Micha 6:9 - O Debleskro Drom 2021 (Sinte)

⁹ Shunenn, hoi dell o baro Dewel gole pral o foro Jerusalem! – Koon gosewo hi, kowa lell leskre laba ap o dji! Shunenn, tumer menshe, kai wenn khetne an o foro!

O Debleskro Lab 2024 (Sinte-Manouche)

⁹ Shounenn, hoy dell o baro Devel gole pral o foro Yerusalem! – Koon gosevo hi, kova lell leskre laba ap o dji! Shounenn, t'mer menshe, kay venn khetne an o foro!

Micha 6:9 Iomraidhean Croise

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

Hiob 10:2

Me penau ap o Debleste: Ma pen: Doosh hi ap tute! Pen mange, hawi doosh tu ap mande hatsal?

Hiob 23:14

Awa, job krell kowa dureder, hoi les mantsa glan his. Un les hi bud koowa mange an peskro dji.

Hiob 5:17

Dik, bachtelo hi ko mensho, koleske o Dewel leskri doosh sikrell! Doleske ma hade tut khatar leste, te dell tut o sorelo Dewel.

Debleskri gili 107:43

Koon gosewo hi, bistrell kowa gar, un haiwell, har latcho o baro Dewel hi.

Debleskri gili 48:10

Maro Dewel, kate an tiro kheer mukah menge tiro latchepen an o shero trujel te djal.

Debleskri gili 83:18

An ladj un traash ap lende hako tsireske, te merenn le an i ladj.

Debleskri gili 9:16

I menshe an wawar themma, peran an koi cheb, hoi jon i win hadan. An koi netsa, hoi jon win tchiwan, tapran le pen kokres.

Gosewe laba 22:3

Koles i gosewo dji hi, kowa dikell, har i bibacht wella un khatrell pes. Kolen tchi an o shero hi, kolla nashenn dureder, un i bibacht well ap lende.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Jesaja 27:10

I sorelo foro hi muklo. Kek djiwell buder an i shukar khera. O foro hi har i diwjo muklo them, kai i grumja chan un pen tele tchiwenn, un o senlepen ap i burra chan.

Jesaja 30:27

Dikenn, o baro Dewel wella fun dural. Leskri choli hi baro, un i pesso jagakro ducho well dran leskro nak. Pherdi choli hi leskro rakepen. un leskri tchip hi har i jag hoi lauter pre chatchrell.

Jesaja 66:6

Shunenn i diwji gole dran o foro, i kurepaskri gole dran o Debleskro kheer! Shunenn, o baro Dewel rakrell i phagi win pral kolende, kai choiran les!

Jesaja 9:13

Ap jek diwes las o baro Dewel lendar i pralstunen krik, ninna kol chochene rakepangren, kai penan, kai lengre laba o Deblestar wan. Kowa hi, har te tchinals jek i matchestar o shero un o pori tele, un i rukestar i patria un i telstuno kotar. I phurende un i an-dikle hi o shero. Kol chochene, kai penenn, lengre laba wans o Deblestar, hi o pori.

Jeremia 26:18

“Har o Hiskija o baro rai pral Juda his, penas o Debleskro rakepaskro, o Micha dran o foro Moreshet, ap i tsele menshende an Juda: Kowa penell o baro Dewel, ko rai pral o bolepen un i phub: I diwes well, kai well o foro Zion jaake trujel witsedo har i hachetikri phub, te well o pralstuni phub tele un i telstuni phub pral. O forestar Jerusalem atchell tchi pral har barra. Un ap koi berga, kai kanna o Debleskro kheer tardo hi, well i diwje burra bares.

Jeremia 26:6

palle krau kau khereha har ko khereha an Shilo. Un me krau, te penenn i wawar menshe, te kamenn le jekes te praassell: Mu djal tuke har o foreske Jerusalem!

Jeremia 47:7

Har nai mukell o charo tele? O baro Dewel hi kowa, kai penas leske, te well lo pral o foro Ashkelon, un kai bitchras les pash kolende, kai djiwenn pash o baro pani.

Ezekiel 7:9

Me dikau buder gar latches ap tumende. Man khaitenn tumer gar. Ko djungelo koowa, hoi kran, well ap tumare sherja pale. Un tumer lenn tumari phagi. Un tumer dikenn un haiwenn palle, te hom me o baro Dewel, kowa kai tumen dell.

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Amos 2:5

Me bitchrau i jag an o them Juda, un chatchrau kol sorele khera tele an Jerusalem.

Amos 6:1

Djungeles djal kolenge, kai djiwenn i shukar djipen ap i berga Zion! Djungeles djal kolenge, kai djiwenn an o foro Samaria, un krenn pen kek shero! Djungeles djal tumenge, kai han i raja pral Israel – koi an-dikli natsjona, pash kolende i Israelitarja wenna!

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Micha 6:10

An i khera i tchilatchendar hi brawlepen, hoi kolla chochepah khetne anan. Te bikrenn un ginenn le tchomone, lenn le i piri, hoi tikneder hi har li hunte wals. Sawo koowa hi djungeles glan mande.

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Zefanja 3:2

Te dell jek kol menshen kote trad, shunenn le gar, un mukenn penge tchi te penell. Ap o baro Debleste rikran le pen gar, pengro Deblestar kamenn le tchi te djinell.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!