Micha 1:3 - O Debleskro Drom 2021 (Sinte)

³ Dikenn, o baro Dewel djal win dran peskro kheer, un well tele un djal pral i berge ap kai phub.

O Debleskro Lab 2024 (Sinte-Manouche)

³ Dikenn, o baro Devel djal vin dran peskro kheer, oun vell tele oun djal pral i berge ap kay phoub.

Micha 1:3 Iomraidhean Croise

Hiob 40:12

Awa, dik ap kol pre-phurde, un kre len tiknes! Un stake i tchilatchen ap jek kopo khetne!

Debleskri gili 115:3

Maro Dewel hi an o bolepen, un job nai krell lauter, hoi lo kamella.

Jesaja 25:10

O baro Dewel rikrell peskro wast pral kai berga. I menshen an o them Moab stakrell lo tel peskre herja khetne, jaake har phuss khetne stakedo well, hoi an i tchik tchiddo hi.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Ezekiel 3:12

Un i ducho hadas man pre. Un pal mande shunom me i bari soreli gole, hoi penas: Sharenn o railepen o baro Deblestar kote, kai lo khere hi!

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

Amos 9:5

O baro Dewel, ko rai pral o bolepen un i phub hi kowa, kai taprell i phub, te trissell li, un hadell pes un djal pale tele har o lengsto pani Nil an Egiptia. Un i menshe rowenn pral kolende, kai meran.

Habakuk 3:19

O baro Dewel krell man soreles. Job krell mire pire har i pire o tserfestar, te nai stap pral i berge un perau gar. Pash kai gili well bashedo ap dorjengre bashepangre.

Zakarie 14:4

Job hi tardo ap o djeteskri berga, hoi glan o foro Jerusalem tchiddo hi, kote kai o kham pre djala. Un koi berga phagell mashkral an dui kotja, fun kotar kai o kham pre djal bis kote, kai o kham tele djal. Jek kotar djal ap i serwi rig, o wawar kotar ap i tchatchi rig. Un mank kol dui berge hi i buchli tala.

5. Mose 32:13

Job mukas len o rai te well pral o pralstuno them. Un jon nai chan o djob ap i hachetikri phub. Gwin mukas lo len te hatsell mank i bare barra, un djet te lell i rukendar, hoi ap barrengri phub bares wan.

5. Mose 33:29

Bachtelo han tumer, Israelitarja! Koon hi jaake har tumer? Tumen kokres las o baro Dewel dran o pandepen win. Job well ap tumari rig, un rikrell peskro wast pral tumende. Job kurell pes tumenge, un krell, te wenn tumer sorleder har kolla, kolentsa kurenn tumen. Jon hunte witsrenn pen tele glan tumende, un tumer djan pral lende wergel.