Micha 3:1 - O Debleskro Drom 2021 (Sinte)

¹ Un o Micha penas: Tumer pralstune an o kheer Jakob, tumer raja an o kheer Israel! Shunenn, hoi tumenge penau! Tumer hunte wans kolla, kai djinenn, hoi o tchatchepen hi.

O Debleskro Lab 2024 (Sinte-Manouche)

¹ Oun o Mika penas: T'mer pralstoune an o kheer Yakob, t'mer raya an o kheer Israel! Shounenn, hoy t'menge penau! T'mer hounte vans kolla, kay djinenn, hoy o čačepen hi.

Micha 3:1 Iomraidhean Croise

Nehemia 13:17

Kote tchingrom ap i pralstunende an Juda un putchom lendar, hoi kowa te well. “Tumer lenn o Debleske leskro diwes krik”, penom me. “Ko diwes, kai leske kokres hi.

Debleskri gili 14:4

“Djinenn kol tchilatche gar, hoi jon krenna”, penell o baro Dewel, – “kolla, kai chan mire menshen har i kotar maro? Un ap mande denn le gar gole.”

Jesaja 1:10

Tumer raja dran Sodom, shunenn o lab o baro Deblestar! Tumer menshe dran Gomorra, shunenn, hoi kamell maro Dewel tumenge te penell!

Jesaja 10:2

An i tchorwelengro koowa rakrenn le kek tchatchepen win. Un kolenge, kai gar an-dikle hi mank mire menshende, lenn le kowa krik, hoi lenge pal o tchatchepen hi. Jon lenn kowa krik, hoi i djuwjen hi, kolengre romma meran, un tchorenn i tchawen win, kolen kek dad buder hi.

Ezekiel 22:6

I pralstune pral Israel, kai djiwenn an tumaro foro, krenn har te wals len jaake bud penepaske, te nai marenn le menshen.

Ezekiel 34:2

Tu, mensho, pen i pralstunenge pral Israel glan-wi, hoi pral lende wella! Pen lenge: Kawa penell o baro Dewel, maro rai: Djungeles djal tumenge! Tumer han i bakrengre mire menshenge, un hunte anans i Israelitarjen har bakre kote, kai hatsenn le latcho senlepen. Kowa krenn tumer gar. Tumer dikenn kokres ap tumende, te djal tumenge mishto.

Ezekiel 34:3

O thulepen kol bakrendar chan tumer, lengre ballendar krenn tumaro an-ripen. Un i thulle bakre marenn tumer. Ap i bakre denn tumer gar jak.

Ezekiel 9:9

Un job penas ap mande: I doosh, hoi i menshe dran o kheer Israel un dran o kheer Juda ap pende anan, hi jaake bud. Bud marepen hi an o them. Un an o foro rikrenn i sorele i wawaren sorjah tele. Un jon penenn: “O baro Dewel djas peske dran kau them. Job dikell men gar!”

Hosea 5:1

Tumer rashaja, shunenn kowa! Un denn garda, tumer dran o kheer Israel! Ninna tumer dran o baro rajeskro kheer, shunenn kal laba! Tumer hunte dans jak, te well o tchatchepen kerdo. Un tumer anan i menshen jaake dur, te mangenn le chochene deblen an. Lenge wan tumer har pandle dorja, hoi jek win tchiwas an o foro Mizpa, un har i netsa, koleha jek tchirklen taprell ap i berga Tabor.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Amos 6:1

Djungeles djal kolenge, kai djiwenn i shukar djipen ap i berga Zion! Djungeles djal kolenge, kai djiwenn an o foro Samaria, un krenn pen kek shero! Djungeles djal tumenge, kai han i raja pral Israel – koi an-dikli natsjona, pash kolende i Israelitarja wenna!

Micha 2:13

Lengro pralstuno krell lenge o drom pre un djal glan lende. Jaake phagenn le o foreskre wudja pre un djan win. Un lengro baro rai djal glan lende. Kowa hi o baro Dewel, kai hi lengro pralstuno.

1. Korintarja 6:5

Kowa, hoi tumer kran, hi i bari ladj. Hi kek gosewo mursh mank tumende, koon nai penella, kones tchatcho hi?

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.