Micha 4:12 - O Debleskro Drom 2021 (Sinte)

¹² Jon djinenn gar, hoi o baro Debles lentsa glan hi. Jon haiwenn gar, te anas lo len kate khetne, har djob, hoi win dino well.

O Debleskro Lab 2024 (Sinte-Manouche)

¹² Yon djinenn gar, hoy o baro Debles lentsa glan hi. Yon hayvenn gar, te anas lo len kate khetne, har djob, hoy vin dino vell.

Micha 4:12 Iomraidhean Croise

Debleskri gili 147:19

O Jakobeskre menshen mukell lo peskro lab te shunell; un ap i Israelitarja penell lo, hoi lo lendar kamell, un dell len peskre tchatchepaskre laba.

Debleskri gili 147:20

Kowa kras lo kek wawar menshenge. Leskre tchatchepaskre laba prindjrenn jon gar. Sharedo well o baro Dewel!

Jesaja 10:7

O baro rajes pral o them Assur his kowa gar doha. Un job las pes gomme budeder glan, un kamas i menshen an bud themma temerl dell, jaake bud har djala.

Jesaja 21:10

Mire menshe an Juda, tumer wan dino har djob ap i djobeskri platsa win dino well. Me penom tumenge, hoi shunom o baro Deblestar, ko rajestar pral o bolepen un i phub, kai ninna o Israeleskro Dewel hi.

Jesaja 29:7

Un kol tsele natsjone, kai pengre bud lurdentsa ap o foro Arijel djan, un o foro dren pandan, un leske daar kran, kolla hi jaake sik krik, har djal i suni krik, un kowa, hoi jek an i suni dikas.

Jesaja 55:8

O baro Dewel penell: Kowa, hoi mange an o shero djal, hi gar kowa, hoi tumenge an tumare sherja djal. Un tumare dromma hi gar mire dromma.

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.

Jeremia 51:20

Un job penell: Tu, foro Babilon, hals miro depaskro saster, miro kurepaskro tower; wawar natsjone dom tuha khetne, un wawar rajengre themma krom tuha paash.

Jeremia 51:33

Kawa penell o baro Dewel, ko rai pral o bolepen un i phub, kai o Israeleskro Dewel hi: O foro Babilon hi har i djobeskri platsa, hoi well i pirentsa soreles stakedo, te denn le nai kote o djob win. Sik well o tsiro o foreske, kai well lo khetne stakedo.

Joel 3:2

An ko tsiro tchorau miro ducho ninna win pral i budepangre, mursha har djuwja.

Louka 3:17

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi chatchella hako tsiro.”