Nehemia 10:30 - O Debleskro Drom 2021 (Sinte)

³⁰ jon dan pen khetne pengre phralentsa, kol pralstunentsa mank lende, un dan pen sowel, te djan le ap o Debleskro drom, jaake har sikras lende o Mose, koles o Debleskro wast his, te djiwenn le pal hako lab un pal o tchatchepen, hoi das len o baro Dewel, lengro rai, un te kamenn kowa te krell, hoi job lendar kamell.

O Debleskro Lab 2024 (Sinte-Manouche)

³⁰ yon dan pen khetne pengre phralentsa, kol pralstunentsa mank lende, oun dan pen sovel, te djan le ap o Debleskro drom, yaake har sikras lende o Mose, koles o Debleskro vast his, te djivenn le pal hako lab oun pal o čačepen, hoy das len o baro Devel, lengro ray, oun te kamenn kova te krell, hoy yob lendar kamell.

Nehemia 10:30 Iomraidhean Croise

2. Rajengro liil 23:25

Kek baro rai his glan leste, kai was jaake har o Josia pash o baro Debleste peskro tselo djijeha un peskro tselo djipah un peskri tseli sorjah, un djiwas jaake har an o Moseskre lila tchinlo hi. Un pal leste his witar kek har job.

2. Rajengro liil 23:3

Un o baro rai his ap ko pralstuno kotar tardo glan o Debleskro kheer un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi. Un i tsele menshe pandan pen an pengro lab, te rikrenn le kowa, hoi an o liil tchinlo hi.

2. Familjakro liil 34:31

Un o baro rai his ap peskri platsa tardo un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi.

Nehemia 10:1

Un doleske rakrah men kanna tele un tchinah kowa pre, te rikrah men ap lauter, hoi mer kate penam. Un mare pralstune, mare Levitarja, un mare rashaja tchiwenn pengre laba tel kau liil un pandenn palle o liil khetne.

Nehemia 13:23

An ko tsiro dikom me bibolden, kai lan penge romjen dran o Filistarengro foro Ashdod, ninna dran i themma Ammon un Moab.

Nehemia 13:25

Un me tchingrom kol murshentsa, praassom len, un dom ninna murshen lendar, un tserdom lengre balla win. Un krom, te denn le pen sowel pash o Debleste, te denn le kek pengre tchendar kol wawarengre tchawende, un lenn kek kolengre tchendar penge un pengre tchawenge.

Nehemia 13:30

Un jaake krom me i Israelitarjen pale djudjo un erligo glan o Debleste, un las dran lende lauter krik, hoi dran o wi-them an lende dren was. Un penom lenge, koon i rashajendar un i Levitarendar hawi budi hunte krell, jaake te djinas hakeno, hoi te krell lo.

Nehemia 5:12

Kote penan le: “Mer kamah kowa pale te dell, un tchi lendar pale te lell! Mer kamah jaake te krell har tu menge penal!” Un me mukom i rashajen te well, un mukom i pralstunen pen sowel te dell glan lende, te krenn le les jaake, har le kowa penan.

Debleskri gili 119:106

Me dom man sowel, un me kamau lat te rikrell: Kamau te djap pal tire tchatchepaskre laba.

2. Mose 34:16

Tumer romedinerans tumare mursh tchawen lengre tchentsa. Un kolla djuwja anans tumare mursh tchawen o Debleskro dromestar tele, te mangenn le ninna kol deblen dran kasht un bar an.

5. Mose 29:11

Kau diwes han kate, te djan tumaro baro Debleha koi sowel dren, te wenn tumer leskre menshe, un job tumaro Dewel, jaake har lo tumenge glan i tsiro penas, un ninna tumare phurenge penas, o Abrahameske, o Isaakeske un o Jakobeske. Un job krell tumentsa win, hoi lo tumendar kamella.

5. Mose 7:3

Ma romedinerenn kek lentsa! Tumare tchen denn gar lengre mursh tchawende! Un lengre tchen lenn gar tumare mursh tchawenge, te romedinerenn le len.