Micha 3:2 - O Debleskro Drom 2021 (Sinte)

^2-3 O latchepen kamenn tumer gar! O tchilatchepen, kowa kamenn te krell. Mire menshentsa djan tumer trujel, har te wans le marede vieche, kolenge i hauta tele tserdedo well, un o mass tele tchinlo fun lengre kokale, un i kokale phagedo, un palle o mass an i piri tchinlo un keredo. Jaake chan tumer mire menshen.

O Debleskro Lab 2024 (Sinte-Manouche)

^2-3 O lačepen kamenn t'mer gar! O čilačepen, kova kamenn te krell. Mire menshentsa djan t'mer trouyel, har te vans le marede firhe, kolenge i hauta tele tserdedo vell, oun o mass tele činlo foun lengre kokale, oun i kokale phagedo, oun palle o mass an i piri činlo oun keredo. Yaake rhan t'mer mire menshen.

Micha 3:2 Iomraidhean Croise

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

2. Familjakro liil 19:2

Un kote was leske o dikepaskro, o Jehu an o drom. Koleskro dad his o Hanani. Un o Jehu penas ap o baro rajeste Josafat: “Hoske wal tu o tchilatcho mursheske ap i rig, un wal i maal kolestar, kai kamas o baro Deblestar tchi te djinell? Doleske well i choli o baro Deblestar pral tute.

Debleskri gili 15:4

Kowa, kai hadell gar kolen, kai kowa krenna, hoi o baro Dewel gar kamella, Na-a, job hadell kolen, kai o baro Debleha djiwenna. Job krell, ap hoi job pes sowel das, ninna te well kowa leske phares.

Debleskri gili 53:4

Halauter rissran pen lestar krik, un djiwenn i djungelo djipen, jek har ko wawar. Kek hi koi, kai krell o latchepen, awa kek!

Gosewe laba 28:4

Kolla, kai mukan o Debleskro drom, sharenn i tchilatchen. Kolla, kai djan ap o Debleskro drom, kurenn pen lentsa.

Jesaja 3:15

Hoske stakran tumer mire menshen tel tumare herja? Un hoske dan o tchorweles an o mui? Me, o baro Dewel, ko rai pral o bolepen un i phub, putchau kowa tumendar.

Jesaja 5:20

Djungelo djal kolenge, kai penenn ap o tchilatchepen ‘kowa hi latcho’, un ap o latchepen ‘kowa hi tchilatcho’. I rati kharenn le ‘diwes’, un o diwes kharenn le ‘rati’. Shutlo koowa hi lenge gudlo, un gudlo koowa hi lenge shutlo.

Jesaja 57:12

Kanna sikrau me, hoi kowa moldo hi, hoi tu ‘tchatcho koowa’ khareh. Ko tselo koowa, hoi tu kral, hi tuke gar mishto.

Ezekiel 11:7

Doleske penau me, o baro Dewel, tumaro rai: Kolen, kai tumer an o foro mulo dan, kolla hi o mass, un o foro hi i piri. Tumen witsrenn le dran leste win.

Ezekiel 22:27

Tire pralstune hi har diwje djukle, kai marenn, un hi boklo pal rat. Jon marenn menshen, te lenn le lengro koowa penge.

Ezekiel 24:4

Le o mass o feteder bakrestar! Un tchip i latche kotja an kai piri, i phika un i herja, un latche kokale, te well i piri pherdo! Le kasht un tchip les tel i piri! Kre, te kerell o mass mishto! Muk ninna i kokale latches win te kerell!

Ezekiel 34:3

O thulepen kol bakrendar chan tumer, lengre ballendar krenn tumaro an-ripen. Un i thulle bakre marenn tumer. Ap i bakre denn tumer gar jak.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

Micha 2:8

Tumer hadenn pen pral mire menshende! Te djal jek kek darjah ap o drom, tserdenn tumer leske i baja un o gad tele, har lurde, kai wenn dran o kurepen.

Micha 7:2

Kek, kai o Debleskro drom djal, hi buder an kau them. Kek dell mank i menshende, kai an o tchatchepen tardo hi. Jek rodell, har te marell lo o wawares. Un hakeno lell o wawares palla, te taprell lo les.

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

Louka 19:14

I menshe an peskro them his chojedo ap leste un bitchran murshen leske palla, te penenn le leske: Mer kamah gar, te wess tu baro rai pral mende!

Johanni 18:40

Jon dan pale gole: “Gar koles! Mer kamah, te mukess o Barabes dran o stilepen win!” Kowa his i marepaskro.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

Remarja 1:32

Jon djinenna, o Dewel dell kolen i phagi, kai jaake djiwenna. Un koi phagi hi o merepen. Ninna te djinenn le kowa, krenn le ko tchilatcho koowa, un sharenn kolen, kai kowa ninna krenna.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

2. Timoteo 3:3

Len hi kek dji i wawarenge. Jon wenn gar pale latches pal o tchingepen. Jon rakrenn chochepen pral o wawareste. Jon hi bipandlo un dukrenn i wawaren. Jon kamenn kek latchepen.