Nehemia 10:31 - O Debleskro Drom 2021 (Sinte)

³¹ Mer kamah mare tchen gar i murshentsa i wawar menshendar an kau them te romedinerell, un ninna lengre tchen gar mare tchawenge te lell.

O Debleskro Lab 2024 (Sinte-Manouche)

³¹ Mer kamah mare čen gar i morshentsa i vavar menshendar an kava them te romedinerell, oun ninna lengre čen gar mare čavenge te lell.

Nehemia 10:31 Iomraidhean Croise

2. Familjakro liil 36:21

Glan i rah tsiro penas o Mose ap i Israelitarja: “Hako eftato bersh hunte budrell kek tumendar ap peskri hachetikri phub, te lell i phub pale newi soor!” Ap ko lab rikran pen i Israelitarja gar. Kanna atchas ko them efta-deesh bersha muklo tchiddo. Jaake was ko lab tchatcho, hoi o baro Dewel o Jeremijeske an o mui tchiwas: “O them atchell muklo tchiddo efta-deesh bersha, bis te kol bersha trujel hi, kolen i Israelitarja gar dren rikran.”

Nehemia 13:23

An ko tsiro dikom me bibolden, kai lan penge romjen dran o Filistarengro foro Ashdod, ninna dran i themma Ammon un Moab.

Nehemia 13:27

Un kanna hunte shunap tumendar, te anenn sawi bari doosh ap tumende, un rikrenn tumen gar ap ko lab, hoi o Dewel das, un lenn tumenge romjen dran wawar themma!”

2. Mose 12:16

Ap o ersto diwes awenn khetne, te mangenn man an. Ninna ap o eftato diwes krenn kowa! Ma budrenn ap kol dui diwessa! Kokres o chapen, hoi hakeno chala, nai krenn tumer.

2. Mose 20:10

O eftato diwes hi mange, tiro baro Debleske. Ap ko diwes kress tu kek budi, witar gar tire tchawe un tcha, witar gar tiro budepaskro un tiri budepaskretsa, witar gar tire vieche, witar gar kol wi-themarja, kai an tiro foro djiwenna.

2. Mose 34:16

Tumer romedinerans tumare mursh tchawen lengre tchentsa. Un kolla djuwja anans tumare mursh tchawen o Debleskro dromestar tele, te mangenn le ninna kol deblen dran kasht un bar an.

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

3. Mose 16:29

Kawa lauter hunte well kerdo ap o deshto diwes an o eftato tchon. Un jaake hunte krenn tumer hako tsireske. Ma chan ap ko diwes! Ma krenn i budi, tumer gar un witar gar i wi-themarja, kai mank tumende djiwenn.

3. Mose 23:21

Denn win gole, te wenn khetne ap kau diwes o baro Debleske. Kek budi hunte krenn tumer ap ko diwes. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 23:3

Rikrenn o Debleskro diwes! Shob diwessa budrenn, ap o eftato diwes krenn kek budi! Ko diwes hi o baro Debleske. Ap leste awenn khetne glan leste! Ap kau diwes krenn kek budi, kai tumer ninna djiwenna!

Mateo 6:12

Un biste mari doosh, hoi mer ap mende anam! Un ninna mer bistrah o tchilatchepen, hoi i wawar ap mende kran.

Kolossarja 2:16

Ma shunenn ap kolende, kai penenn tumenge: “Hi gar mishto, te chan un pijenn tumer kawa te kowa!” Ma shunenn ap lende, te penenn le tumenge, te denn jak ap bare diwessa an o tchon un an o bersh, ninna ap o diwes, kai i bibolde gar budrenna.

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.