Micha 5:12 - O Debleskro Drom 2021 (Sinte)

¹² Tumare figure, hoi an-mangenn, un tumare pre-tchidde barra dau paash, te mangenn tumer buder gar kowa an, hoi tumare wastentsa kran.

O Debleskro Lab 2024 (Sinte-Manouche)

¹² T'mare figure, hoy an-mangenn, oun t'mare pre-čidde barra dau paash, te mangenn t'mer bouder gar kova an, hoy t'mare vastentsa kran.

Micha 5:12 Iomraidhean Croise

Jesaja 2:18

Un kol tsele chochene deblentsa hi palle hako tsireske trujel.

Jesaja 2:20

Un kol rupene un sonakangre figure, hoi i menshe pen kran, te mangenn le len an, kolen witsrenn le i kermusenge un i fledertikre kermusenge koi.

Jesaja 27:9

Jaake well o Israelengri doosh krik lino. Un ap kowa sikrell pes, te hi lengri doosh krik lino: Te denn le i pre-tchidde barra jaake khetne, kai mangan le i wawar deblen an, te atchell tchi har tchik. Un te mukenn le kek figure tardo, hoi sikrenn i debletsa Ashera, witar kek boba, kai lake sungepaskro koowa chatchedo was.

Jesaja 44:17

Un ko wawar kasht lell lo un krell peske lestar i dewel, te mangell lo les an, un tchiwrell pes glan leste tele un sharell les un penell: “Le man dran o merepen win, tu hal miro dewel!”

Ezekiel 16:41

Un tire khera chatchrenn le an i jag pre, un denn tut tiri phagi glan i jaka bud djuwjendar. Jaake krau, te nai lubreh buder gar trujel, un nai gineh tuke buder kek pirnes.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Zakarie 13:1

“An ko tsiro nashell i pani an o foro Jerusalem, hoi nashell i menshenge dran o kheer David un i wawar menshenge an Jerusalem, te thowell lo lengri doosh un kowa krik, hoi kras len pale-tchiddo glan mire jaka”, penell o baro Dewel.

5. Mose 18:14

Kol menshe, kolengro them tumer dren lenna, kolla shunenn ap drawepangre un durkepangre. Tumenge penas tumaro baro Dewel, te krenn kowa gar.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.