Micha 5:1 - O Debleskro Drom 2021 (Sinte)

¹ Tu foro Betlehem an Efrata, kai hal tikno mank i forja an o them Juda, dran tute well mange kowa, kai hi o rai an o them Israel. Glan hako tsiro his job. An i phure diwessa his lo koi.

O Debleskro Lab 2024 (Sinte-Manouche)

¹ Tou foro Betlehem an Efrata, kay hal tikno mank i forya an o them Youda, dran toute vell mange kova, kay hi o ray an o them Israel. Glan hako tsiro his yob. An i phoure divessa his lo koy.

Micha 5:1 Iomraidhean Croise

1. Mose 35:19

Un i Rachel meras un was paskedo ap o drom pash o foro Efrata. Kowa hi kanna Betlehem.

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

1. Rajengro liil 22:24

Kote was o Zedekja pashel, koleskro dad o Kenaan his, un das o Micha i tchamedini, un penas: “Hoi rakreh? Patseh, o ducho o baro Deblestar djas peske mandar, un rakrell kanna kokres tuha?”

2. Rajengro liil 24:2

Un o baro Dewel mukas bud lurden pral leste te well, kai trujel djan un randan an o them Juda. Kolla wan dran i themma Babilonia, Syria, Moab, un Ammon, un kran o them paash. Kowa was jaake, har o baro Dewel rakras ap peskre rakepangre, kai leske koi his, un har jon kowa i menshenge dureder penan.

Hiob 16:10

Menshe wenn khetne trul mande, un dikenn ap mande pre-kerde mujentsa. Te well len tchomone sapaske denn le man tchamedinja.

Gosewe laba 8:23

Me homs koi glan hako tsiro, har i phub gomme gar kerdo was.

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 8:9

Shunenn, tumer menshe an dur themma! Ninna te tchiwenn tumen khetne, te djan ap o Juda, ninna te denn i kurepaskri gole, tumer wenn khetne stakedo!

Jesaja 9:5

I ternepen was menge boldo, i mursh tchawo was men dino. Kowa well i baro rai, un kharell: latcho rakepaskro, sorelo Dewel, dad-hako-tsireske, rai-kai-lell-o-kurepen-krik.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Ropaskre gilja 3:30

Te lell lo i tchamedini, mu te rikrell lo peskri tcham koleske koi, kai dell les. Mu rikrell lo o praassepen win!

Ezekiel 21:32

An kotja dau o foro Jerusalem! Paash, paash krau me les. Kawa well gar, bis te well ko mursh, koles wi-rodom, te dell lo o foro peskri phagi. An leskro wast dau o foro.

Ezekiel 24:2

Tu mensho, tchin tuke kau diwes an i liil, te well gar bistedo, hawo diwes kowa hi! Kau diwes tchiwell o baro rai dran o them Babilonia peskre lurden trul o foro Jerusalem trujel, te lenn le les dren.

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.

Amos 2:3

Me marau lengro baro rajes un i lengre tsele pralstunen, penell o baro Dewel.

Habakuk 1:6

Me krau te wenn i Babilonarja soreles, kol tchilatche un sik kurepangre. Pral i tseli phub wenn le, de lenn le penge wawar themma dren hoi gar lengro his.

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Mateo 26:67

Un palle tchungran le leske an o mui, un dan les ap o shero. Wawar dan les an o mui,

Mateo 27:30

Un jon tchungran ap leste, lan leske o kasht dran o wast, un dan les leske ap o shero.

Mateo 5:39

Me penau tumenge: Ma hadenn tumaro wast ap koleste, kai kras tumen tchilatcho koowa! Te das tuke jek ap i tchatchi tcham, koleske rike ninna i serwi koi, te dell lo tut!

Johanni 18:22

Har job kowa penas, das jek kol biboldengro klistendar, kai koi pashel tardo his, o Jesuses an o mui un penas: “Har nai rakreh tu jaake o baro rashajeha?”

Johanni 19:3

Un wan glan leste un penan: “Sharedo wess tu, baro rai pral i biboldende!” Un jon dan les an o mui.

Bičepangre 23:2

Ko baro rashai Anania penas ap kolende, kai trul leste tardo hi, te denn le o Paules ap o mui.

2. Korintarja 11:20

Te hadell pes jek pral tumende, krenn tumer, hoi job penell. Te kamell job tumare lowe te lell, un kamell tumen ap peste te pandell, un ninna job te dukrell tumen, un dell tumen an o mui, mukenn tumer kowa tumentsa te krell.

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.

5. Mose 33:27

Hako tsiro his lo koi. Pash leste nai khatreh tut. Hako tsiro rikrell lo peskre mussja pral tute. Job tradas kolen glan tute win, kai kuran pen tuha, un penas tuke: Mare len!

Čačepangre 17:7

An ko tsiro djiwas i terno mursh i menshendar Juda an o foro Betlehem an o them Juda. Un kowa his i Levitari.