Micha 1:16 - O Debleskro Drom 2021 (Sinte)

¹⁶ Tu, Juda, muk tuke i balla tele te tchinell, te atchenn tuke kek balla ap o shero. Tire tchawe, kolen tu jaake kameh, wenn pandlo un tutar krik anlo.

O Debleskro Lab 2024 (Sinte-Manouche)

¹⁶ Tou, Youda, mouk touke i balla tele te činell, te ačenn touke kek balla ap o shero. Tire čave, kolen tou yaake kameh, venn pandlo oun toutar krik anlo.

Micha 1:16 Iomraidhean Croise

2. Rajengro liil 17:6

Un har o Hoshea an o enjato bersh baro rai his, las o baro rai pral o them Assur o foro Samaria dren, un anas i menshen dran Israel pandles krik an o them Assur, un mukas len te djiwell an o them Halach un pash o lengsto pani Habor an o them Gosan, un an i forja, kai i Medarja djiwan.

Hiob 1:20

Kote stas o Hiob pre, un sorjah tserdas lo peskre pralstune koola pestar tele, un kras len paash, jaake bud dukas leskro dji. Job tchinas peskre balla tele, mukas pes ap i phub te perell un mangas o Debles an.

Jesaja 15:2

I menshe dran o kheer Dibon djan pre pash kol pre-tchidde barra, kai mangenn le pengre deblen an, te rowenn le koi pral i forja Nebo un Medeba. Pengre balla un pengre tchora tchinan le tele i dukatar.

Jesaja 22:12

Un ap ko diwes das o baro Dewel, ko rai pral o bolepen un i phub gole: “Rowenn un denn gole, tchinenn tumenge i balla tele, un riwenn tumen an ripja dran gone, te sikrenn, kai khaitell tumen tumari doosh!”

Jeremia 16:6

Kol bare un kol tikne hunte merenn an kau them, un wenn gar paskedo. Un kek rowell pral lende. Un kek tchinell pes ratles lenge oder tchinell peskre tsele balla lenge tele.

Jeremia 4:8

Doleske riwenn tumen an i gono! Rowenn un denn gole! O baro Dewel las peskri bari choli gar mendar krik.

Jeremia 47:5

Pral o foro Gaza well o ropen, un o foro Ashkelon well khetne dino. Tumer, kai atchan pral o menshendar Anak, har rah kamenn tumen an o mass te tchinell?

Jeremia 6:26

Tumer, mire menshe, tumenge penau: Riwenn gone ap tumende! Tchiwenn tumen an i jagakri tchik! Rowenn har te merals tumaro tchawo, un tumen kek wawar hi! Giwenn i ropaskri gili! Kol marepangre perenn ap jek kopo pral mende.

Jeremia 7:29

Tchin tire lengste balla tele, un witse len tutar krik! Gib i ropaskri gili ap i berge! O baro Dewel hi chojedo pral kal menshende, un tradell len pendar krik, un kamell lendar tchi te djinell.

Ropaskre gilja 2:19

Ste pre an i rati, un de gole pale te pale ap o baro Debleste! Tchore tiro dji win glan o Debleste. Rike tire wasta glan leste pre un mange lestar o djipen tire terne tchawendar, kai i bokatar merenna ap hako dromeskri ekka.

Amos 7:11

Job penell: O Jerobeam well o chareha mulo dino. Un i Israelitarja wenn pandles krik anlo dran pengro them.”

Amos 7:17

Doleske penell o baro Dewel: Tiri romni well i lubni an o foro. Tire tchawe un tcha wenn maredo o chareha. Tiri phub lenn wawar menshe. Tu meress an i pale-tchiddo them. Un i Israelitarja wenn win tradedo dran lengro them.”

Amos 8:10

Tumare bare diwessa, kai hans bachtelo, wenn kanna diwessa, kai denn gole i bibachtjatar. Un tumare gilja wenna ropangre gilja. Tumer riwenn tumen an gone, un tchinenn tumare tsele balla ap o shero tele. Un han jaake har i dad un i dai, kai pral pengro tchaweste rowenn, kai meras, un len hi kek wawar tchawe. Un lauter, hoi djal an ko diwes, krell i menshenge bari daar.

5. Mose 28:41

Tumen wenn mursh tchawe un tcha. Un jon atchenn tumenge gar. Pandles wenn le krik anlo.