Micha 2:12 - O Debleskro Drom 2021 (Sinte)

¹² Tumer, Jakobeskre tchawe, me anau tumen khetne, – halauteren, kai atchan pral fun o tselo Israel. Anau tumen khetne, har anell i bakrengro peskre bakren an lengro kheer. Jaake har anell lo peskre bud bakren kote, kai le khere hi, jaake anau tumen an tumaro them. Un o them well pherdo tumendar.

O Debleskro Lab 2024 (Sinte-Manouche)

¹² T'mer, Yakobeskre čave, me anau t'men khetne, – halauteren, kay ačan pral foun o tselo Israel. Anau t'men khetne, har anell i bakrengro peskre bakren an lengro kheer. Yaake har anell lo peskre boud bakren kote, kay le khere hi, yaake anau t'men an t'maro them. Oun o them vell pherdo t'mendar.

Micha 2:12 Iomraidhean Croise

1. Mose 36:33

Har o Bela meras, was o Jobab dran o foro Bozra o baro rai. Leskro dad his o Serach.

1. Familjakro liil 1:44

Har o Bela meras, was pal leste o Jobab o rai, koleskro dad o Serach his, dran Bozra.

Jesaja 11:11

Un ap ko diwes hadell o Dewel peskro wast i duito kopo, te ginell lo kolen win, kai peskre menshendar pral atchan an i themma Assur un Egiptia, Patros, Kush, Elam, Shinar, Hamat, un an kol panjeskre themma.

Jesaja 27:12

I tsiro wella, kai lell o baro Dewel peskre menshen khetne dran o tselo them mank o pani Eufrat un o them Egiptia. Job rodell len win har jek o tikno djob win rodell dran o phuss, jek pal o wawar.

Jesaja 34:6

O charo o baro Deblestar hi pherdo rat un thulepen, jaake har i tchuri pherdo rat un bukengro thulepen hi ap ko diwes, kai wenn terne bakre, busja un mursh bakre maredo o Debleske. Kanna rikrell o baro Dewel i marepaskro diwes an o foro Bozra, un marell bud bud menshen an o them Edom.

Jesaja 5:17

Mank i barra ko paash-dino forestar nashenn i bakre trujel un rodenn o chapen. Un i busja chan mank i khera, hoi kol brawele pale hunte mukan.

Jeremia 23:3

Un me lau khetne kolen, kai djido atchan mire menshendar dran i tsele themma, kai tradom len. Me anau len pale khere. Kote djal lenge mishto, un jon wenn pale bud menshe.

Jeremia 3:18

Ap ko diwes djan kol menshe dran o kheer Juda pash kol menshende dran o kheer Israel: Un jon djan khetne khere dran o norden an ko them, hoi dom me tumare phurende, te atchell kowa lengro.

Ezekiel 34:11

Kawa penell o baro Dewel, maro rai: Me hom kai, un me dikau kanna pal mire bakren un rodau len.

Ezekiel 34:13

Un me anau len win dran wawar themma un wawar menshendar. Un anau len pale khetne an lengro them. Un me hom lenge koi ap i berge an o them Israel, un pash i panja, un ap hake platse, kai i menshe djiwenn an o them.

Ezekiel 34:22

Kanna wau lenge ap i rig, te wenn le buder gar chalo. Un me krau o tchatchepen win mashkral ko jek bakro un ko wawar bakro.

Ezekiel 34:31

Awa, tumer mire menshe, han mire bakre, ap kolende jak dau. Un me hom tumaro Dewel. Kawa penell o baro Dewel, maro rai.

Ezekiel 36:37

Kawa penell o baro Dewel, maro rai: Ninna kowa krau i menshenge dran o kheer Israel: Te mangenn le mandar, mukau lendar jaake bud te well, har hi len bakre.

Ezekiel 37:21

Un pen ap lende: Kawa penell o baro Dewel, maro rai: Denn jak, me lau i Israelitarjen dran kol tsele themma win, an kolende jon hunte djan, un lau len khetne haki rigjatar, un anau len pale an lengro them.

Amos 1:12

Me bitchrau i jag an o foro Teman, un chatchrau i sorele khera tele an o foro Bozra.

Micha 2:13

Lengro pralstuno krell lenge o drom pre un djal glan lende. Jaake phagenn le o foreskre wudja pre un djan win. Un lengro baro rai djal glan lende. Kowa hi o baro Dewel, kai hi lengro pralstuno.

Micha 4:8

Un tu Jerusalem hal har i turmo, kolestar me garda dau ap mire menshende. Tu weh pale ko sorelo railo foro, hoi hals. An tute djiwell o baro rai.

Micha 5:7

Kolla, kai atchan pral o Jakobeskre menshendar, hi i menshenge an i wawar themma har i lewo mank i wawar viechende an o weesh, har i terno lewo mank i bakre. Job perell pral lende, marell len un dandrell len khetne. Un kek nai rikrell les pale.

Micha 5:8

Israel, hade tiro wast pral halauterende, kai kurenn pen tuha, te atchell kek lendar djido!

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

Zefanja 3:20

An ko tsiro anau tumen khere. un anau tumen khetne. An ko tsiro dikenn tumer: Me krau, te well tumenge pale lauter mishto. Me krau tumen bares un an-dikles an i tsele themma ap kai phub. Kowa penell o baro Dewel.