Micha 2:1 - O Debleskro Drom 2021 (Sinte)

¹ Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.

O Debleskro Lab 2024 (Sinte-Manouche)

¹ Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Micha 2:1 Iomraidhean Croise

1. Mose 31:29

Kowa hi an miro wast, te krap tuke tchilatchepen. Krau kowa gar. O Dewel tumaro dadestar rakras mantsa taissar rati un penas ap mande: ‘Kre o Jakobes kek tchilatchepen un de jak ap tire laba, hoi rakreh o Jakobeha!’

1. Rajengro liil 21:7

Kote penas leskri romni, i Isebel, ap leste: “Bistral, te hal gar o rai pral Israel? Ste pre, cha tchomone! Biste tiri choli! Me lau kau koowa an o wast, te well tut ko kotar phub, hoi hi o Nabotes dran Jesreel.”

Ester 3:8

Koi pal penas o Haman ap o baro rajeste Ahasveros: “Kate denna menshe, kai djiwenn penge kokres mank i tsele wawar menshende kate te kote an tire tsele themma. Un len hi i wawar tchatchepen har i tsele wawar menshen. Un ap kowa, hoi tu, baro rai, peneh, te well kerdo, shunenn le gar. Kowa hi gar mishto tuke, te mukess len jaake dureder te krell.

Ester 5:14

Kote penas leskri romni Seresh un leskre tsele mala ap leste: “Muk i kasht pre te tchiwell, hoi hi i paash-sheel (50) mussja bares! Un taissarlakro pen ap o baro rajeste, te mukell lo o Mordekajes ap ko kasht pre te bladell. Un palle dja leha bachteles pash o chapen.” Un kol laba his o Hamaneske latches, un job mukas sawo kasht pre te tchiwell.

Ester 9:25

An ko liil his ninna tardo, har i Ester pash o baro rajeste djas un har kowa an i liil penas, te well o Hamaneha ko tchilatcho koowa kerdo, hoi job kamas i biboldentsa te krell. Un jaake was o Haman un peskre tchawe ap i bare kashta pre bladedo.

Hiob 15:35

An lengre sherja hi midjak koowa. Pral pende un i wawarende anenn le bibacht. Un lengre djia hi pherdo phukepen.

Hiob 24:14

Glan te djal o kham pre, stell o marepaskro pre un marell o tchorweles, koles tchi hi. Un rati djal o marepaskro trujel, te tchorell lo.

Debleskri gili 36:4

Tchi har midjak un chochene laba wenn dran leskro mui win. Latcho koowa haiwell lo buder gar te krell.

Debleskri gili 36:5

Te hi lo ap peskro tchiben tchiddo, djal o tchilatchepen an leskro shero trujel. Un job rikrell soreles ap i drom, hoi gar mishto hi, un rikrell pes gar pale, te krell lo o tchilatchepen.

Debleskri gili 58:3

Na-a, kowa krenn tumer gar. Tumer kamenn o tchilatchepen te krell. Tumare wastentsa krenn djungelo koowa.

Gosewe laba 12:2

Ap i latcho mensheste dikell o baro Dewel latches. Pral koleste, koles o tchilatchepen glan hi, rakrell lo i phagi win.

Gosewe laba 14:22

Kolen, kai tchilatchepen an o shero hi, kolla djan nashedo. Kolla, kai kamenn o latchepen te krell, kolenge hi i wawar menshe latches un rikrenn ap lende.

Gosewe laba 3:27

Te hi tut latcho koowa, de ninna koleste, koles tchi hi.

Gosewe laba 4:16

Kol menshe nai sowenn gar jaake rah bis te kran le tchomone tchilatcho. Lenge well o sopen randedo, te anan le gar jekes an i bibacht.

Jesaja 29:20

Sorele raja, kai i wawaren tele rikran, nashrenn pengri soor. Un i pre-phurde hi buder gar koi. Un maredo wenn halauter, kai kaman i bibacht pral i wawarende te anell,

Jesaja 3:14

Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jesaja 32:7

O chocheno djal chochene dromma. Tchilatcho koowa lell lo peske glan, un leskro chochepah anell lo doosh ap i tchorwelende, ninna te hi kolla an o tchatchepen.

Jesaja 5:8

Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

Jesaja 59:3

I wawarengro rat kras tumare wasta ratlo, un koi doosh, hoi ap tumende lan, kras tumare gushte tchiklo. Tumaro mui rakrell chochepen, un tumari tchip tchilatchepen.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Ezekiel 11:2

Un o baro Dewel penas ap mande: Tu, mensho, kalla hi kol mursha, kolen tchilatchepen glan hi. Te putchenn i menshe an o foro lendar: “Hoi hunte kras mer?” Palle penenn le lenge sawo koowa, hoi anell len an i bibacht.

Ezekiel 33:26

Tumare charentsa lenn tumenge, hoi kamenn, un krenn, hoi djungelo hi glan mire jaka, un ko jek sowell i romjah o wawarestar. Patsenn tchatchepah, ko them hi tumaro?

Ezekiel 38:10

Kawa penell o baro Dewel, maro rai: An ko tsiro well tchomone pre an tiro dji, un tu leh tuke tchilatcho koowa glan.

Ezekiel 46:18

Un o rai lell gar ko themestar, hoi i Israelenge dino was, te atchell kowa lenge. Jon hunte wenn gar win tradedo dran koleste, hoi lenge hi. Fun peskro, hoi leskro hi, dell o rai peskre tchawen, te well kowa lenge. Kek mire menshendar hunte well win tradedo dran kowa, hoi lenge hi.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.

Nahum 1:11

Dran tute, Ninive, was ko mursh, kai hadas pes pral o baro Debleste, un koles tchilatchepen an o shero his.

Zakarie 7:10

Ma krenn tchilatchepen kol romjenge, kolengro rom meras, un kol tchawenge, kolen kek dad buder hi, witar gar kolenge, kai wi-themarja hi un kol tchorwelenge! Ma lenn tumenge glan an tumare djia, te dukrenn tumaro phrales!”

Markus 15:1

Sik taissarlake wan i bare rashaja un i biboldengre phureder un tchatchepangre khetne i tsele pralstune biboldentsa. Un jon rakran khetne, hoi te krenn le o Jesuseha. Un jon pandan les, anan les pash o Pilateste un dan les an leskre wasta.

Louka 20:19

Un i biboldengre tchatchepangre un i bare rashaja haiwan, kai rakras o Jesus lendar. Un jon kaman te taprenn le les sik pal leskro rakepen, te tchiwenn le les an o stilepen. Jon trashan i menshendar. Doleske tapran le les gar.

Johanni 19:11

Penas o Jesus: “Tut wals kek soor pral mande, te dals tut o Dewel koja gar. Doleske hi koles, kai das man an tire wasta, bareder doosh har tut.”

Bičepangre 23:12

Taissarlake wan budeder har star-deesh bibolde khetne, un dan pen sowel, te chan le un te pijenn le tchi jaake rah, bis te jon o Paules maran.

Bičepangre 23:15

Bitchrenn jekes pash ko pralstuno lurdeste, un penenn leske an o lab kol tsele pralstune biboldendar, te anell lo o Paules pale kate pash tumende. Penenn ap o pralstuno lurdeste, te kamenn tumer budeder pral o Pauleste win te hatsell. Un ap o drom kate marah les.”

Remarja 1:30

un rakrenn chochepen pral lende. Jon praassenn o Debles un i menshen, un hadenn pen pre un hi sharedo. Jon rodenn, har te krenn le o tchilatchepen. Jon shunenn gar ap pengro dadeste un ap pengri date.

5. Mose 28:32

Tire mursh tchawe un tire tcha wenn i menshenge an i wawar them dino, te budrenn le lenge. Un tire jaka dikenn kowa, un tiro dji nashell pal lende un phagella. Un an tire wasta atchell buder kek soor.