, un krom, te well o newo djob un i newe rukengre anlo. Biste kowa mange gar, miro Dewel, un dik latches ap mande!

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

2. Mose 34:26

Hako bersh anenn o feteder halauterestar, hoi ap tumari phub bares was, an o Debleskro kheer! Job hi tumaro baro Dewel. Kerenn gar i terni busni an o thud lakro datar!

Ezekiel 44:30

Ninna o feteder djob kolestar, hoi newes baro was, un kowa, hoi hunte denn i menshe o Debleske, hi i rashajenge. Anenn lenge ninna i erste mare, hoi o newo djobestar peklo wan. Koon kowa krell, ap koleste un leskri familja well o Debleskri bacht.

3. Mose 6:5

Un koi jag ap i chatchepaskri chatchell dureder, un djal ko tselo tsiro gar win. Haki taissarla tchiwell o rashai kasht pre, un koi pre ko mass ko viechestar, hoi well tseles chatchedo, ninna kol kotja thulepen ko viechestar, hoi i menshe khetne chan. Un o rashai mukell lauter pre te chatchrell.

3. Mose 6:6

Koi jag ap i chatchepaskri hunte chatchell hako tsiro, un hunte djal gar win.

4. Mose 18:12

Ko tselo latcheder djet, un ko latcheder mool un djob, ninna lauterestar hoi glanstunes bares was ap i hachetikri phub, kowa halauter, hoi jon o baro Debles dan, dau me tumende. Koon gar pale-tchiddo hi an tiro kheer nai chal kolestar.

4. Mose 18:2

I Levitarja hi tire phrala, kolen less tu pash tute, te atchenn jon pash tute un budrenn tuke. Tu kokres tire tchawentsa han mire rashaja un budrenn glan o Debleskro kheer, kai o Debleskre deesh laba dren hi.

5. Mose 26:2

palle less tu ko ersto djob, hoi ap tiro phub bares was. Un tu tchiwess les an i korba un aness les pash koi platsa, kai job kamell, te well lo kote an-mangedo.