Micha 6:3 - O Debleskro Drom 2021 (Sinte)

³ Hoi krom tumenge, mire menshe? Tchiwom i phari budi ap tumende? Penenn les mange!

O Debleskro Lab 2024 (Sinte-Manouche)

³ Hoy krom t'menge, mire menshe? Čivom i phari boudi ap t'mende? Penenn les mange!

Micha 6:3 Iomraidhean Croise

Debleskri gili 50:7

“Mire menshe, shunenn! Me kamau rakrell. Israel, shun, har me, tiro Dewel penau tuke, kai kowa, hoi kral, gar mishto hi.

Debleskri gili 51:4

Thob miri doosh mandar tele, un le ko tselo tchilatchepen mandar krik, te wap pale djudjo!

Debleskri gili 81:13

Jaake mukom len kowa te krell, hoi jon kaman, un mukom len pal pengro shero te djal.

Debleskri gili 81:8

Har tuke ropaske his, un tu pal mande gole dal, wom me un lom tut win. Tu putchal mandar, un me rakrom tuha dran koi wolka. Pash o pani Meriba lom tut an i jak, te dikap, har tu shuneh ap mande.

Jesaja 5:4

Hoi hunte kroms budeder an miro drakengro them, hoi gar krom? Hoske anas lo diwje shutle drake win? Un me patsom, te hi le latcho un gudlo.

Jeremia 2:31

O baro Dewel penell: Tumer tchilatche menshe! Denn garda ap kowa, hoi me tumenge penau! Hom me i Israelenge i mulo them, i them, kai kek pani hi? Hoske penenn mire menshe: ‘Mer nai djah, kai kamah, un hunte nashas tuke gar buder gar pal.’

Jeremia 2:5

Kowa penell o baro Dewel: Hawo djungelo koowa hatsan tumare phure ap mande, kai djan jon mandar krik, un mangan figuren an, kai kek dewel hi. Un jaake djan le tele.

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.