Micha 5:4 - O Debleskro Drom 2021 (Sinte)

⁴ Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

O Debleskro Lab 2024 (Sinte-Manouche)

⁴ Oun yob anell lenge i lačo tsiro. Te venn i lourde dran o them Assour an maro them, oun phagenn an mare khera dren, čivah mer zorele pralstunen oun rayen pre, te rikrenn le len pale.

Micha 5:4 Iomraidhean Croise

Debleskri gili 145:12

te shunenn i tsele menshe, hawo baro koowa tu kral, un hawo railo un latcho rai tu hal pral mende.

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

Debleskri gili 72:19

Sharas leskro baro railo lab hako tsiro! Leskro railepen mu well diklo an i tsele themma! Amen, jaake te well kowa!

Debleskri gili 72:8

Un job well o baro rai pral i tsele themma, fun jek baro pani bis pash o wawar baro pani.

Debleskri gili 93:1

O baro Dewel hi o baro rai. Railepen un soor hi trul leste har i ripen. Job kras i phub jaake te hi li soreles tardo.

Debleskri gili 98:3

Job bistras gar peskro latchepen o khereske Israel, un rikrell peskro lab, hoi das lo lende. I tseli phub dikas, har las lo len win dran o tchilatchepen.

2. Mose 23:21

Denn jak, te shunenn ap kowa, hoi job tumenge penell! Me bitchrom les. Te shunenn tumer gar ap leste, bistrell lo tumari doosh gar.

Jesaja 45:22

Tumer menshe ap i tseli phub, awenn pash mande! Un me lau tumen dran o tchilatchepen win. Me hom o Dewel un dell kek wawar har man!

Jesaja 49:5

Kowa his o baro Dewel, kai kras man jaake, te wap leskro budepaskro, har gomme gar boldo wom. Job kamell, te anap o Jakobes pale pash leste, jaake te well o tselo Israel pash leste khetne. Un miri budi hi bud moldo an i jaka o baro Deblestar. Miro Dewel was miri soor. Kanna shunenn, hoi lo penas:

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jesaja 52:13

Dik, kowa, hoi miro budepaskro krell, djal leske mishto. Job well sharedo un bares kerdo, un well dur pral tardo.

Jesaja 8:7

Doleske mukell o Dewel o baro rajes dran Assur pral lende te well. Leskre bud sorele lurde wenna har o baro sorelo pani o panjestar Eufrat, hoi djal diwjes pral peskre rigja un tchakrell i phub koi trujel.

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Zakarie 9:10

O baro Dewel penell: Me lau i kurepangre wurdja krik dran o them Israel, un i kurepangre graja dran Jerusalem. Un i kurepangre boge wenn phagedo. Tumaro baro rai lell o tchingepen krik mank i natsjone. Job hi o rai fun jek baro panjestar bis ap o wawar, fun o panjestar Eufrat bis an i dureder themma ap i tseli phub.

Maleachi 1:5

Ko tsiro wella sik, kai dikenn kowa tumare jakentsa, un palle penenn tumer: ‘O baro Dewel hi sorelo pral o them Israel un dureder win.’”

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Mateo 2:6

Tu, o foro Betlehem, hoi an o them Judea tchiddo hi, tut hi i baro lab mashkral i tsele forja an o them Judea. Dran tute wella ko baro rai, kai ap mire menshende, o Israel, garda della, jaake har i bakrengro rai garda della ap peskre bakre.”

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

Louka 1:32

Kowa well i baro rai. Job well kharedo Debleskro tchawo. Un o Dewel krell lestar i baro rai pral Israel, jaake har jek leskre phurendar, o David, o baro rai his.

Johanni 10:38

Te krau me, hoi o dad mange penas, patsenn ap kowa, hoi me krau! Jaake dikenn un prindjrenn tumer, kai o dad an mande hi un me an leste.”

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

1. Petro 1:5

kai patsenn ap leste. O Dewel rikrell tumen an peskro sorelo wast, bis te well ko diwes, kai lell tumen o Jesus Kristo dran i tseli bibacht win. Palle dikenn tumer har shukar kowa hi, hoi les tumenge hi.

Judas 1:1

Me, o Judas, tchinau kau liil ap tumende, kolen o Dewel peske win rodas. Job hi tumaro dad un kamell tumen o djijestar. Un o Jesus Kristo dell garda ap tumende. Me hom o Jesus Kristeskro budepaskro un o Jakobeskro phraal.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”