Micha 7:16 - O Debleskro Drom 2021 (Sinte)

¹⁶ te dikenn kolla an i wawar themma, hoi menge kreh, un hunte ladjenn pen an pengri tseli soor. Lenge atchell o rakepen krik, un jon kamenn buder tchi te shunell.

O Debleskro Lab 2024 (Sinte-Manouche)

¹⁶ te dikenn kolla an i vavar themma, hoy menge kreh, oun hounte ladjenn pen an pengri tseli zoor. Lenge ačell o rakepen krik, oun yon kamenn bouder či te shounell.

Micha 7:16 Iomraidhean Croise

Hiob 21:5

Dikenn ap mande! Un tumer krenn bare jaka i trashatar, un tchiwenn tumaro wast glan o mui!

Hiob 40:4

Dik, me hom tchi moldo! Hoi penap me tuke? Me tchiwau miro wast ap miro mui.

Debleskri gili 126:2

Kote sanas maro mui, un mari tchip das gole i bachtjatar, un pash i tsele wawar menshende penan le: “O baro Dewel kras baro koowa ap lende.”

Gosewe laba 30:32

Te hals jaake dinelo, te hadal tut pre, un lal tut tchilatcho koowa glan, atch un tchip o wast ap tiro mui!

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Jesaja 52:15

Un kanna dikenn bud menshe dran wawar themma bare jakentsa ap leste, un lengre rajenge atchell o rakepen krik. Kowa, hoi lenge gar dren ginlo was, dikenn le kanna. Un kolestar jon tchi shunan, kowa dikenn le un haiwenn les.

Jesaja 66:18

Me djinau kowa, hoi jon kran, un kowa, hoi an lengre sherja glan djas. Un me wau, te lap i menshen khetne dran i tsele themma un dran hako rakepen. Un jon wenna un dikenn miro railepen.

Ezekiel 38:23

Un jaake sikrau me glan i jaka bud menshendar dran wawar themma, te hom i sorelo Dewel. Un jon dikenn un haiwenn palle, te hom me o baro Dewel.

Micha 3:7

Un i dikepangre hunte ladjenn pen, un i durkepangre wenn sapaske. Kek lab o Deblestar hi pash lende. I ladjatar hunte rikrenn le halauter i diklo glan pengro mui.

Micha 5:8

Israel, hade tiro wast pral halauterende, kai kurenn pen tuha, te atchell kek lendar djido!

Haggai 2:22

Un me witsrau i beshepangre kol themengre rajendar trujel un lau lengri soor krik. Lengre kurepangre wurdja witsrau trujel khetne kolentsa, kai koi pre beshenna. I graja un i klissepangre merenna. Jek dell o wawares mulo.

Zakarie 12:9

“An ko tsiro”, penell o baro Dewel, “rodau te marap kol tsele natsjonen, kai djan an o kurepen o foreha Jerusalem.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

Debleskro tsiro 11:18

I tsele natsjone choiran pen pral tute. Doleske was tiri choli pral lende. Kanna hi o tsiro kai, te well o tchatchepen wi-rakedo pral i mulende. Kanna was ko tsiro, te dess tiro brawlepen kolende, kai tuke budran, kai an tiro lab rakran, lauterende, kai tire menshe hi, un tut sharenna, un tutar darenna, i tikne har i bare. I tsiro hi ninna kai, te maress kolen, kai i menshen ap i phub maran.