Micha 5:8 - O Debleskro Drom 2021 (Sinte)

⁸ Israel, hade tiro wast pral halauterende, kai kurenn pen tuha, te atchell kek lendar djido!

O Debleskro Lab 2024 (Sinte-Manouche)

⁸ Israel, hade tiro vast pral halauterende, kay kourenn pen touha, te ačell kek lendar djido!

Micha 5:8 Iomraidhean Croise

1. Mose 49:9

Miro tchawo, tu hal sorelo har i terno lewo, kai hi tchalo o viechestar, hoi maras lo, un djal pale, kai lo khere hi, beshell pes un tchiwell pes tele. Un hakenes hi daar, te taprell lo les an.

Debleskri gili 104:20

Tu peneh, te well rati, un koi wenn i tsele weshengre vieche win.

Debleskri gili 44:5

Tu hal miro baro rai, miro Dewel. Tu hal kowa, kai krell, te wenn o Jakobeskre tchawe o sorleder an o kurepen.

Debleskri gili 50:22

Tumer, kai kamenn tchi mandar te djinell, haiwenn, hoi penom, te wap gar un dap tumen, un kek hi koi, kai lell tumen win dran miro wast.

Gosewe laba 30:30

O lewo, ko sorleder mank i viechende: Glan kekeste djal lo pale;

Jesaja 5:29

Lengri gole hi har koja, hoi i lewo dell, awa, jaake har dell i terno lewo gole, hoi well dur dran leskri meen. Un palle stell lo pre un taprell ko vieches, hoi lo chapaske kamell, un hidjrell les kote, kai kek nai lell les leske krik.

Ezekiel 39:10

Un jon hunte lenn buder kek kasht an o weesh khetne, witar gar hunte denn le ruka tele, te well len jagakro kasht. Na-a, kol karmangre lenn le un krenn lentsa pengri jag. Un jon randenn kolen win, kai kaman len win te randell. Kolla, kai kaman pash lende te tchorell, wenn kanna lendar win tchoredo. Kawa penell o baro Dewel, maro rai.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

Micha 2:12

Tumer, Jakobeskre tchawe, me anau tumen khetne, – halauteren, kai atchan pral fun o tselo Israel. Anau tumen khetne, har anell i bakrengro peskre bakren an lengro kheer. Jaake har anell lo peskre bud bakren kote, kai le khere hi, jaake anau tumen an tumaro them. Un o them well pherdo tumendar.

Micha 4:13

Jerusalem, ste pre un de len khetne, penell o baro Dewel. Me krau tut jaake sorelo har i gurum, koles sasterne shinga un sasterne pire hi. Mare len khetne, kol menshen dran bud themma! Un an lengro brawlepen an miro kheer, un halauter hoi len hi, an glan mande! Me hom o rai pral i tseli phub.

Micha 4:7

Un me krau, te wenn lendar bud menshe. Awa, kolendar, kai krik tradedo his un pale khere anlo wan, well i baro natsjona. Un palle hom me, o baro Dewel, o baro rai pral lende ap i berga Zion hako tsireske.

Micha 5:3

Un job, ko newo rai, dell garda ap lende, har i bakrengro garda dell ap peskre bakren. Leskro Dewel bitchras les, un leskri soor well lestar, o baro Deblestar. An ko tsiro djal leskro railepen un leskri soor jaake dur har i phub hi. Un i menshe an leskro them nai djiwenn kek darjah.

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

Zakarie 10:5

I menshe an o them Juda wenn soreles har bare kurepangre, kai stakrenn kolen tele an i tchik ap o drom, kai kurenn pen lentsa. O baro Dewel hi lentsa an o kurepen. Ninna i klissepangre hunte tserdenn pen pale glan lende.

Zakarie 11:6

O baro Dewel penell: “Kanna khaitenn man buder gar i menshe an kau them. Me mukau i menshen te perell jek an o wast o wawarestar, un dau len ninna lengre pralstunenge an i wasta. Kolla denn o them paash, un me lau len gar win dran lengre wasta.”

Zakarie 12:3

Ap ko tsiro krau, te well o foro Jerusalem har i pharo bar i menshenge an hake themma. Kolla, kai kamenn les krik te hadell, dukrenn pengre wasta. Lurde dran i tsele themma ap i phub wenna, te kurenn le pen o foreha.”

Zakarie 14:18

Ninna te hi kolla i Egiptarja, kai djan gar pre an Jerusalem glan o baro Debleste, lenn le koi phagi, hoi dell o baro Dewel i menshenge an i tsele themma, kai wenn gar pre an Jerusalem, te rikrenn le kol bare diwessa, kai i menshe an patjengre khera djiwenna.

Zakarie 9:15

O baro Dewel, ko rai pral o bolepen un i phub, rikrell peskre wasta pral peskre menshende. Jon wenn i sorleder un stakrenn i barra tele, hoi ap lende witsedo wan. Jon pijenn un denn gole har te wans le mato i moljatar. Jon wenn jaake pherdo rat, har i tcharo pherdo viechengro rat hi, hoi well win tchoredo o Debleske ap leskri chatchepaskri, un hoi nashell pral i rigja tele.

4. Mose 24:9

O Israel tchiwas pes tele har i bari margodja, awa, har i terni bari margodja. Kek kamell lat pre djangrell. Bacht un soor well koles, kai rakrell i bacht pral tute win, Israel! Un bibacht well ap koleste, kai rakrell i bibacht win pral tute.

Mateo 10:14

Kote, kai lenn le tumen gar pre, un kamenn tumen gar te shunell, kote djan tumenge dran ko kheer un dran ko foro win! Un denn koi tchik tumare pirendar tele!

Bičepangre 18:6

Jon shunan gar ap leste un praassan les. Palle das job koi tchik dran peskre koola tele, un penas ap lende: “Tumaro rat well ap tumaro shero. Man hi kek doosh. Kanna djau me pash kolende, kai kek bibolde hi.”

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Hebrearja 2:3

Mer te djah gar ap o newo drom, kai lah o djipen, hoi gar pre-herella, palle wella o Debleskri choli pral mende. Kau newo drom sikras men maro rai Jesus. Un leskre laba hi o tchatchepen. Kolla, kai les shunan, penan les menge.