Nehemia 1:9 - O Debleskro Drom 2021 (Sinte)

⁹ Te rissrenn tumer pale trujel pash mande, un rikrenn mire laba un djiwenn pal lende, palle anau tumen pale ap koi platsa, hoi win rodom, te wap kote prindjedo. Kowa krau me, ninna te wans tumer krik tradedo bis an o palstuno kotar ap i phub.’

O Debleskro Lab 2024 (Sinte-Manouche)

⁹ Te rissrenn t'mer pale trouyel pash mande, oun rikrenn mire laba oun djivenn pal lende, palle anau t'men pale ap koy platsa, hoy vin rodom, te vap kote prindjedo. Kova krau me, ninna te vans t'mer krik tradedo bis an o palstouno kotar ap i phoub.

Nehemia 1:9 Iomraidhean Croise

1. Rajengro liil 8:48

Te wenn le pash tute pale pengro tselo djijeha un lengro tselo djipah, an ko them, kai jon pandle hi, un denn gole ap tute un rissrenn pen koi pashel ap koi rig, kai lengro them hi, kai tu dal lengre phurende, un kai ko foro hi, hoi tu tuke win rodal, un ko kheer, kai me mukom tuke te krell,

1. Rajengro liil 9:3

Un o baro Dewel penas leske: Me shunom, har man an-mangal, un har mandar mangal, te dikap latches ap tute. Jaake rodom kau kheer mange win, hoi tu kral, te djiwap kote hako tsiro. Me dau garda koi pre. Kote krau miro dji tumenge pre.

1. Familjakro liil 16:35

Penenn: Maro Dewel, ab ap mari rig! tu hal kowa, kai lell men win dran o tchilatchepen. Doleske le men win dran i wasta kol wawar menshendar! An men pale lauter khetne, te sharas tut un parkras men pash tute, kai kokres o tchatcho Dewel hal.

Esra 6:12

Un ko Dewel, kai o Jerusalem win rodas, te well lo kote an-mangedo, job mu te phagell hako baro rajes un hako them, kai rikrell pes gar ap kau lab, hoi penom, un hadell peskro wast, te phagell lo ko Debleskro kheer tele an Jerusalem. Me, o Darius, penom kau lab un mukom les pre te tchinell, te rikrell pes hakeno ap leste!

Debleskri gili 106:47

Baro Dewel, le men win dran i wasta kol wawar menshendar, maro Dewel! An men pale lauter khetne an o them Israel, te parkras men pash tute, kai kokres o tchatcho Dewel hal. Mari bacht hi, te nai sharah tut.

Debleskri gili 107:3

Job anas len khetne dran bud themma, kotar, kai o kham pre-djala, kotar, kai o kham tele djal, kotar, kai o kham gar well, un kotar, kai o kham pralstunes tardo hi.

Debleskri gili 147:2

O baro Dewel tchiwella Jerusalem pale pre, un lauteren, kai krik tradedo wan, anell job pale khetne.

Jesaja 11:12

Un job tchiwell i sikepen pre, te sikrell lo kol menshen an i wawar themma, te anell lo kolen khetne, kai dran Israel un Juda win tradedo his. Kolen anell lo pale dran hake rigja i phubjatar.

Jesaja 27:12

I tsiro wella, kai lell o baro Dewel peskre menshen khetne dran o tselo them mank o pani Eufrat un o them Egiptia. Job rodell len win har jek o tikno djob win rodell dran o phuss, jek pal o wawar.

Jesaja 56:8

O baro Dewel, maro rai, kowa kai anas i krik-tradede Israelitarjen pale an lengro them, penell: Me anau gomme budeder khetne pash kolende, kai khetne anlo wan.

Jeremia 12:15

Pal kowa, kai anom kol wawar menshen dran lengro them, krau me lenge miro dji pale pre, un anau len pale an lengro them, kote, kai jon glan ko tsiro djiwan.

Jeremia 3:14

Awenn pale, tumer tchawe, kai nashan mandar krik, penell o baro Dewel. Me hom tumaro rai. Me kamau tumendar te lell jekes dran hako foro un dui dran haki familja, un kamau tumen an Zion te anell.

Jeremia 31:10

Shunenn, tumer menshe dran wawar themma, hoi o baro Dewel penell! Djan pral o baro pani pash i panjeskre themma, un rakrenn kote leskre laba! Penenn: Kowa, kai tradas o Israel an bud themma, kowa lell len pale khetne un dell garda ap lende har i bakrengro ap peskre bakre garda dell.

Jeremia 32:37

Tchatchepah, me anau mire menshen pale kate an kau foro, dran kol tsele themma, kai me len tradau an miri bari choli, hoi chatchell har i jag an mande. Me anau len pale an kau foro, te djiwenn le kate kek darjah.

Jeremia 6:22

Kowa penell o baro Dewel: Denn garda: Bud menshe wenna dran lengro them, hoi kote tchiddo hi, kai norden hi. Awa, bud menshe krenn pen ap o drom an ko dur them, te djan le an o kurepen.

Ezekiel 14:6

Doleske pen ap o kheer Israel: Kawa penell o baro Dewel, maro rai: Djan tele tumaro tchilatcho dromestar, un mukenn tumare chochene deblen, hoi jaake djungelo an mire jaka hi!

Ezekiel 36:24

Me lau tumen win dran i tsele themma un wawar menshendar. Un lau tumen khetne un anau tumen an tumaro them.

3. Mose 26:3

Te djiwenn jaake, har me tumendar kamau un rikrenn kowa hoi me penom,

Zakarie 8:7

Kowa penell o baro Dewel, ko rai pral o bolepen un i phub: “Awa, me lau mire menshen win dran o them, kai o kham pre djala, ninna dran o them, kai o kham tele djal.

Mateo 24:31

Un job bitchrell peskre bolepangren pral i tseli phub. Un kolla phurdenn an i bashepangre, te anenn le dran hako them kolen khetne, kai o Dewel peske win rodas.

5. Mose 12:21

Tumer hunte djan doleske gar ap koi platsa, hoi tumaro baro Dewel win rodell, te well lo kote an-mangedo. Lauter, kai djiwenn dur koi platsa, nai marenn un chan lengre grumjendar, bakrendar un busjendar, hoi o baro Dewel len das, jaake bud har jon kamenn – kote an lengre forja, kai le djiwenn. Jaake penau les tumenge.

5. Mose 12:5

Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.

5. Mose 30:1

Kanna penom tumenge kal tsele laba, te nai rodenn win: Kamenn tumer, te well o Debleskri bacht pral tumende? Kamenn tumer te well leskro praassepen pral tumende? Te well koi bibacht pral tumende, un tumer djiwenn an i wawar themma, kai tumaro baro Dewel tumen tradas, wenn tumenge kal laba an o dji.