Micha 4:6 - O Debleskro Drom 2021 (Sinte)

⁶ O baro Dewel penell: O tsiro well, kai anau mire menshen pale khetne, jaake har anell i bakrengro peskre bakren pale khere, hoi dukedo hi un krik tradedo wan. Me dom len pengri phagi.

O Debleskro Lab 2024 (Sinte-Manouche)

⁶ O baro Devel penell: O tsiro vell, kay anau mire menshen pale khetne, yaake har anell i bakrengro peskre bakren pale khere, hoy doukedo hi oun krik tradedo van. Me dom len pengri phagi.

Micha 4:6 Iomraidhean Croise

Debleskri gili 147:2

O baro Dewel tchiwella Jerusalem pale pre, un lauteren, kai krik tradedo wan, anell job pale khetne.

Debleskri gili 38:17

Un me penom tuke: “Ma muk len te sal pral mande!” Me te peroms, sharans jon pen pral mande.

Jesaja 56:8

O baro Dewel, maro rai, kowa kai anas i krik-tradede Israelitarjen pale an lengro them, penell: Me anau gomme budeder khetne pash kolende, kai khetne anlo wan.

Jeremia 3:18

Ap ko diwes djan kol menshe dran o kheer Juda pash kol menshende dran o kheer Israel: Un jon djan khetne khere dran o norden an ko them, hoi dom me tumare phurende, te atchell kowa lengro.

Jeremia 31:8

Awa, me, o baro Dewel, anau len dran o them, hoi kote tchiddo hi, kai norden hi. Un anau len khetne dran i tsele themma ap i phub, ninna kolen, kai korelo, bango un an wawar koowa hi, ninna i terne daja. Kolla lauter hi bud bud menshe, kai wenn pale kai.

Ezekiel 36:24

Me lau tumen win dran i tsele themma un wawar menshendar. Un lau tumen khetne un anau tumen an tumaro them.

Micha 2:12

Tumer, Jakobeskre tchawe, me anau tumen khetne, – halauteren, kai atchan pral fun o tselo Israel. Anau tumen khetne, har anell i bakrengro peskre bakren an lengro kheer. Jaake har anell lo peskre bud bakren kote, kai le khere hi, jaake anau tumen an tumaro them. Un o them well pherdo tumendar.

Zefanja 3:19

O tsiro wella, kai dau i phagi halauterenge, kai tumen tele rikran, un wau kolenge tumendar ap i rig, kai dukedo hi. Un anau kolen khere, kai win tradedo wan. Un krau, te wenn le sharedo un hadedo an i tsele themma, kai i menshe rikrenn kanna tchi lendar.

Louka 19:10

O Mensheskro Tchawo was, te rodell lo kolen, kai nashedo hi, un te anell lo kolen ap o Debleskro drom, kai ap o tchilatcho drom hi.”

Johanni 10:16

Man hi ninna wawar bakre. Kolla hi kate gar khere. Kolen anap halauter kate. Jon shunenn ap miro rakepen, un me anau len khetne i wawarentsa. Un len hi jek bakrengro.