Nehemia 10:29 - O Debleskro Drom 2021 (Sinte)

²⁹ I tsele Israelitarja, i rashaja, un i Levitarja, un kolla, kai jak denn ap o foreskre wudja, un i gipangre, un i budepangre an o Debleskro kheer, un kolla i wawar menshendar, kai mukan pengre menshen un djan kanna o Debleskro drom, ninna lengre romja, lengre tchawe un tcha, kai haiwenn kowa,

O Debleskro Lab 2024 (Sinte-Manouche)

²⁹ I tsele Israelitarya, i rashaya, oun i Levitarya, oun kolla, kay yak denn ap o foreskre voudya, oun i gipangre, oun i boudepangre an o Debleskro kheer, oun kolla i vavar menshendar, kay moukan pengre menshen oun djan kanna o Debleskro drom, ninna lengre romya, lengre čave oun ča, kay hayvenn kova,

Nehemia 10:29 Iomraidhean Croise

2. Rajengro liil 10:31

O Jehu rikras pes gar peskro tselo djijestar ap i laba o baro Deblestar, kai o Israeleskro Dewel hi. Job mukas gar kol chochene deblen, hoi o Jerobeam kras, un kolentsa job i Israelitarjen o Debleskro dromestar tele anas.

2. Rajengro liil 23:3

Un o baro rai his ap ko pralstuno kotar tardo glan o Debleskro kheer un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi. Un i tsele menshe pandan pen an pengro lab, te rikrenn le kowa, hoi an o liil tchinlo hi.

1. Familjakro liil 9:2

Un mank kol erste menshe, kai pale wan, un pale an pengro them un pengre forja djiwan, his Israelitarja, rashaja, Levitarja un sawe, kai budran an o Debleskro kheer.

2. Familjakro liil 34:31

Un o baro rai his ap peskri platsa tardo un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi.

2. Familjakro liil 6:16

Kanna, baro Dewel, tu Dewel pral o Israel, rike ninna tiro wawar lab, hoi tu dal miro dadeske, o Davideske, kai tuke koi his. Tu penal, te well hako tsiro jek dran o Davideskri familja o rai pral o Israel. Kowa djal jaake rah, har denn leskre tchawe garda ap pengre dromma, te djiwenn le ap tiro drom jaake, har o David glan tute djiwas.

Nehemia 13:25

Un me tchingrom kol murshentsa, praassom len, un dom ninna murshen lendar, un tserdom lengre balla win. Un krom, te denn le pen sowel pash o Debleste, te denn le kek pengre tchendar kol wawarengre tchawende, un lenn kek kolengre tchendar penge un pengre tchawenge.

Nehemia 7:46

I familje, kolendar i mursha wan, kai budran an o Debleskro kheer: Ziha, Hasufa, Tabbaot,

Nehemia 8:2

Jaake anas o rashai Esra ap o ersto diwes an o eftato tchon o Moseskro liil glan i tsele Israelitarja, kai khetne wan, glan kol tsele murshende un djuwjende, un lauterende, kai nai haiwan les.

Nehemia 8:3

Un sik taissarlakro bis mashkral o diwes draweras job dran ko liil glan, kote ap koi platsa glan ko Panjeskro Wudar. Un hakeno das jak ap kowa, hoi an ko liil dren tardo his.

Nehemia 9:2

Un hakeno, kai i Israelendar hi, mukas kolen, kai gar peskre menshendar hi. Un jon wan glan o Debleste un mangan pen tele, un penan hawi doosh jon un pengre phure ap pende anan.

Debleskri gili 105:45

Kawa kras lo, te rikrenn le leskre laba, un shunenn ap kowa, hoi job lenge penas. Sharedo well o baro Dewel!

Debleskri gili 119:106

Me dom man sowel, un me kamau lat te rikrell: Kamau te djap pal tire tchatchepaskre laba.

Debleskri gili 8:1

I gili o rajeske pral i gipangre, te giwell pash o bashepen ap i bashepaskri ochta dorjentsa. O David kras kai gili.

Debleskri gili 8:9

i tchirkle an o bolepen un i matche an o baro pani, un lauter, hoi an o pani djiwell.

Jesaja 14:1

O baro Dewel krell peskro dji peskre menshenge pre. Un pale rodell lo peske i Israelitarjen win, un mukell len an pengro them te djiwell. Un wi-themarja wenna un djiwenna khetne lentsa.

Jeremia 26:4

Pen lenge: Kowa hi, hoi o baro Dewel penell: Me bitchrom tumenge mire rakepangre, kai mange budrenn, te penenn le tumenge, hoi te krenn. Bud kope bitchrom len pash tumende. Tumer dan gar jak ap kowa, hoi le penan. Te shunenn tumer gar ap mande un djan gar ap miro drom, hoi tumende sikrom, un denn gar jak ap i laba, hoi mire rakepangre tumenge penenn,

Jeremia 34:15

Tumer wan pale ap miro drom, un kran, hoi glan mire jaka mishto hi, un mukan win gole te dell, te wenn kol budepangre win muklo, kai hi Israelitarja. Un tumer dan tumen sowel, glan mande an ko kheer, kai mange kerdo was, te krenn kowa jaake.

Ezekiel 36:27

Me dau miro ducho an tumende, un me krau sawe menshe tumendar, kai krenn, hoi tumendar kamau, un djiwenn pal mire tchatchepaskre laba, un rikrenn len dren.

3. Mose 20:26

Me hom o baro Dewel. Kek wawar hi har me. An mande hi kek tchilatchepen. Un tumen rodom win dran i wawar themma, te wenn tumer miro. Doleske hunte wenn kokres mange un djiwenn har i Debleskre menshe djiwenn.

4. Mose 5:21

palle anell o baro Dewel i bibacht ap tute, jaake te wenn tire rigja tikneder un tiro per pesseder. Palle penell jek, kai kamell i bibacht pral i wawareste te anell: Mu djal tuke har kai djuwjake!” Kol labentsa hunte dell o rashai kol djuwjat trad, un palle penell lo ap late:

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Johanni 15:14

Te krenn tumer, hoi me tumenge penom, han mire mala.

Johanni 7:19

O Mose das tumen i lila, kai tchinlo hi, har tumer hunte djiwenna. Kek tumendar djiwell jaake. Hoske kamenn tumer man te marell?”

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Bičepangre 17:34

His mursha koi, kai djan leha un wan patslo. Mashkral lende his ninna o Dionisio, i pralstuno ap o Areopag, un i djuwel, kai kharas Damaris, un ninna wawar.

Bičepangre 23:21

Tu patsess len gar. Budeder har star-deesh mursha lurenn ap leste ap o drom. Kolla dan pen sowel, te chan le tchi, te pijenn le tchi, bis te maran le les. Jon hi koi khatedo te nai marenn le les jaake sik, har tu mukeh les win te anell.”

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

5. Mose 33:4

O Mose sikras mende o Debleskro drom. Kal tchatchepaskre laba hi o Israeleskro brawlepen.

5. Mose 5:1

Un o Mose das i tsele menshen Israel khetne gole, un penas ap lende: Shun Israel kowa, hoi o baro Dewel kamell tumendar, leskre tsele tchatchepaskre laba, hoi kau diwes glan tumare kanna penom. Rikrenn len an o shero, un denn jak ap lende, un djiwenn pal lende!

5. Mose 5:32

Kanna denn jak, te krenn halauter jaake, har tumaro baro Dewel kowa tumenge penas. Rikrenn leskre tsele laba. Tchiwenn kek lendar ap i rig.