Micha 2:2 - O Debleskro Drom 2021 (Sinte)

² Kamenn le jekeskro kotar phub, randenn le les, un lenn penge khera wawar menshendar, har jon kamenna. Tchilatchi sorjah djan le ap jekeste, un lenn penge leskro kheer un kowa, hoi les peskro dadestar was.

O Debleskro Lab 2024 (Sinte-Manouche)

² Kamenn le yekeskro kotar phoub, randenn le les, oun lenn penge khera vavar menshendar, har yon kamenna. Čilači zoryah djan le ap yekeste, oun lenn penge leskro kheer oun kova, hoy les peskro dadestar vas.

Micha 2:2 Iomraidhean Croise

1. Rajengro liil 21:1

Pal i tsiro djas kowa: O baro rajes Ahab dran Samaria his i kheer an o foro Jesreel. Koi pashel his i drakengro them. Kowa his i murshes dran Jesreel. Job kharas Nabot.

2. Rajengro liil 9:26

O baro Dewel penas leske: ‘Me dikom har taissar o Nabot un leskre tchawe mulo dino wan. Kate ap leskro kotar them dau tut pale, hoi tu leske kral.’ Doleske penau tuke: Le les un witse les koi! Jaake well kowa, har o baro Dewel penas.”

Hiob 31:38

Te das miri hachetikri phub gole pral mande, un leskri tchik hunte rowas,

2. Mose 20:17

Ma rode, har nai less tu kowa tuke, hoi i wawares hi: leskro kheer, leskri romni, budepaskro, budepaskretsa, grumni, burika, tchi, hoi i wawares hi.

Jesaja 3:14

Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jesaja 5:8

Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

Jeremia 22:17

Jojakim, tire jaka un tiro dji dikenn ap tchi wawares, har te wess brawleder tiro chochepah. Tu mareh kolen, kai kek tchilatchepen kran, un rikreh i menshen sorjah un dawentsa tele.

Ezekiel 18:12

un rikrell i tchorwelen sorjah tele, ninna kolen, kolen gar doha djipaske hi, un lell sorjah peske, hoi gar leskro hi. Te patsas lo lowe win, dell lo kowa gar pale, hoi das les ko tchorwelo ko tsireske, kai les sijaan pash leste hi. Un job mangell i chochene deblen an, un krell, hoi glan o Debleske jaka djungeles hi.

Ezekiel 22:12

Hi sawe mank tumende, kai mukan pen te plaissrell, te marenn le jekes. Kolen, kai sijaan pash tumende hi, kolendar lenn tumer budeder lowe pale, har patsan lenge. Tumer krenn tumen braweles ap i wawarende, kolen tumer chochenn un ap lende sorjah djan. Un man, o baro Debles, tumaro rajes, bistran tumer.

Ezekiel 22:13

Me dau mire wasta khetne kol lowenge, hoi tumer chochepah khetne anan, un ko rateske kolendar, kai pash tumende maredo wan.

Ezekiel 33:26

Tumare charentsa lenn tumenge, hoi kamenn, un krenn, hoi djungelo hi glan mire jaka, un ko jek sowell i romjah o wawarestar. Patsenn tchatchepah, ko them hi tumaro?

Ezekiel 45:9

Kawa penell o baro Dewel, maro rai: Kanna hi doha! Tumer raja pral o Israel, herenn pre, te rikrenn i menshen i sorjah tele! Dukrenn len buder gar! Krenn, hoi mishto un tchatcho hi! Mukenn tele, te tradenn mire menshen dran pengre khera win! Kawa penell o baro Dewel, maro rai.

Ezekiel 46:18

Un o rai lell gar ko themestar, hoi i Israelenge dino was, te atchell kowa lenge. Jon hunte wenn gar win tradedo dran koleste, hoi lenge hi. Fun peskro, hoi leskro hi, dell o rai peskre tchawen, te well kowa lenge. Kek mire menshendar hunte well win tradedo dran kowa, hoi lenge hi.

Ezekiel 8:17

Un job penas ap mande: Tu mensho, dikal tu kawa? Hi i menshenge dran o kheer Juda gar doha, te krenn le ko tselo djungelo koowa kate? O tselo them kran le pherdo tchilatchepen. Hunte choirenn le man pale te pale? Dik, har rikrenn le penge senele patria glan pengre naka!

Amos 2:7

Jon stakrenn i tchorwelen an i tchik, un i tiknen dran o drom. Doleske lenn le pengri phagi, un khaitenn man gar. I mursh un peskro dad djan dren pash i emligi djuwjate. Jaake anenn le ladj ap mande.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Amos 8:4

Shunenn kowa, tumer parepangre, kai rikrenn i tchorwelen tele, te atchell len buder tchi djipaske!

Micha 3:9

Jaake shunenn kowa, tumer pralstune an o kheer Jakob, un tumer raja an o kheer Israel! Tumer, kai stakrenn tumare pirentsa ap o tchatchepen trujel, un penenn fun kowa, hoi tchatcho hi: Kowa hi chochepen.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

1. Timoteo 6:10

Koon pal i lowe hi, perell an hako tchilatchepen. His menshe koi, kai kaman i lowe jaake bud, kai peran le o Debleskro dromestar tele, un dukran pen kokres.