Micha 4:11 - O Debleskro Drom 2021 (Sinte)

¹¹ Kanna shun Jerusalem, lurde dran bud themma krenn pen khetne, te djan le ap tute pre Jon penenn: Nashedo hi kau foro. Dikas, har lo tele djal!

O Debleskro Lab 2024 (Sinte-Manouche)

¹¹ Kanna shoun Yerusalem, lourde dran boud themma krenn pen khetne, te djan le ap toute pre Yon penenn: Nashedo hi kava foro. Dikas, har lo tele djal!

Micha 4:11 Iomraidhean Croise

Debleskri gili 129:5

Kolla, kai choirenn pen ap o foro Jerusalem, kamoms, te tserdenn le pen pale un hunte ladjenn pen!

Debleskri gili 83:5

“Awenn”, penenn le, “Stakras len khetne, kol Israelitarjen! Kal menshenge hi kek platsa ap kai phub. Ko lab Israel hunte well bistedo!”

Jesaja 10:7

O baro rajes pral o them Assur his kowa gar doha. Un job las pes gomme budeder glan, un kamas i menshen an bud themma temerl dell, jaake bud har djala.

Jesaja 17:12

Shunenn, bud bud lurde wenna dran bud themma, un lengri gole hi baro un diwjo har o baro pani. Sorele natsjone hadan pen un wenna har sorele diwje panja.

Jesaja 29:7

Un kol tsele natsjone, kai pengre bud lurdentsa ap o foro Arijel djan, un o foro dren pandan, un leske daar kran, kolla hi jaake sik krik, har djal i suni krik, un kowa, hoi jek an i suni dikas.

Jeremia 52:4

Har o Zedekja an o enjato bersh baro rai his, was o baro rai pral o them Babilonia, o Nebukadnezar, peskre tsele lurdentsa glan o foro Jerusalem. Kowa his ap o deshto diwes an o deshto tchon. Un job tchiwas peskre lurden trul o tselo foro, un mukas tchik pre te witsrell trul o foro, te krell lo i drom, hoi djal pral ap o foreskri massuri.

Ezekiel 26:3

Doleske penell o baro Dewel, maro rai: Kanna sikrau les tuke, tu foro Tirus! Dran bud themma anau me lurden kurepaske tuha. Jek them pal o wawar djal ap tute pre, jaake har dell o baro pani ap o themeskri rig.

Ezekiel 38:17

Kawa penell o baro Dewel, maro rai, ap tute: Tu hal ko mursh, kolestar mukom mire rakepangren glan i rah tsiro te rakrell, kolla, kai kran, hoi lenge penom. An lengro tsiro penan le i Israelenge glan-wi, te mukau tut pral lende te well.

Obadja 1:12

Tu, Edom, ma dik buder tele ap tiro phraleste, o Juda, an ko tsiro, kai leske djungeles djal! Ma sa buder pral leskre tchawende an ko tsiro, kai lenge ropaske hi! Ma rake jaake pre-phurdo an ko tsiro, kai jon darenna!

Micha 7:10

Kolla, kai rikrenn man tele un putchenn mandar ‘kai hi tiro baro Dewel’, jon hunte dikenn kowa, un hunte ladjenn. Un mire jaka dikenn, har le khetne stakedo wenna, har tchik ap i drom.

Zakarie 12:3

Ap ko tsiro krau, te well o foro Jerusalem har i pharo bar i menshenge an hake themma. Kolla, kai kamenn les krik te hadell, dukrenn pengre wasta. Lurde dran i tsele themma ap i phub wenna, te kurenn le pen o foreha.”