Micha 4:8 - O Debleskro Drom 2021 (Sinte)

⁸ Un tu Jerusalem hal har i turmo, kolestar me garda dau ap mire menshende. Tu weh pale ko sorelo railo foro, hoi hals. An tute djiwell o baro rai.

O Debleskro Lab 2024 (Sinte-Manouche)

⁸ Oun tou Yerusalem hal har i turmo, kolestar me garda dau ap mire menshende. Tou veh pale ko zorelo raylo foro, hoy hals. An toute djivell o baro ray.

Micha 4:8 Iomraidhean Croise

1. Mose 35:21

Un o Israel djas dureder un tchiwas peskro plachteno kheer pre wergel koi platsa Migdal-Eder.

2. Samuel 5:7

O David las ko sorelo kheer Zion peske dren. Kowa hi kanna o Davideskro foro.

Nehemia 3:25

o Palal, koleskro dad o Usai his. Job budras ap ko kotar an i massuri, hoi hi wergel i bangi ekka un ko pralstuno turmo o baro rajeskro kherestar. Ko turmo hi pash i lurdengri platsa. o Pedaja, koleskro dad o Parosh his, kras i massuri dureder

Debleskri gili 24:7

Krenn i bare wudja buchles pre! Awa, krenn kol phure wudja bares pre, te nai djal o baro rai dren, kones o tselo railepen hi.

Debleskri gili 48:3

Shukar hi o foro ap i berga Zion. I bacht hi i tseli phubjake. An kau foro hi o Dewel o baro rai.

Debleskri gili 61:3

Dur kotar, kai khere hom, dau me ap tute gole, miro dji tapras i daar. Le tu man un an man pre ap i baro sorelo bar.

Kamlepaskri gili 4:4

Har o Davideskro turmo, barra ap barra pre-tchiddo, un serja shilte an-pandlo, jaake shukar hi tiri meen kol werkjentsa, hoi hi trujel pandlo jek pral o wawar.

Jesaja 1:26

Me dau tut pale tchatchepangre murshen un rakepangren, kai o tchatchepen win krenn, jaake har an i phure tsirja his. Un palle kharenn le tut ‘tchatchepaskro foro’ un ‘foro kolendar, kai ap o Debleste patsenna.’

Jesaja 10:32

I lurde dran o them Assur atchenn an o foro Nob. Lengro baro rai hadell peskro wast, te dell lo trad o fores Jerusalem ap i berga Zion.

Jesaja 5:2

Un job rissras koi phub, un las i tsele barra krik, un tchiwas wi-rodede, latche drakengre ruka an koi phub. Un job tchiwas i turmo pre tardo mashkral dren. Un hadas i gruba win, kai wenn i drake win stakedo, te well o mool win. Un palle dikas lo ap ko tsiro, kai wenn i drake bares, – latche drake, patsas lo. Har ko tsiro was, wan diwje shutle drake baro.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Daniel 7:18

Un pal lende lenn i wi-rodede menshe o pralstuno Deblestar i rajeskri soor pral i tsele menshende un lengre themma. Un koi soor atchell lenge hako tsireske, un well lendar gar krik lino.”

Obadja 1:21

Un kolla ap i berga Zion, kai win lino wan dran o pandepen, len hi penepaske pral i Edomarja ap pengre berge. Un o baro Dewel hi o baro rai.

Micha 2:12

Tumer, Jakobeskre tchawe, me anau tumen khetne, – halauteren, kai atchan pral fun o tselo Israel. Anau tumen khetne, har anell i bakrengro peskre bakren an lengro kheer. Jaake har anell lo peskre bud bakren kote, kai le khere hi, jaake anau tumen an tumaro them. Un o them well pherdo tumendar.

Zakarie 9:10

O baro Dewel penell: Me lau i kurepangre wurdja krik dran o them Israel, un i kurepangre graja dran Jerusalem. Un i kurepangre boge wenn phagedo. Tumaro baro rai lell o tchingepen krik mank i natsjone. Job hi o rai fun jek baro panjestar bis ap o wawar, fun o panjestar Eufrat bis an i dureder themma ap i tseli phub.

Zakarie 9:12

Tumer pandle, awenn pale khere an ko sorelo foro, tumer, kai djinenn: Mer atchah gar hako tsireske pandle. Kau diwes penau tumenge: Me dau tumende dui kope jaake bud latchepen har kol duka, hoi hunte lan ap tumende.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

4. Mose 24:19

Dran o Jakob well kowa, koles penepaske hi, un marell ninna kolen, kai pral atchan an lengre forja.

Mateo 21:33

Un o Jesus penas lenge laba, kai i khatedo tchatchepen dren hi: “Shunenn, hoi me tumenge kanna penau. His i rai. Koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas o rai ko kotar them ap i hachende, te budrenn le kote leske. Un job djas peske an i wawar them.

Markus 12:1

Un o Jesus penas lenge laba, kai i khatedo tchatchepen dren hi. Un job penas: His i mursh, koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas lo ko kotar phub ap i hachende, te budrenn le kote leske. Un job djas peske an i wawar them.

Efesarja 1:21

un das halauter an leskre wasta, te well lo o rai pral i tsele rajende un pralstunende, sorele un bare. Kekeskro lab hi bareder har leskro lab an kau tsiro, un ninna an ko tsiro, hoi wella.

Debleskro tsiro 22:5

An ko foro well buder gar rati. Len hunte well kek momeli, witar gar o kham, te dikenn le. O baro Dewel hi lengri momeli. Un jon hi bare raja hako tsireske.